1 Juan 3:19 - Li Santil hu

¹⁹ Cui nakara li kaherma̱n, nakanau nak la̱o tzꞌakal ralal xcꞌajol li Dios, ut cau kachꞌo̱l chixpa̱banquil li Dios.

Q'eqchi Bible

¹⁹ A'in tqanaw wi' naq wanko rik'in li yaal ut tuqtuuq qach'ool chiru li Yos;

1 Juan 3:19 ပူးပေါင်းရင်းမြစ်များ

Hebreos 10:22

Joꞌcan nak chikaqꞌue kib rubel xcuanquil li Dios chi anchal kachꞌo̱l ut chi ma̱cꞌaꞌak kaxiu xban nak nakecꞌa nak ma̱cꞌaꞌ chic li kama̱c. Chꞌajbil chic li ka̱m xban xquiqꞌuel li Jesucristo ut cubsinbil chic kahaꞌ.

1 Juan 3:21

Cui incꞌaꞌ nakecꞌa saꞌ kachꞌo̱l nak incꞌaꞌ us yo̱co, incꞌaꞌ nocoxucuac chiru li Dios.

Isaías 32:17

Chixjunileb teꞌxba̱nu li us ut teꞌcua̱nk saꞌ tuktu̱quil usilal. Cꞌojcꞌo̱keb chic xchꞌo̱leb chi junelic.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

1 Juan 1:8

Cui nakaye nak ma̱cꞌaꞌ kama̱c, nakabalakꞌi kib ut moco ya̱l ta li yo̱co chixyebal.

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

Romanos 4:21

Laj Abraham quixpa̱b chi anchal xchꞌo̱l nak li Dios kꞌaxal nim xcuanquil ut tixqꞌue li cꞌaꞌru naxyechiꞌi.

San Juan 13:35

Cui te̱ra e̱rib che̱ribil e̱rib, chixjunileb teꞌxnau nak la̱ex intzolom, chan li Jesús.

1 Juan 3:14

Cui nakara li kaherma̱n, aꞌan retalil nak cua̱nk kacolbal chiru xcuanquil li ca̱mc ut qꞌuebil kayuꞌam chi junelic. Li ani incꞌaꞌ naxra lix herma̱n, aꞌan toj cuan rubel xcuanquil li ca̱mc.

Hebreos 11:13

Chixjunileb aꞌan quilajeꞌcam. Usta incꞌaꞌ queꞌxcꞌul chixjunil li cꞌaꞌru quiyechiꞌi̱c reheb xban li Dios, queꞌxpa̱b nak ta̱cꞌulma̱nk li yechiꞌinbil. Joꞌcan nak saheb saꞌ xchꞌo̱l. Queꞌxye nak li ruchichꞌochꞌ aꞌin ma̱cuaꞌ tzꞌakal xnaꞌajeb; yal numeleb ban saꞌ ruchichꞌochꞌ.

Romanos 8:38

Ninnau chi tzꞌakal nak ma̱cꞌaꞌ naru ta̱isi̱nk ke riqꞌuin lix rahom li Dios. Li ca̱mc incꞌaꞌ naru torisi riqꞌuin lix rahom chi moco li cꞌaꞌak re ru nakacꞌul saꞌ li kayuꞌam. Eb li ángel incꞌaꞌ naru toeꞌrisi chi moco eb li cuanqueb xcuanquil saꞌ ruchichꞌochꞌ, chi moco lix cuanquil li cꞌaꞌak re ru chi musikꞌejil. Li cꞌaꞌak re ru nakacꞌul anakcuan incꞌaꞌ naru torisi riqꞌuin xrahom li Dios chi moco li cꞌaꞌak re ru ta̱cha̱lk.

1 Juan 2:21

Moco xban ta nak incꞌaꞌ nequenau lix ya̱lal nak nintzꞌi̱bac e̱riqꞌuin. La̱ex nequenau lix ya̱lal ut nequenau ajcuiꞌ nak ma̱ jun ticꞌtiꞌ na-el saꞌ li tzꞌakal ya̱l.

1 Juan 3:20

Cui la̱o nakecꞌa nak xoma̱cob, ac cutan saken chiru li Ka̱cuaꞌ Dios li nakaba̱nu xban nak aꞌan chixjunil naxnau.

Salmos 119:56

Xban nak xinba̱nu li cꞌaꞌru nacacuaj la̱at, xina̱cuosobtesi.