1 Pedro 1:8 - Li Santil hu

⁸ Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

Q'eqchi Bible

⁸ Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

1 Pedro 1:8 ပူးပေါင်းရင်းမြစ်များ

San Juan 20:29

Li Jesús quixye re: —La̱at toj xacuil cuu, tojoꞌnak xina̱pa̱b. Abanan la̱in ninye a̱cue, us xak reheb li nequeꞌpa̱ban cue chi incꞌaꞌ xeꞌril cuu, chan li Jesús re.

2 Corintios 5:7

Nak yoꞌyo̱co arin saꞌ ruchichꞌochꞌ, toj ma̱jiꞌ nakil ru li Ka̱cuaꞌ. Abanan cau kachꞌo̱l nak li Ka̱cuaꞌ cuan kiqꞌuin.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Hebreos 11:1

¿Cꞌaꞌru li pa̱ba̱l? Li pa̱ba̱l aꞌan xnaubal nak relic chi ya̱l takacꞌul li yo̱co chiroybeninquil. Usta incꞌaꞌ nakil ru aban nakanau nak takacꞌul.

San Juan 16:22

Joꞌcan ajcuiꞌ la̱ex. Anakcuan ra saꞌ e̱chꞌo̱l. Abanan nak te̱ril cuiꞌchic cuu, ta̱sahokꞌ saꞌ e̱chꞌo̱l. Ut ma̱ ani ta̱isi̱nk che̱ru lix sahil e̱chꞌo̱l.

2 Corintios 4:18

Incꞌaꞌ nakaqꞌue kachꞌo̱l chirix li cuan arin saꞌ ruchichꞌochꞌ, li na-ilman ru. Nakaqꞌue ban kachꞌo̱l chirix li cuan aran saꞌ choxa, li incꞌaꞌ na-ilman ru. Li cꞌaꞌru na-ilman ru nalaj na-osoꞌ. Abanan li incꞌaꞌ na-ilman ru cuan chi junelic.

1 Pedro 1:6

Usta te̱cꞌul nabal pa̱y ru li raylal re xyalbal rix le̱ pa̱ba̱l saꞌ ruchichꞌochꞌ aꞌin, chisahokꞌ saꞌ le̱ chꞌo̱l xban nak ac colbilex chic.

Hebreos 11:27

Xban xpa̱ba̱l laj Moisés qui-el chak saꞌ li tenamit Egipto ut incꞌaꞌ quixucuac chiru li rey usta yo̱ xjoskꞌil saꞌ xbe̱n. Quixcacuubresi xchꞌo̱l xban nak naxnau nak li Dios cuan riqꞌuin. Chanchan li yo̱ chirilbal ru, aban li Dios ma̱ ani na-iloc ru.

1 Pedro 2:7

Kꞌaxal lokꞌ li Cristo chokꞌ e̱re la̱ex li ac xexpa̱ban. Abanan chokꞌ reheb li ma̱jiꞌ nequeꞌpa̱ban, ma̱cꞌaꞌ na-oc cuiꞌ. Tzꞌi̱banbil retalil saꞌ li Santil Hu chi joꞌcaꞌin: Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab. (Sal. 118:22)

Filipenses 4:4

Chisahokꞌ taxak saꞌ e̱chꞌo̱l chi junelic xban nak junajex chic riqꞌuin li Ka̱cuaꞌ. Ut jun sut chic tinye e̱re: Chisahokꞌ taxak saꞌ e̱chꞌo̱l.

1 Pedro 5:4

Li Jesucristo aꞌan tzꞌakal laj ilol ke. Cui nakachꞌolaniheb chi us li kꞌaxtesinbileb ke, li Jesucristo tixqꞌue kakꞌajca̱munquil nak tol-e̱lk cuiꞌchic. Li kakꞌajca̱munquil aꞌan incꞌaꞌ nalaj incꞌaꞌ na-osoꞌ. Ut totzꞌako̱nk ajcuiꞌ riqꞌuin lix nimal xlokꞌal.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

Filipenses 1:25

Ninnau chi tzꞌakal nak naru texintenkꞌa. Joꞌcan nak ninnau nak tincua̱nk saꞌ e̱ya̱nk re e̱tenkꞌanquil. Texintenkꞌa re nak sahak saꞌ e̱chꞌo̱l nak yo̱kex chi qꞌui̱c saꞌ le̱ pa̱ba̱l.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

San Juan 14:24

Li ani incꞌaꞌ narahoc cue incꞌaꞌ naxba̱nu li cꞌaꞌru ninye. Li cꞌaꞌru xinye e̱re, incꞌaꞌ xinye yal injunes. Lin Yucuaꞌ li quitaklan chak cue, aꞌan li nacꞌutuc chicuu cꞌaꞌru tinye.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

2 Corintios 12:4

Ut li cꞌaꞌru quicuabi aran incꞌaꞌ naru nina̱tinac chirix xban nak moco xcꞌulub ta junak cui̱nk a̱tinac chirix ut incꞌaꞌ natauman junak a̱tin re xyebal xban nak kꞌaxal numtajenak xlokꞌal.

2 Corintios 9:15

Bantiox re li Dios nak quixqꞌue ke li ma̱tan li kꞌaxal numtajenak xlokꞌal. Ut li ma̱tan aꞌin, aꞌan li Ka̱cuaꞌ Jesucristo.

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

Hechos 16:34

Quixcꞌameb laj Pablo ut laj Silas saꞌ rochoch ut quixqꞌueheb xtzacae̱mk. Cꞌajoꞌ nak quisahoꞌ saꞌ xchꞌo̱l nak quixpa̱b li Dios rochbeneb li cuanqueb saꞌ rochoch.

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Cantares 5:9

La̱at li chꞌinaꞌusat saꞌ xya̱nkeb chixjunileb li ixk. ¿Ma kꞌaxal cha̱bil li cui̱nk li nacara chiruheb li jun chꞌol chic? ¿Ma kꞌaxal cha̱bil ta biꞌ li cui̱nk li nacara la̱at nak nacaye ke nak takaba̱nu aꞌin?

Cantares 1:7

At cui̱nk, la̱in nacatinra. Ye cue bar nacacꞌam la̱ queto̱mk re teꞌcuaꞌak. ¿Bar nacaqꞌueheb chi hila̱nc cuaꞌleb? ¿Cꞌaꞌut nak tento nak tinbeni cuib cha̱sicꞌbal saꞌ lix naꞌajeb lix queto̱mkeb laj ilol xul?

Efesios 3:19

Ma̱ jokꞌe ta̱ru̱k takatau ru chi tzꞌakal lix rahom xban nak ma̱cꞌaꞌ rosoꞌjic ut kꞌaxal lokꞌ. Nintzꞌa̱ma chiru li Dios nak tixcꞌut che̱ru nak cꞌajoꞌ nequexra li Cristo, ut chinujak taxak le̱ chꞌo̱l riqꞌuin xnimajcual xcuanquil.