1 Juan 5:1 - Li Santil hu

¹ Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

Q'eqchi Bible

¹ Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

1 Juan 5:1 ပူးပေါင်းရင်းမြစ်များ

1 Juan 2:29

La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

1 Juan 3:14

Cui nakara li kaherma̱n, aꞌan retalil nak cua̱nk kacolbal chiru xcuanquil li ca̱mc ut qꞌuebil kayuꞌam chi junelic. Li ani incꞌaꞌ naxra lix herma̱n, aꞌan toj cuan rubel xcuanquil li ca̱mc.

1 Juan 5:4

Li yoꞌlajenak saꞌ musikꞌej riqꞌuin li Dios cuan xcuanquil re xcuybal xnumsinquil li ma̱usilal li cuan saꞌ ruchichꞌochꞌ. Cuan kacuanquilal chixnumsinquil xban nak nakapa̱b saꞌ xcꞌabaꞌ li Jesucristo.

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?

1 Juan 3:9

Ma̱ jun ralal xcꞌajol li Dios yo̱k chi ma̱cobc xban nak li Dios cuan riqꞌuin. Ut incꞌaꞌ naru nak yo̱k chi ma̱cobc xban nak aꞌan tzꞌakal ralal xcꞌajol li Dios.

San Juan 3:3

Quichakꞌoc li Jesús ut quixye re: —Relic chi ya̱l ninye a̱cue, ma̱ ani naru ta̱oc rubel xnimajcual cuanquilal li Dios cui incꞌaꞌ ta̱yoꞌla̱k cuiꞌchic xcaꞌ sut, chan li Jesús.

San Mateo 16:16

Quichakꞌoc laj Simón Pedro ut quixye: —La̱at li Cristo, li Ralal li yoꞌyo̱quil Dios.—

1 Juan 2:10

Li ani naxra lix herma̱n, aꞌan cutanobresinbil lix naꞌleb xban li Cristo. Ut ma̱ ani nachꞌinan xchꞌo̱l xban.

San Juan 15:23

Li ani xicꞌ na-iloc cue la̱in, xicꞌ ajcuiꞌ naril lin Yucuaꞌ.

1 Juan 4:2

Chi joꞌcaꞌin naru te̱nau cui li Santil Musikꞌej xqꞌuehoc re li naꞌleb malaj incꞌaꞌ. Li ani ta̱yehok re nak li Jesucristo quitzꞌejcualoꞌ ut tzꞌakal cui̱nk nak quicꞌulun saꞌ ruchichꞌochꞌ, aꞌan li cuan li Santil Musikꞌej riqꞌuin.

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

1 Juan 3:17

Jun chic ninye e̱re. Cui la̱o cuan nabal li cꞌaꞌru ke ut incꞌaꞌ nakatokꞌoba ru li nebaꞌ li ma̱cꞌaꞌ cuan re, ¿ma ya̱l ta biꞌ nak nakara li Dios chi joꞌcanan?

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

San Juan 1:3

Chixjunil li cꞌaꞌru cuan, li Dios quixyi̱b saꞌ xcꞌabaꞌ li Cristo. Ut ma̱cꞌaꞌ cꞌaꞌak re ru cuan chi ma̱cuaꞌ aꞌan ta li quiyi̱ban re.

1 Juan 5:5

¿Ani li tzꞌakal cuan xcuanquil re xcuybal xnumsinquil li ma̱usilal li cuan saꞌ ruchichꞌochꞌ? La̱o li nocopa̱ban re nak li Jesús aꞌan li Ralal li Dios. Caꞌaj cuiꞌ la̱o cuan kacuanquil re xcuybal xnumsinquil li ma̱usilal.

1 Juan 5:18

Nakanau nak li ani napa̱ban re li Dios incꞌaꞌ chic yo̱k chi ma̱cobc xban nak li Ralal li Dios na-iloc re. Ut laj tza ma̱cꞌaꞌ chic xcuanquil saꞌ xbe̱n laj pa̱banel.

San Lucas 7:5

xban nak aꞌan nocoxra la̱o aj judío ut aꞌan quitaklan re xyi̱banquil li cab nakachꞌutub cuiꞌ kib, chanqueb re li Jesús.

Hechos 8:37

Ut laj Felipe quixye re: —Cui nacapa̱b chi anchal a̱chꞌo̱l li Jesucristo, ta̱ru̱k ta̱cube̱k a̱haꞌ, chan. Li cui̱nk quichakꞌoc ut quixye: —Ninpa̱b nak li Jesucristo, aꞌan Ralal li Dios, chan.