1 Pedro 1:5 - Li Santil hu

⁵ Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

Q'eqchi Bible

⁵ li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

1 Pedro 1:5 ပူးပေါင်းရင်းမြစ်များ

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

Efesios 2:8

Ya̱l nak xepa̱b li Jesucristo ut colbilex chic. Abanan yal xban rusilal li Dios nak colbilex. Ma̱cuaꞌ xban e̱yehom e̱ba̱nuhom. Yal e̱ma̱tan ban xban li Dios.

Li xHu LAJ JOB 19:25

La̱in ninnau nak li nacoloc cue yoꞌyo. Ut ninnau nak aꞌan ta̱a̱tinak chicuix re incolbal arin saꞌ ruchichꞌochꞌ.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

San Juan 17:15

Incꞌaꞌ yo̱quin chixtzꞌa̱manquil cha̱cuu nak ta̱cuisiheb lin tzolom saꞌ ruchichꞌochꞌ. Caꞌaj cuiꞌ yo̱quin chixtzꞌa̱manquil cha̱cuu nak ta̱coleb chiru laj tza.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

Romanos 11:20

Ya̱l ajcuiꞌ nequeye, aban xban nak incꞌaꞌ nequeꞌpa̱ban joꞌcan nak queꞌisi̱c. Ut la̱ex chic quexletzeꞌ saꞌ xnaꞌajeb aꞌan xban nak nequexpa̱ban. Joꞌcan nak chexucua ru li Dios ut me̱nimobresi e̱rib.

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Isaías 51:6

Ilonkex saꞌ choxa ut ilonkex saꞌ ruchichꞌochꞌ. Li choxa ta̱sachk joꞌ nak nasach li sib. Li ruchichꞌochꞌ ta̱osokꞌ joꞌ nak na-osoꞌ junak li tꞌicr. Ut eb li cristian telajeꞌca̱mk. Abanan li colba-ib li ninqꞌue incꞌaꞌ ta̱osokꞌ. Ta̱cua̱nk ban chi junelic ut lin ti̱quilal incꞌaꞌ ta̱paltok.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Salmos 37:28

Li Ka̱cuaꞌ nacuulac chiru li ti̱quilal. Incꞌaꞌ naxtzꞌekta̱naheb li ralal xcꞌajol. Naxcoleb ban chi junelic. Abanan li ralal xcꞌajoleb li incꞌaꞌ useb xnaꞌleb, aꞌan teꞌsachekꞌ.

1 Samuel 2:9

Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Proverbios 2:8

Aꞌan na-iloc reheb li ralal xcꞌajol li nequeꞌcuan saꞌ ti̱quilal ut naxcoleb.

Isaías 66:22

Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Romanos 8:18

La̱in ninye nak li raylal yo̱co chixcꞌulbal anakcuan incꞌaꞌ takaqꞌue saꞌ kachꞌo̱l xban nak moco juntakꞌe̱t ta riqꞌuin li usilal takacꞌul mokon xban nak numtajenak cuiꞌchic lix nimal xlokꞌal li rusilal li Dios tixqꞌue ke.

1 Corintios 1:21

Li Dios naxnau chixjunil. Ac cuan saꞌ xchꞌo̱l li Dios nak li cuanqueb saꞌ ruchichꞌochꞌ ma̱ jaruj teꞌxtau ru xnaꞌleb li Dios yal xjuneseb rib. Joꞌcan nak quiraj xcolbaleb li teꞌpa̱ba̱nk re li resil li colba-ib usta cuan li nequeꞌyehoc re nak to̱ntil naꞌleb li yo̱co chixjulticanquil che̱ru chirix li Cristo.

Filipenses 4:7

Ut li Dios ta̱qꞌuehok e̱re li tuktu̱quil usilal. Aꞌan kꞌaxal lokꞌ chiru chixjunil li cꞌaꞌru nakacꞌoxla la̱o. Ut li tuktu̱quil usilal li naxqꞌue li Dios tixcꞌojob le̱ chꞌo̱l ut tixtukub le̱ cꞌaꞌux xban nak junajex chic riqꞌuin li Cristo.

1 Pedro 4:13

Chisahokꞌ ban saꞌ e̱chꞌo̱l nak yo̱quex chi cꞌuluc raylal joꞌ quixcꞌul li Cristo xban nak yo̱quex chi tzꞌako̱nc riqꞌuin li raylal li quixcꞌul aꞌan. Ta̱cuulak xkꞌehil nak li Jesucristo tixcꞌutbesi lix nimal xlokꞌal ut la̱ex kꞌaxal cuiꞌchic ta̱sahokꞌ saꞌ e̱chꞌo̱l.

1 Pedro 5:1

Ut anakcuan tinye cuib oxibak li a̱tin reheb laj cꞌamol be saꞌ e̱ya̱nk la̱ex aj pa̱banel. La̱in ajcuiꞌ e̱rochben chi cꞌamoc be ut quicuil tzꞌakal nak li Cristo quixcꞌul raylal. La̱in tintzꞌako̱nk ajcuiꞌ joꞌ nak la̱ex textzꞌako̱nk saꞌ lix nimal xlokꞌal li ta̱cꞌutbesi̱k.

2 Pedro 1:3

Chixjunil li cꞌaꞌru nacꞌanjelac ke saꞌ li kayuꞌam ut saꞌ li kapa̱ba̱l qꞌuebil ke xban xnimal xcuanquil li Cristo. Saꞌ xcꞌabaꞌ lix cuanquil xkanau ru li Dios li quibokoc ke chi tzꞌako̱nc riqꞌuin lix nimal xlokꞌal ut xcuanquilal.