1 Juan 5:10 - Li Santil hu

¹⁰ Li ani napa̱ban re li Ralal li Dios, aꞌan naxnau tzꞌakal lix ya̱lal. Aꞌut li incꞌaꞌ napa̱ban re li Dios, naxqꞌue li Dios chokꞌ aj ticꞌtiꞌ xban nak incꞌaꞌ naxpa̱b lix ya̱lal li quixchꞌolob li Dios nak quixye re li Jesús: La̱at li cualal, chan.

Q'eqchi Bible

¹⁰ Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

1 Juan 5:10 ပူးပေါင်းရင်းမြစ်များ

Romanos 8:16

Li Santil Musikꞌej naxchꞌolob xya̱lal chiku, ut nakecꞌa saꞌ li ka̱m nak la̱o chic ralal xcꞌajol li Dios.

Gálatas 4:6

Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

San Juan 3:33

Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

San Juan 5:38

La̱ex incꞌaꞌ nequeraj xcꞌulbal li ra̱tin xban nak incꞌaꞌ niquine̱pa̱b la̱in, li taklanbilin chak xban aꞌan.

Hebreos 3:12

Ex herma̱n, cheqꞌuehak retal nak ma̱ jun taxak saꞌ e̱ya̱nk incꞌaꞌ tixpa̱b li Dios xma̱c lix ma̱usilal. Ma̱re anchal tixtzꞌekta̱na li yoꞌyo̱quil Dios.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

1 Juan 1:10

Cui ut nakaye nak incꞌaꞌ xoma̱cob nakaqꞌue li Dios chokꞌ aj ticꞌtiꞌ. Ut incꞌaꞌ nakapa̱b li ra̱tin.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Colosenses 3:3

Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Apocalipsis 2:28

Ut la̱in tinqꞌue ajcuiꞌ reheb lix lokꞌaleb, chanchan xchꞌinaꞌusal li cak chahim.

2 Pedro 1:19

Riqꞌuin aꞌin nakanau nak relic chi ya̱l na-uxman li cꞌaꞌru tzꞌi̱banbil chak najter xbaneb li profeta. Us cui te̱qꞌue retal li quilajeꞌxtzꞌi̱ba chak li profeta. Aꞌan naxcutanobresi chiku joꞌ junak xam nacutanobresin saꞌ junak naꞌajej kꞌojyi̱n ru. Li Ka̱cuaꞌ Jesucristo naxcutanobresi saꞌ li ka̱m joꞌ nak naxcutanobresi ru li kꞌojyi̱n li cak chahim nak sake̱uc re.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Li xHu LAJ JOB 24:25

¿Ma cuan ta biꞌ junak ta̱ru̱k ta̱yehok cue nak incꞌaꞌ ya̱l li yo̱quin chixyebal? Cui cuan junak ta̱yehok nak ticꞌtiꞌ li yo̱quin chixyebal, xyehak cue anakcuan.—

Jeremías 15:18

¿Cꞌaꞌut nak junelic ra cuanquin? ¿Cꞌaꞌut nak incꞌaꞌ narakeꞌ li raylal li yo̱quin chixcꞌulbal? ¿Ma chi ti̱c ma̱cꞌaꞌ xbanol? ¿Ma incꞌaꞌ ta̱ru̱k tina̱tenkꞌa? La̱in ninnau nak la̱at ma̱cuaꞌat joꞌ jun li haꞌ li na-osoꞌ.—

San Juan 3:18

Li ani napa̱ban re, ma̱cꞌaꞌ li tojba ma̱c saꞌ xbe̱n. Abanan li ani incꞌaꞌ napa̱ban re, ac cuan li tojba ma̱c saꞌ xbe̱n xban nak incꞌaꞌ xpa̱b li Ralal li Dios, li junaj chi ribil.

Gálatas 4:1

Li nacuaj xyebal e̱re aꞌan aꞌin: nak toj caꞌchꞌin, li ta̱e̱chani̱nk re li jun cablal chanchan junak mo̱s. Ma̱cꞌaꞌ naru naxchꞌeꞌ xban nak ma̱jiꞌ natzꞌakloc xchihab usta aꞌan laj e̱chal re chixjunil.

Hechos 8:37

Ut laj Felipe quixye re: —Cui nacapa̱b chi anchal a̱chꞌo̱l li Jesucristo, ta̱ru̱k ta̱cube̱k a̱haꞌ, chan. Li cui̱nk quichakꞌoc ut quixye: —Ninpa̱b nak li Jesucristo, aꞌan Ralal li Dios, chan.