1 Juan 4:5 - Li Santil hu

⁵ Li naꞌleb li cuan riqꞌuineb laj balakꞌ, aꞌan yal re ruchichꞌochꞌ ut junes chirix aꞌan nequeꞌa̱tinac. Ut eb li incꞌaꞌ nequeꞌxnau xya̱lal nequeꞌrabi li incꞌaꞌ ya̱l li nequeꞌxye ut nequeꞌxpa̱b.

Q'eqchi Bible

⁵ Eb' a'an reheb' li ruuchich'och'; jo'kan naq ruuchich'och'il aatin neke'xye, ut neke'ab'iik xb'aan li ruuchich'och'.

1 Juan 4:5 ပူးပေါင်းရင်းမြစ်များ

San Juan 8:23

Li Jesús quixye reheb: —La̱ex aj ruchichꞌochꞌ. Abanan la̱in ma̱cuaꞌin aj ruchichꞌochꞌ. La̱in saꞌ choxa xinchal chak.

San Juan 17:14

La̱in xinchꞌolob xya̱lal la̱ cua̱tin chiruheb. Joꞌcan nak xicꞌ nequeꞌileꞌ xbaneb li incꞌaꞌ nequeꞌpa̱ban. Xicꞌ nequeꞌileꞌ xban nak moco xcomoneb ta chic ut moco juntakꞌe̱t ta chic lix naꞌlebeb. Joꞌcan ajcuiꞌ la̱in. Moco la̱in ta xcomoneb li cuanqueb saꞌ ruchichꞌochꞌ.

San Juan 17:16

La̱in ma̱cuaꞌin xcomoneb li cuanqueb saꞌ ruchichꞌochꞌ. Joꞌcan ajcuiꞌ eb aꞌan. Ma̱cuaꞌeb chic xcomoneb li incꞌaꞌ nequeꞌpa̱ban.

San Juan 3:31

Ut quixye ajcuiꞌ laj Juan: —Aꞌan xchal chak saꞌ choxa ut kꞌaxal nim xcuanquil saꞌ xbe̱n chixjunil. La̱in quinyoꞌla saꞌ ruchichꞌochꞌ ut rehin ajcuiꞌ li ruchichꞌochꞌ. Ut nina̱tinac chirix li cꞌaꞌru nacꞌulman saꞌ ruchichꞌochꞌ. Li jun li xchal chak saꞌ choxa, aꞌan li kꞌaxal nim xcuanquil saꞌ xbe̱n chixjunil.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

2 Timoteo 4:3

Tento nak ta̱cꞌut lix ya̱lal chiruheb xban nak ta̱cuulak xkꞌehil nak incꞌaꞌ chic teꞌraj rabinquil li tijleb tzꞌakal ya̱l. Aꞌ chic li jun tu̱beb chi aj tzolonel, aꞌan chic li teꞌxta̱ke re nak ta̱yehekꞌ reheb cꞌaꞌru li teꞌraj rabinquil ut aꞌan chic li teꞌxqꞌue xchꞌo̱l chirabinquil.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Salmos 17:4

La̱in yo̱quin chixba̱nunquil joꞌ naxye la̱ chakꞌrab ut incꞌaꞌ ninjunaji cuib saꞌ xya̱nkeb li nequeꞌxba̱nu ra xi̱cꞌ.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Jeremías 29:8

Joꞌcaꞌin xye li Ka̱cuaꞌ li nimajcual Dios, lix Dioseb laj Israel: Me̱qꞌue e̱rib chixbalakꞌi eb li profeta ut eb laj kꞌe li cuanqueb saꞌ e̱ya̱nk, chi moco te̱rabi li cꞌaꞌru nequeꞌxye li nequeꞌmatqꞌuec.