1 Pedro 1:3 - Li Santil hu

³ Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

Q'eqchi Bible

³ Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

1 Pedro 1:3 ပူးပေါင်းရင်းမြစ်များ

1 Pedro 1:23

La̱ex yoꞌlajenakex chic xcaꞌ cua chi acꞌ chic le̱ yuꞌam. Li yuꞌam aꞌin ma̱cuaꞌ xqꞌuehom le̱ naꞌ e̱yucuaꞌ. Li yuꞌam aꞌan na-osoꞌ. Abanan li acꞌ yuꞌam natauman riqꞌuin xpa̱banquil ra̱tin li Dios. Yoꞌyo ut cuan chi junelic.

1 Juan 5:4

Li yoꞌlajenak saꞌ musikꞌej riqꞌuin li Dios cuan xcuanquil re xcuybal xnumsinquil li ma̱usilal li cuan saꞌ ruchichꞌochꞌ. Cuan kacuanquilal chixnumsinquil xban nak nakapa̱b saꞌ xcꞌabaꞌ li Jesucristo.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

2 Corintios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Li Dios, aꞌan li kaYucuaꞌ ut junelic naruxta̱na ku ut naxcꞌojob kachꞌo̱l.

1 Juan 3:3

Li ani yo̱ chiroybeninquil lix cꞌulunic li Cristo, aꞌan naxsakobresi li ra̱m saꞌ ti̱quilal joꞌ li Ka̱cuaꞌ Jesucristo ti̱c xchꞌo̱l.

Romanos 12:12

Chisahokꞌ saꞌ e̱chꞌo̱l xban nak cuan cꞌaꞌru nequeroybeni. Checuyak li raylal li nachal saꞌ e̱be̱n. Ut junelic chextijok.

1 Juan 2:29

La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Éxodo 34:6

Li Dios quinumeꞌ chiru laj Moisés ut quixye re: —La̱in li Ka̱cuaꞌ Dios. La̱in li nimajcual Dios. La̱in li nintokꞌoban u ut la̱in ajcuiꞌ nin-uxta̱nan u. La̱in incꞌaꞌ ninjoskꞌoꞌ chi junpa̱t. Numtajenak lin rahom. Ma̱ jaruj ninpaltoꞌ. Cuanquin chi junelic.

Efesios 3:20

Lokꞌoninbil taxak li Dios li kꞌaxal nim xcuanquil chixba̱nunquil nabal chiru li nakatzꞌa̱ma. Riqꞌuin xnimal xcuanquil nacꞌanjelac saꞌ li ka̱m ut kꞌaxal nim xcuanquil chixba̱nunquil nabal chiru li nakoybeni.

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

1 Timoteo 1:14

Ut li Ka̱cuaꞌ Jesucristo numtajenak cuiꞌchic li cuosobtesinquil quixqꞌue. Quixqꞌue inpa̱ba̱l ut quixqꞌue cue li rahoc li nakatau nak junajo chic riqꞌuin li Cristo.

Efesios 2:4

Abanan kꞌaxal nim li ruxta̱n li Dios saꞌ kabe̱n xban nak kꞌaxal nocoxra.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

1 Corintios 13:13

Joꞌcan nak li pa̱ba̱l, li yoꞌoni̱nc ut li rahoc cua̱nk chi junelic. Abanan li kꞌaxal nim xcuanquil saꞌ xya̱nkeb li oxib aꞌin, aꞌan li rahoc.

1 Juan 3:9

Ma̱ jun ralal xcꞌajol li Dios yo̱k chi ma̱cobc xban nak li Dios cuan riqꞌuin. Ut incꞌaꞌ naru nak yo̱k chi ma̱cobc xban nak aꞌan tzꞌakal ralal xcꞌajol li Dios.

1 Pedro 2:2

Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

Hebreos 3:6

Aban li Ka̱cuaꞌ Jesucristo, aꞌan tzꞌakal Ralal li Dios ut cuan xcuanquil chi takla̱nc saꞌ xbe̱neb li ralal xcꞌajol li Dios. La̱o li ralal xcꞌajol li Dios cui caꞌaj cuiꞌ riqꞌuin li Dios nocoyoꞌonin ut cauhak kachꞌo̱l saꞌ li kapa̱ba̱l toj saꞌ rosoꞌjic li cutan.

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Romanos 8:24

Xban nak nocopa̱ban, colbilo. Aban cuan ajcuiꞌ li ma̱tan toj ma̱jiꞌ nakacꞌul ut aꞌan li toj yo̱co chiroybeninquil. Cui ta ac xkacꞌul chixjunil, incꞌaꞌ raj chic yo̱co chi oybeni̱nc.

