1 Juan 3:15 - Li Santil hu

¹⁵ Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.

Q'eqchi Bible

¹⁵ Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

1 Juan 3:15 ပူးပေါင်းရင်းမြစ်များ

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

Hechos 23:14

Queꞌco̱eb riqꞌuineb li xbe̱nil aj tij ut riqꞌuineb li nequeꞌcꞌamoc be saꞌ xya̱nkeb laj judío ut queꞌxye reheb: —La̱o xkacꞌu̱b kib ut xkaba̱nu li juramento nak incꞌaꞌ totzaca̱nk cui incꞌaꞌ takacamsi laj Pablo.

Santiago 1:15

Riqꞌuin xrahinquil ru li cꞌaꞌru incꞌaꞌ us, naticla li ma̱c. Ut nak ac xnumta li ma̱c nachal li ca̱mc.

Hechos 23:12

Cuulajak chic cuanqueb laj judío queꞌxchꞌutub ribeb ut queꞌxcꞌu̱b ru cꞌaꞌru teꞌxba̱nu. Queꞌxye riqꞌuin juramento nak incꞌaꞌ teꞌcuaꞌak chi moco teꞌucꞌak cui incꞌaꞌ teꞌxcamsi laj Pablo.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Marcos 6:19

Riqꞌuin aꞌan ma̱ caꞌchꞌin nak quijoskꞌoꞌ lix Herodías saꞌ xbe̱n laj Juan ut quiraj raj xcamsinquil. Abanan incꞌaꞌ naru xban nak laj Herodes incꞌaꞌ quixcanab chixcamsinquil.

San Mateo 5:28

Ut la̱in tinye e̱re nak yalak ani tixcaꞌya junak ixk re xrahinquil ru, ac xmux ru lix sumlajic xban xrahinquil ru.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

1 Pedro 1:23

La̱ex yoꞌlajenakex chic xcaꞌ cua chi acꞌ chic le̱ yuꞌam. Li yuꞌam aꞌin ma̱cuaꞌ xqꞌuehom le̱ naꞌ e̱yucuaꞌ. Li yuꞌam aꞌan na-osoꞌ. Abanan li acꞌ yuꞌam natauman riqꞌuin xpa̱banquil ra̱tin li Dios. Yoꞌyo ut cuan chi junelic.

Deuteronomio 19:11

Abanan ma̱re junak cui̱nk xicꞌ ta̱ril li ras ri̱tzꞌin ut tixcꞌu̱b ru chanru nak tixcamsi. Ut nak tixcamsi li ras ri̱tzꞌin ta̱e̱lelik ut ta̱xic saꞌ junak reheb li tenamit aꞌin re xcolbal rib.

1 Juan 2:9

Li ani naxye nak xcutanobresi̱c lix naꞌleb xban li Cristo, ut xicꞌ naril lix herma̱n aꞌan toj cuan ajcuiꞌ saꞌ xkꞌojyi̱nal ru li ma̱c.

1 Juan 2:11

Li ani xicꞌ naril lix herma̱n, aꞌan toj yo̱ ajcuiꞌ chi be̱c saꞌ xkꞌojyi̱nal ru li ma̱c. Ut incꞌaꞌ naxnau bar yo̱ chi xic xban nak li ma̱c naramoc re lix ya̱lal chiru.