1 Juan 4:7 - Li Santil hu

⁷ Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

Q'eqchi Bible

⁷ Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

1 Juan 4:7 ပူးပေါင်းရင်းမြစ်များ

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?

1 Juan 4:8

Ut li incꞌaꞌ narahoc ma̱cuaꞌ ralal li Dios xban nak li rahoc riqꞌuin li Dios nachal.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

1 Juan 2:10

Li ani naxra lix herma̱n, aꞌan cutanobresinbil lix naꞌleb xban li Cristo. Ut ma̱ ani nachꞌinan xchꞌo̱l xban.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

2 Timoteo 1:7

Ma̱cuaꞌ li xucuac li xkama̱tani chak riqꞌuin li Dios. Kacuanquil ban xkama̱tani riqꞌuin. Li Dios nocoxtenkꞌa chixra̱baleb li kas ki̱tzꞌin ut aꞌan naqꞌuehoc ke li cha̱bil naꞌleb.

1 Juan 4:12

Ma̱ jun qui-iloc ru li Dios. Abanan cui nakara kib chi kibil kib, li Dios cuan kiqꞌuin chi junelic. Ut lix rahom li Dios tzꞌaklojenak ru kiqꞌuin.

1 Juan 2:29

La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Gálatas 4:9

Anakcuan ac xexpa̱ban ut rehex chic li Dios. ¿Cꞌaꞌut nak te̱raj cuiꞌchic sukꞌi̱c chi cꞌanjelac saꞌ le̱ najteril naꞌleb li ma̱cꞌaꞌ na-oc cuiꞌ? Ut, ¿cꞌaꞌut nak te̱raj cuiꞌchic xqꞌuebal e̱rib rubel xcuanquil li najter chakꞌrab?

San Juan 13:34

Jun li acꞌ chakꞌrab tinqꞌue e̱re anakcuan nak cherahak e̱rib che̱ribil e̱rib. Joꞌ nak nequexinra la̱in, joꞌcan ajcuiꞌ nak te̱ra e̱rib la̱ex che̱ribil e̱rib.

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

1 Juan 2:3

Cui la̱o nakaba̱nu li cꞌaꞌru naraj li Dios, relic chi ya̱l nak la̱o reho chic li Dios.

1 Juan 2:4

Li ani naxye, “la̱in rehin li Dios”, ut cui incꞌaꞌ naxba̱nu li cꞌaꞌru naraj li Dios, aꞌan aj ticꞌtiꞌ. Moco ya̱l ta ru li yo̱ chixba̱nunquil.

1 Juan 2:7

Ex inherma̱n, moco toj acꞌ ta li chakꞌrab yo̱quin chixtzꞌi̱banquil e̱riqꞌuin. Aꞌin aꞌan ajcuiꞌ li chakꞌrab li quiqꞌueheꞌ chak e̱re junxil. Ac e̱rabiom chak chalen nak xepa̱b li Cristo.

1 Juan 3:9

Ma̱ jun ralal xcꞌajol li Dios yo̱k chi ma̱cobc xban nak li Dios cuan riqꞌuin. Ut incꞌaꞌ naru nak yo̱k chi ma̱cobc xban nak aꞌan tzꞌakal ralal xcꞌajol li Dios.

1 Juan 4:11

Ex herma̱n, xban nak kꞌaxal nocoxra li Dios, tento ajcuiꞌ nak takara kib chi kibil kib la̱o.

1 Juan 4:16

La̱o nakapa̱b nak li Dios, aꞌan aj rahonel ut nakanau nak ya̱l aꞌan. Li rahoc nachal riqꞌuin li Dios. Li ani narahoc, aꞌan cuan riqꞌuin li Dios ut li Dios cuan riqꞌuin aꞌan.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

2 Juan 1:5

Ut anakcuan nintzꞌa̱ma cha̱cuu nak chikarahak taxak kib chi kibil kib. Li chakꞌrab aꞌin moco acꞌ ta. Abanan qꞌuebil chak ke chalen chak saꞌ xticlajic li kapa̱ba̱l.