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

San Juan 1:13

Queꞌoc chokꞌ ralal xcꞌajol li Dios xban nak joꞌcan quiraj li Dios. Moco yal xcꞌaꞌux cui̱nk ta. Moco joꞌ ta nak nayoꞌla junak cristian arin saꞌ ruchichꞌochꞌ. Yoꞌlajenakeb ban chic saꞌ musikꞌej ut ralal xcꞌajoleb chic li Dios.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Isaías 26:19

Abanan eb la̱ tenamit li queꞌcam teꞌcuacli̱k cuiꞌchic chi yoꞌyo. Chixjunileb li cuanqueb saꞌ li mukleba̱l teꞌcuacli̱k cuiꞌchic chi yoꞌyo ut teꞌxjap reheb xban xsahil xchꞌo̱leb. Li Ka̱cuaꞌ tixcuaclesiheb cuiꞌchic chi yoꞌyo li camenak joꞌ nak li xchuꞌque naxqꞌueheb chi yoꞌla̱c li acui̱mk.

1 Juan 5:18

Nakanau nak li ani napa̱ban re li Dios incꞌaꞌ chic yo̱k chi ma̱cobc xban nak li Ralal li Dios na-iloc re. Ut laj tza ma̱cꞌaꞌ chic xcuanquil saꞌ xbe̱n laj pa̱banel.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Romanos 5:10

Nak toj aj ma̱co chak xicꞌ nakil li Dios. Aban li Dios xoxcꞌam saꞌ usilal riqꞌuin saꞌ xcꞌabaꞌ lix camic li Ralal. Ut anakcuan nakanau chic nak cuanco saꞌ usilal riqꞌuin li Dios ut colbilo xban nak li Cristo quicuacli cuiꞌchic chi yoꞌyo.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

Salmos 41:13

Lokꞌoninbil taxak li Ka̱cuaꞌ, lix Dioseb laj Israel, chi junelic kꞌe cutan. Joꞌcan taxak.

1 Crónicas 29:20

Chirix aꞌan laj David quixye reheb chixjunileb li tenamit li chꞌutchꞌu̱queb aran: —Lokꞌonihomak li Ka̱cuaꞌ li kaDios, chan. Ut chixjunileb queꞌxlokꞌoni li Ka̱cuaꞌ, lix Dioseb lix xeꞌto̱nil yucuaꞌ. Queꞌxcuikꞌib ribeb saꞌ chꞌochꞌ chiru li Ka̱cuaꞌ ut chiru ajcuiꞌ li rey.

1 Reyes 8:15

Ut quixye: —Lokꞌoninbil taxak li Ka̱cuaꞌ, lix Dioseb laj Israel, xban nak xba̱nu li cꞌaꞌru quixyechiꞌi re laj David lin yucuaꞌ,

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

1 Ts 4:13

Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni.

Gálatas 6:16

Aꞌ taxak li tuktu̱quilal ut li uxta̱na̱nc u chicua̱nk e̱riqꞌuin la̱ex li nequexpa̱ban re lix ya̱lal li yo̱quin chixyebal. La̱ex li tzꞌakal ralal xcꞌajol li Dios.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

1 Pedro 3:5

Joꞌcan ajcuiꞌ queꞌxba̱nu chak li cha̱bil ixk li queꞌxpa̱b li Dios najter. Queꞌxsicꞌ lix chꞌinaꞌusal riqꞌuin li tuktu̱quilal ut li tu̱lanil. Ut eb li ixk aꞌan queꞌabin ajcuiꞌ chiruheb lix be̱lom ut queꞌx-oxlokꞌiheb.

1 Pedro 3:15

Cheqꞌuehak ban xlokꞌal li Ka̱cuaꞌ Jesucristo chi anchal e̱chꞌo̱l ut chekꞌaxtesihak e̱rib saꞌ rukꞌ. Chenauhak xsumenquil li teꞌraj patzꞌoc e̱re chirix le̱ pa̱ba̱l. Ac cua̱nk saꞌ le̱ chꞌo̱l cꞌaꞌru te̱sumeheb cuiꞌ. Ut chesumehakeb saꞌ xya̱lal ut saꞌ tu̱lanil.

2 Crónicas 31:8

Nak laj Ezequías ut eb li nequeꞌtenkꞌan re queꞌril chixjunil li mayej tu̱btu aran, queꞌxlokꞌoni li Ka̱cuaꞌ ut queꞌxbantioxi chiruheb laj Israel lix tenamit.