1 Juan 3:8 - Li Santil hu

⁸ Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

Q'eqchi Bible

⁸ Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

1 Juan 3:8 ပူးပေါင်းရင်းမြစ်များ

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

Colosenses 2:15

Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

San Juan 16:11

Incꞌaꞌ nequeꞌxtau ru cꞌaꞌru li rakba a̱tin. Cui ta queꞌxtau ru, teꞌxnau raj nak ac tenebanbil li rakba a̱tin saꞌ xbe̱n laj tza li nataklan saꞌ ruchichꞌochꞌ.

San Juan 12:31

Anakcuan xcuulac xkꞌehil nak li Dios ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Anakcuan ta̱sachekꞌ xcuanquil laj tza li nataklan saꞌ ruchichꞌochꞌ.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

San Marcos 1:24

Li cui̱nk aꞌan quixjap re ut quixye: —¿Cꞌaꞌru ta̱cuaj kiqꞌuin, at Jesús aj Nazaret? ¿Ma chikasachbal xatchal? Ninnau anihat la̱at. La̱at lix Santil Alal li Dios, chan.

Efesios 2:2

Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

Isaías 27:1

Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

San Lucas 10:18

Li Jesús quixye reheb: —La̱in quicuil laj tza chanchan rakꞌ ca̱k nak quitꞌaneꞌ chak saꞌ choxa.

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

1 Juan 3:5

La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

Apocalipsis 20:15

Ut li ani incꞌaꞌ quitaꞌeꞌ xcꞌabaꞌeb saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, aꞌaneb li queꞌcuteꞌ saꞌ li xam li chanchan palau.

San Judas 1:6

Ninjultica ajcuiꞌ che̱ru nak cuan li ángel queꞌxtzꞌekta̱na lix lokꞌal qꞌuebileb re joꞌ ajcuiꞌ lix naꞌajeb. Anakcuan tzꞌaptzꞌo̱queb saꞌ li kꞌojyi̱n xban li Dios ut bacꞌbo̱queb riqꞌuin cadena toj ta̱cuulak xcutanquil li rakba a̱tin.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

San Mateo 4:3

Ut laj tza quicuulac riqꞌuin ut quixye re: —Cui tzꞌakal ya̱l nak la̱at ralal li Dios, sukꞌisiheb chokꞌ caxlan cua li pec aꞌin.—

San Mateo 12:28

Cui ut riqꞌuin xcuanquil li Dios nacuisiheb li ma̱us aj musikꞌej, riqꞌuin aꞌan nacꞌutun nak relic chi ya̱l ac xcꞌulun saꞌ e̱ya̱nk lix nimajcual cuanquilal li Dios.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

1 Juan 1:2

Quicꞌutbesi̱c chiku li naqꞌuehoc yuꞌam. Quikil ru aꞌan. Joꞌcan nak nakachꞌolob xya̱lal che̱ru chirix aꞌan, li naqꞌuehoc yuꞌam chi junelic. Aꞌan li cuan chak riqꞌuin li Acuabej Dios. Aꞌan quixcꞌutbesi rib chiku.

Números 21:9

Ut laj Moisés quixyi̱b jun li cꞌantiꞌ riqꞌuin li chꞌi̱chꞌ bronce ut quixtaksi saꞌ ruꞌuj jun li cheꞌ. Nak queꞌtiꞌeꞌ xban cꞌantiꞌ, li cristian li queꞌril li cꞌantiꞌ bronce incꞌaꞌ queꞌcam.