1 Juan 5:6 - Li Santil hu

⁶ Li Jesucristo quicꞌulun saꞌ ruchichꞌochꞌ. Quixcꞌul li cubi haꞌ ut quihoyeꞌ ajcuiꞌ lix quiqꞌuel chiru li cruz. Ma̱cuaꞌ caꞌaj cuiꞌ li cubi haꞌ quixcꞌul. Quihoyeꞌ aj ban cuiꞌ lix quiqꞌuel. Li Santil Musikꞌej naxchꞌolob xya̱lal chiku chirix li Cristo. Ut ya̱l chixjunil li naxcꞌut chiku li Santil Musikꞌej.

Q'eqchi Bible

⁶ A'an a'in li kik'ulunk rik'in ha' ut rik'in kik': a' li Jesukriist. Moko ka'aj ta wi' rik'in ha', rik'in b'an ha' ut kik'. Ut li nayehok naq yaal, a'an li Musiq'ej, xb'aan naq li Musiq'ej a'an li yaal.

1 Juan 5:6 ပူးပေါင်းရင်းမြစ်များ

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

San Juan 15:26

Nak ta̱cha̱lk li Santil Musikꞌej, laj Cꞌojobanel Chꞌo̱l, e̱riqꞌuin aꞌan tixcꞌut chi tzꞌakal lix ya̱lal che̱ru chicuix la̱in. La̱in tintakla chak e̱riqꞌuin li Santil Musikꞌej li nachal riqꞌuin lin Yucuaꞌ.

San Juan 16:13

Abanan nak ta̱cha̱lk li Santil Musikꞌej, aꞌan tixcꞌut che̱ru chixjunil lix ya̱lal. Incꞌaꞌ ta̱a̱tinak yal xjunes. Tixye ban e̱re chixjunil li cꞌaꞌru ta̱rabi riqꞌuin li Dios ut tixchꞌolob che̱ru li cꞌaꞌru ta̱cha̱lk mokon.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

San Marcos 14:24

Ut li Jesús quixye reheb: —Aꞌan aꞌin lin quiqꞌuel li ta̱hoyekꞌ saꞌ xcꞌabaꞌeb chixjunileb ut aꞌan ta̱xakaba̱nk xcuanquil li Acꞌ Contrato.

San Juan 14:17

Ut aꞌan ajcuiꞌ li Santil Musikꞌej li ta̱cꞌutuk re lix ya̱lal che̱ru chirix li Dios. Li incꞌaꞌ niquineꞌxpa̱b incꞌaꞌ naru nacuan li Santil Musikꞌej riqꞌuineb xban nak incꞌaꞌ nequeꞌxnau ani aꞌan, chi moco nequeꞌxqꞌue retal li cꞌaꞌru naxba̱nu li Santil Musikꞌej. Abanan la̱ex nequenau ani aꞌan xban nak aꞌan cuan saꞌ e̱ya̱nk anakcuan ut ta̱cua̱nk e̱riqꞌuin chi junelic.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Lucas 22:20

Joꞌcan ajcuiꞌ quixba̱nu nak ac xrakeꞌ chi cuaꞌac. Quixchap li secꞌ re ucꞌac ut quixye: —Aꞌan aꞌin retalil li acꞌ contrato li ta̱xakaba̱k xcuanquil riqꞌuin lin quiqꞌuel li ta̱hoyekꞌ nak tincamsi̱k saꞌ e̱cꞌabaꞌ la̱ex, chan.

San Mateo 26:28

xban nak aꞌan aꞌin lin quiqꞌuel li ta̱hoyekꞌ re nak ta̱cuyekꞌ xma̱queb nabal chi tenamit. Ut aꞌan ta̱xakaba̱nk xcuanquil li Acꞌ Contrato.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Levítico 17:11

Li quicꞌ, aꞌan xyuꞌam ut xmetzꞌe̱u li tibelej. La̱in xinye nak te̱mayeja li quicꞌ chiru li artal re xtojbal rix le̱ ma̱c. Riqꞌuin quicꞌ te̱toj rix le̱ ma̱c xban nak li quicꞌ, aꞌan li natojoc rix le̱ yuꞌam.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Tito 3:5

Li Dios xoxcol ut xorisi saꞌ li kanajter naꞌleb. Ma̱cuaꞌ xban kayehom kaba̱nuhom chi moco xban lix ti̱quilal li kachꞌo̱l. Yal xban lix nimal ruxta̱n li Dios nak coxcol. Cuybil sachbil chic li kama̱c ut acꞌobresinbil chic li kayuꞌam xban li Santil Musikꞌej.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

San Juan 6:55

Lin tibel, aꞌan li tzacae̱mk li naqꞌuehoc junelic yuꞌam. Ut lin quiqꞌuel, aꞌan li ucꞌa li naqꞌuehoc junelic yuꞌam.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

San Juan 3:5

Quichakꞌoc li Jesús ut quixye re: —Relic chi ya̱l ninye a̱cue nak ani incꞌaꞌ ta̱yoꞌla̱k riqꞌuin haꞌ ut riqꞌuin li Santil Musikꞌej moco ta̱ru̱k ta ta̱oc rubel lix nimajcual cuanquilal li Dios.

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

Hebreos 9:7

Aban saꞌ lix cab tasal caꞌaj cuiꞌ li xyucuaꞌil aj tij na-oc jun sut chiru li jun chihab. Ut nak na-oc saꞌ li Lokꞌlaj Santil Naꞌajej aꞌan, naxcꞌam xquiqꞌuel li xul ut naxmayeja re ta̱cuyekꞌ lix ma̱c aꞌan ut re ajcuiꞌ nak ta̱cuyekꞌ xma̱queb li tenamit.

Colosenses 1:4

Nakabantioxi chiru li Dios xban nak xkabi resil nak cau e̱chꞌo̱l chixpa̱banquil li Jesucristo ut xkabi ajcuiꞌ resil nak nequera chixjunileb le̱ rech aj pa̱banelil.

Romanos 3:25

Li Dios quixtakla chak li Ka̱cuaꞌ Jesucristo chi ca̱mc re xcuybal xma̱queb li teꞌpa̱ba̱nk re. Riqꞌuin li quixba̱nu quicꞌutun lix ti̱quilal xchꞌo̱l li Dios. Xban lix nimal xcuyum, incꞌaꞌ quixqꞌue saꞌ xchꞌo̱l lix ma̱queb li tenamit li queꞌma̱cob chak junxil.

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

San Mateo 3:16

Ut nak ac xcubsi̱c xhaꞌ li Jesús, qui-el chak saꞌ li haꞌ. Ut saꞌ junpa̱t quiteli li choxa chiru ut quiril li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús.