1 Pedro 1:1 - Li Santil hu

¹ La̱in laj Pedro. La̱in x-apóstol li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li xejeqꞌui e̱rib saꞌ li junju̱nk chi naꞌajej. Yal numecꞌ yo̱quex xban nak ma̱cuaꞌ e̱tenamit li cuanquex cuiꞌ, la̱ex li cuanquex saꞌ xcue̱nt Ponto, ut saꞌ xcue̱nt Galacia ut Capadocia, joꞌ ajcuiꞌ li cuanquex saꞌ xcue̱nt Asia ut Bitinia.

Q'eqchi Bible

¹ Laa'in laj Pedro, x'apóstol li Jesukriist, nintz'iib'ak eerik'in li xecha'cha'i eerib' Ponto, Galacia, Kapadocia, Asia ut Bitinia, ut anaqwan wankex aran jo' aj numel. Laa'ex sik'b'il eeru,

1 Pedro 1:1 ပူးပေါင်းရင်းမြစ်များ

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

Hebreos 11:13

Chixjunileb aꞌan quilajeꞌcam. Usta incꞌaꞌ queꞌxcꞌul chixjunil li cꞌaꞌru quiyechiꞌi̱c reheb xban li Dios, queꞌxpa̱b nak ta̱cꞌulma̱nk li yechiꞌinbil. Joꞌcan nak saheb saꞌ xchꞌo̱l. Queꞌxye nak li ruchichꞌochꞌ aꞌin ma̱cuaꞌ tzꞌakal xnaꞌajeb; yal numeleb ban saꞌ ruchichꞌochꞌ.

Efesios 2:19

Ut moco jalanex ta chic anakcuan riqꞌuineb laj judío. La̱ex ban chic xcomoneb. Junaj chic e̱ru riqꞌuineb. La̱ex chic ralal xcꞌajol li Dios.

Salmos 44:11

Xoa̱kꞌaxtesi saꞌ rukꞌeb li xicꞌ nequeꞌiloc ke. Chanchano li carner re camsi̱c. Ut xoa̱chaꞌchaꞌi saꞌ xya̱nkeb li jalaneb xtenamit, li nequeꞌlokꞌonin jalanil dios.

Hechos 8:4

Ut chixjunileb li queꞌxjeqꞌui ribeb saꞌ jalan naꞌajej yo̱queb chixyebal resil li evangelio yalak bar.

San Juan 11:52

Ut ma̱cuaꞌ caꞌaj cuiꞌ saꞌ xcꞌabaꞌeb aꞌan nak ta̱ca̱mk li Jesús. Re aj ban cuiꞌ nak junajakeb chic ru chixjunileb li ralal xcꞌajol li cuanqueb saꞌ chixjunil li ruchichꞌochꞌ.

San Mateo 24:22

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbal ruheb li cutan aꞌan, ma̱ ani raj ta̱cana̱k chi yoꞌyo saꞌ ruchichꞌochꞌ. Joꞌcan nak li Ka̱cuaꞌ tixse̱ba xrakbal ruheb li cutan aꞌan saꞌ xcꞌabaꞌeb li sicꞌbileb ru.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

Ester 3:8

Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

Deuteronomio 28:64

Li Ka̱cuaꞌ tixchaꞌchaꞌi e̱ru yalak bar saꞌ ruchichꞌochꞌ. Ut saꞌ eb li naꞌajej aꞌan te̱lokꞌoni li jalanil dios li yi̱banbil riqꞌuin cheꞌ ut pec, chi moco la̱ex chi moco le̱ xeꞌto̱nil yucuaꞌ queꞌxlokꞌoniheb junxil.

Deuteronomio 4:27

Li Ka̱cuaꞌ Dios tixchaꞌchaꞌi e̱ru saꞌ eb li jalan tenamit ut moco qꞌuihex ta chic li texcana̱k chi yoꞌyo saꞌ eb li naꞌajej li texcꞌamekꞌ cuiꞌ xban li Ka̱cuaꞌ.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

Efesios 2:12

Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

2 Corintios 1:8

Ex inherma̱n, nacuaj nak te̱nau joꞌ qꞌuial li raylal xkacꞌul saꞌ li naꞌajej Asia. Kꞌaxal ra xkacꞌul chak ut xkacꞌoxla nak incꞌaꞌ chic takacuy xnumsinquil. La̱o xkacꞌoxla nak incꞌaꞌ chic toeꞌxcanab chi yoꞌyo.

