1 Juan 3:22 - Li Santil hu

²² Ut yalak cꞌaꞌru takatzꞌa̱ma chiru, tixqꞌue ke xban nak yo̱co chixpa̱banquil lix chakꞌrab ut nakaba̱nu li cꞌaꞌru nacuulac chiru li Dios.

Q'eqchi Bible

²² ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

1 Juan 3:22 ပူးပေါင်းရင်းမြစ်များ

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

San Juan 9:31

La̱o nakanau nak li Dios incꞌaꞌ narabi nak nequeꞌtijoc laj ma̱c. Narabi ban lix tijeb li nequeꞌxxucua ru ut nequeꞌxba̱nu li cꞌaꞌru naraj.

San Mateo 21:22

Ut chixjunil li cꞌaꞌru te̱tzꞌa̱ma nak textijok, cui te̱pa̱b nak te̱cꞌul, ta̱qꞌuehekꞌ e̱re.

1 Juan 5:14

Ut aꞌin li cau cuiꞌ kachꞌo̱l chirix li Dios. Nakanau nak li cꞌaꞌak re ru nakatzꞌa̱ma re, cui nakatzꞌa̱ma joꞌ naraj li Dios, aꞌan nocorabi.

San Marcos 11:24

Joꞌcan nak tinye e̱re nak chixjunil li cꞌaꞌru te̱tzꞌa̱ma chiru li Dios nak yo̱quex chi tijoc, chepa̱b chi tzꞌakal nak ta̱qꞌuehekꞌ e̱re ut te̱cꞌul li cꞌaꞌru te̱tzꞌa̱ma.

San Juan 14:13

Chixjunil li te̱tzꞌa̱ma saꞌ incꞌabaꞌ, la̱in tinqꞌue e̱re re nak ta̱nima̱k xlokꞌal li Yucuaꞌbej saꞌ incꞌabaꞌ la̱in.

Proverbios 15:29

Li Ka̱cuaꞌ incꞌaꞌ narabi lix tijeb li incꞌaꞌ useb xnaꞌleb. Abanan eb li ti̱queb xchꞌo̱l, li Ka̱cuaꞌ narabi lix tijeb.

Salmos 34:4

Quintzꞌa̱ma intenkꞌanquil re li Ka̱cuaꞌ ut aꞌan quixsume li cꞌaꞌru quintzꞌa̱ma re ut quilajrisiheb lin xiu.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

San Juan 8:29

Li ani quitaklan chak cue, aꞌan cuan cuiqꞌuin. Aꞌan incꞌaꞌ quinixcanab injunes xban nak la̱in junelic ninba̱nu li cꞌaꞌru naraj aꞌan, chan li Jesús.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Santiago 5:16

Chechꞌolobak biꞌ le̱ ma̱c che̱ribil e̱rib ut chextijok che̱ribil e̱rib re nak texqꞌuirtesi̱k. Li ani ti̱c xchꞌo̱l natijoc chi anchal xchꞌo̱l ut lix tij na-abi̱c xban li Dios.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Hebreos 13:21

Chicua̱nk taxak li rusilal li Dios e̱riqꞌuin re nak te̱ba̱nu li cꞌaꞌru naraj. Chixba̱nuhak taxak li Dios li cꞌaꞌru naraj e̱riqꞌuin saꞌ xcꞌabaꞌ li Jesucristo. Lokꞌoninbil taxak li Jesucristo chi junelic kꞌe cutan. Joꞌcan taxak.

San Juan 6:29

Li Jesús quixye reheb: —Li cꞌaꞌru naraj li Dios nak te̱ba̱nu, aꞌan aꞌin: nak tine̱pa̱b la̱in xban nak taklanbilin chak xban, chan.

Filipenses 4:18

Anakcuan cuan chixjunil li cꞌaꞌru nacuaj. Tzꞌakal ajcuiꞌ li cꞌaꞌru cuan cue xban nak xincꞌul lin ra̱bal li xetakla chak cue chirix laj Epafrodito. Li ma̱tan aꞌan li xetakla cue, aꞌan jun cha̱bil mayej li nacuulac chiru li Dios.

Hechos 17:30

Li Dios incꞌaꞌ quixqꞌue saꞌ xbe̱neb li tenamit lix ma̱queb saꞌ eb li cutan nak incꞌaꞌ queꞌxtau ru lix ya̱lal. Abanan anakcuan naxjultica chiruheb chixjunileb li tenamit nak teꞌxyotꞌ xchꞌo̱l teꞌxjal xcꞌaꞌux.

San Juan 15:10

Cui te̱ba̱nu li cꞌaꞌru ninye e̱re, la̱in texinra junelic. La̱in xinba̱nu li cꞌaꞌru xye cue lin Yucuaꞌ ut aꞌan junelic niquinixra la̱in.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Salmos 10:17

At Ka̱cuaꞌ, la̱at nacacuabi lix tijeb li tu̱laneb. La̱at nacacuabi li cꞌaꞌru nequeꞌxtzꞌa̱ma cha̱cuu ut nacaqꞌue xcacuil xchꞌo̱leb.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

Li xHu LAJ JOB 22:26

Aꞌan chic ta̱qꞌuehok xsahil a̱chꞌo̱l ut aꞌan ta̱cꞌojoba̱nk a̱chꞌo̱l.

Santiago 4:3

Ut nak nequextzꞌa̱man chiru li Dios, incꞌaꞌ nequecꞌul xban nak incꞌaꞌ nequetzꞌa̱ma joꞌ naraj li Dios. Incꞌaꞌ nequecꞌul xban nak nequetzꞌa̱ma yal re xsachbal saꞌ li joꞌ ma̱joꞌil naꞌleb.

1 Juan 2:3

Cui la̱o nakaba̱nu li cꞌaꞌru naraj li Dios, relic chi ya̱l nak la̱o reho chic li Dios.