1 Juan 3:18 - Li Santil hu

¹⁸ Ex inherma̱n, morahoc yal chi a̱tin. Chorahok ban chi tzꞌakal ya̱l ut chicꞌutu̱nk li karahom riqꞌuin li usilal nakaba̱nu.

Q'eqchi Bible

¹⁸ Ex inkok'al, moorahok yal chi aatin malaj chi xtz'uumal qe, choorahoq b'an rik'in qab'aanuhom ut chi tz'aqal yaal.

1 Juan 3:18 ပူးပေါင်းရင်းမြစ်များ

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Efesios 4:15

Ut chixjunil li nakaba̱nu, chikaba̱nu xban nak nocorahoc. Ut junajak chic ku riqꞌuin li Cristo.

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

2 Juan 1:1

La̱in aj cꞌamol be cha̱cuu saꞌ la̱ pa̱ba̱l. At hermana, nintzꞌi̱bac a̱cuiqꞌuin la̱at li sicꞌbil a̱cuu xban li Dios. Ut nintzꞌi̱bac ajcuiꞌ riqꞌuineb la̱ cualal a̱cꞌajol. Ya̱l nak la̱in nequexinra. Moco caꞌaj ta cuiꞌ la̱in ninrahoc e̱re. Nequexraheꞌ aj ban cuiꞌ xbaneb chixjunileb li nequeꞌxnau lix ya̱lal.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Éxodo 33:21

Li Dios quixye ajcuiꞌ re laj Moisés: —Tatxakli̱k saꞌ xbe̱n li pec nachꞌ cuanquin cuiꞌ.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

1 Juan 3:7

Ex herma̱n, ma̱ ani chibalakꞌi̱nk e̱re. Li ani naba̱nun re li ti̱quilal, aꞌan ti̱c xchꞌo̱l joꞌ li Cristo ti̱c xchꞌo̱l.

3 Juan 1:1

Nintzꞌi̱bac a̱cuiqꞌuin, at hermano Gayo. La̱in aj cꞌamol be cha̱cuu saꞌ la̱ pa̱ba̱l. Relic chi ya̱l nak nacatinra.

San Lucas 7:5

xban nak aꞌan nocoxra la̱o aj judío ut aꞌan quitaklan re xyi̱banquil li cab nakachꞌutub cuiꞌ kib, chanqueb re li Jesús.