1 Juan 3:17 - Li Santil hu

¹⁷ Jun chic ninye e̱re. Cui la̱o cuan nabal li cꞌaꞌru ke ut incꞌaꞌ nakatokꞌoba ru li nebaꞌ li ma̱cꞌaꞌ cuan re, ¿ma ya̱l ta biꞌ nak nakara li Dios chi joꞌcanan?

Q'eqchi Bible

¹⁷ Wi junaq b'ihom naril li ras riitz'in naq wank sa' rajb'al ru ut ink'a' tixtenq'a, chanru naq li xrahom li Yos wanq rik'in?

1 Juan 3:17 ပူးပေါင်းရင်းမြစ်များ

Hebreos 13:16

Misach saꞌ e̱chꞌo̱l xba̱nunquil li usilal ut xtenkꞌanquil e̱rib che̱ribil e̱rib xban nak aꞌan jun li mayej nacuulac chiru li Dios.

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?

San Lucas 3:11

Quichakꞌoc laj Juan ut quixye reheb: —Li ani cuan cuibak sumal rakꞌ chixqꞌuehak jun sumalak re li ma̱cꞌaꞌ re. Ut li ani cuan xtzacae̱mk, chixqꞌuehak re li ma̱cꞌaꞌ re, chan.

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

Santiago 2:15

Ma̱re cuan junak kech aj pa̱banelil ma̱cꞌaꞌ cuan re. Ma̱cꞌaꞌ rakꞌ ut ma̱cꞌaꞌ xcua.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

Proverbios 12:10

Li ani ti̱c xchꞌo̱l naxnau xra̱baleb lix xul. Abanan eb li incꞌaꞌ useb xnaꞌleb ma̱cꞌaꞌ nequeꞌril xtokꞌoba̱l ru.

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Proverbios 21:13

Li ani incꞌaꞌ narabi nak yo̱ chixtzꞌa̱manquil xtenkꞌanquil li nebaꞌ, joꞌcan ajcuiꞌ tixcꞌul aꞌan. Incꞌaꞌ ta̱sume̱k nak tixtzꞌa̱ma xtenkꞌanquil.

Santiago 2:16

Ut la̱o nakaye re: Chacuil a̱cuib. Tzꞌap a̱cuib chi us ut chatcuaꞌak chi us. Ut cui ma̱cꞌaꞌ nakaqꞌue re, ma̱cꞌaꞌ na-oc cuiꞌ li joꞌ qꞌuial nakaye re.