Hechos 18:2

Ut aran quixtau jun li cui̱nk aj judío. Aj Aquila xcꞌabaꞌ. Ponto xtenamit. Incꞌaꞌ najter xcꞌulunic Italia rochben lix Priscila li rixakil. Queꞌel aran Roma xban nak laj Claudio li Acuabej quixye nak chixjunileb laj judío teꞌe̱lk saꞌ li tenamit aꞌan. Laj Pablo co̱ chirulaꞌanquileb.

Ezequiel 6:8

Abanan incꞌaꞌ tinsacheb ru chi junaj cua li tenamit Israel. Saꞌ xya̱nkeb li jeqꞌuinbil ruheb saꞌ jalan tenamit, cuan li incꞌaꞌ teꞌcamsi̱k saꞌ li ple̱t.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

2 Timoteo 1:15

La̱at nacanau nak chixjunileb laj pa̱banel li cuanqueb Asia xineꞌxcanab injunes. Saꞌ xya̱nkeb aꞌan cuanqueb laj Figelo ut laj Hermógenes.

Gálatas 1:2

La̱in yo̱quin chixtaklanquil li hu aꞌin e̱riqꞌuin che̱junilex la̱ex li cuanquex saꞌ li junju̱nk chi iglesia aran Galacia. Ut eb li herma̱n li cuanqueb cuochben yo̱queb ajcuiꞌ chixtaklanquil xsahil e̱chꞌo̱l.

1 Corintios 16:19

Chixjunileb laj pa̱banel li cuanqueb Asia nequeꞌxtakla xsahil e̱chꞌo̱l saꞌ xcꞌabaꞌ li Ka̱cuaꞌ. Nequeꞌxtakla ajcuiꞌ nabal xsahil e̱chꞌo̱l eb li herma̱n laj Aquila ut lix Priscila. Ut nequeꞌxtakla ajcuiꞌ nabal xsahil e̱chꞌo̱l chixjunileb laj pa̱banel li nequeꞌxchꞌutub rib saꞌ rochoch laj Aquila.

Hechos 19:10

Cuib chihab quixba̱nu chi joꞌcaꞌin. Ut chixjunileb li cuanqueb Asia, eb laj judío, joꞌeb ajcuiꞌ li ma̱cuaꞌeb aj judío, queꞌrabi li ra̱tin li Ka̱cuaꞌ Jesús.

Hechos 18:23

Incꞌaꞌ najt quicuan aran nak co̱ ut quinumeꞌ saꞌ eb li naꞌajej Galacia ut Frigia ut yo̱ chixqꞌuebal xcacuilal xchꞌo̱leb laj pa̱banel.

Hechos 6:9

Cuanqueb xcomoneb li nequeꞌtzoloc saꞌ li cab li nequeꞌxchꞌutub cuiꞌ ribeb laj judío. Aj libertos nequeꞌxye reheb. Saꞌ xya̱nkeb aꞌan cuanqueb li nequeꞌchal chak saꞌ eb li tenamit Cirene, Alejandría, Cilicia ut Asia. Eb aꞌan yo̱queb chixcuechꞌinquil laj Esteban.

San Juan 7:35

Ut eb laj judío queꞌoc chi a̱tinac chi ribileb rib ut queꞌxye: —¿Bar anchal ta̱xic li cui̱nk aꞌin nak incꞌaꞌ ta̱ru̱k takatau? Ma̱re ta̱xic riqꞌuineb laj judío li cuanqueb saꞌ xtenamiteb laj griego. Malaj ta̱oc chixtzolbaleb laj griego.

San Mateo 10:2

Aꞌan aꞌin lix cꞌabaꞌeb lix tzolom cablaju, li quixxakab chokꞌ x-apóstol: li xbe̱n, aꞌan laj Simón, Pedro nayeman re; ut laj Andrés li ri̱tzꞌin; laj Jacobo ut laj Juan li ri̱tzꞌin. Laj Zebedeo, aꞌan lix yucuaꞌeb;

San Mateo 4:18

Saꞌ jun cutan nak coxnumekꞌ li Jesús chire li palau cuan Galilea, quirileb cuib li cui̱nk ri̱tzꞌineb rib. Li jun, aꞌan laj Simón. Aj Pedro nayeman re. Li jun chic aj Andrés xcꞌabaꞌ. Yo̱queb chixqꞌuebal lix yoy saꞌ li palau xban nak aꞌaneb aj chapol car.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Deuteronomio 32:26

Ut xinye nak tinjeqꞌuiheb yalak bar. Ut incꞌaꞌ chic teꞌpatzꞌekꞌ xcꞌabaꞌeb.

San Lucas 18:7

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan?