1 Juan 3:20 - Li Santil hu

²⁰ Cui la̱o nakecꞌa nak xoma̱cob, ac cutan saken chiru li Ka̱cuaꞌ Dios li nakaba̱nu xban nak aꞌan chixjunil naxnau.

Q'eqchi Bible

²⁰ us ta nokooxq'us li qach'ool, ab'an li Yos nim xwankil chiru li qach'ool ut naxnaw chixjunil.

1 Juan 3:20 ပူးပေါင်းရင်းမြစ်များ

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

1 Corintios 4:4

La̱in nacuecꞌa nak ma̱cꞌaꞌ inma̱c. Abanan moco xban ta aꞌan nak tinye nak ti̱c inchꞌo̱l. Aꞌ li ta̱rakok a̱tin saꞌ inbe̱n aꞌan li Ka̱cuaꞌ, ut aꞌan ta̱yehok re ma us xinba̱nu malaj incꞌaꞌ.

1 Juan 4:4

Ex inherma̱n, la̱ex rehex chic li Dios. La̱ex xecuy ut xenau xcolbal e̱rib chiruheb laj balakꞌ. Xecuy xban nak li Santil Musikꞌej cuan e̱riqꞌuin ut kꞌaxal nim xcuanquil aꞌan chiru laj tza li cuan riqꞌuineb laj balakꞌ.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Li xHu LAJ JOB 33:12

Abanan li cꞌaꞌru xaye moco us ta xban nak li Dios nim xcuanquil chiru li cui̱nk.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Salmos 90:8

Chixjunil li ma̱usilal li xkaba̱nu, la̱at nacanau. Chixjunil li ma̱c li xkaba̱nu chi mukmu cutan saken cha̱cuu.

Tito 3:11

Nanauman nak li jun aꞌan ac xpoꞌ xchꞌo̱l ut nama̱cob xban nak naraj tixpoꞌ xchꞌo̱leb laj pa̱banel. Aꞌan raylal naxcꞌam chak saꞌ xbe̱n xjunes rib.

Li xHu LAJ JOB 27:6

La̱in incꞌaꞌ tincanab xyebal nak ti̱c inchꞌo̱l xban nak ma̱cꞌaꞌ junak ma̱usilal xinba̱nu chak ta̱xuta̱nobresi̱nk ta cue.

San Juan 8:9

Nak queꞌrabi li cꞌaꞌru quixye, queꞌrecꞌa rib xban nak cuanqueb xma̱c ut queꞌoc chi e̱lc chi xju̱nkaleb. Xbe̱n cua queꞌel li che̱quel cui̱nk ut chirixeb aꞌan queꞌel li toj sa̱jeb. Quicana xjunes li Jesús ut li ixk xakxo chiru.

Hebreos 6:13

Ma̱cꞌaꞌ junak mas nim xcuanquil chiru li Dios. Joꞌcan nak li Dios quixpatzꞌ xcꞌabaꞌ chi ribil rib nak quixyechiꞌi li rosobtesinquil laj Abraham.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

1 Juan 3:19

Cui nakara li kaherma̱n, nakanau nak la̱o tzꞌakal ralal xcꞌajol li Dios, ut cau kachꞌo̱l chixpa̱banquil li Dios.

1 Juan 3:21

Cui incꞌaꞌ nakecꞌa saꞌ kachꞌo̱l nak incꞌaꞌ us yo̱co, incꞌaꞌ nocoxucuac chiru li Dios.