1 Juan 3:12 - Li Santil hu

¹² Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

Q'eqchi Bible

¹² Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

1 Juan 3:12 ပူးပေါင်းရင်းမြစ်များ

Hebreos 11:4

Xban lix pa̱ba̱l laj Abel, quixqꞌue jun xmayej cha̱bil chiru li quixqꞌue laj Caín. Xban lix pa̱ba̱l, li Dios quixye nak ti̱c xchꞌo̱l ut quixcꞌul lix mayej. Usta camenak chic laj Abel, aban toj cuan retalil chokꞌ ke la̱o chanru nak quipa̱ban chiru li Dios.

Proverbios 29:27

Eb li ti̱queb xchꞌo̱l xicꞌ nequeꞌril li incꞌaꞌ us. Abanan li incꞌaꞌ useb xnaꞌleb xicꞌ nequeꞌril li ti̱quil chꞌo̱lej.

Génesis 4:25

Ut laj Adán quicuan cuiꞌchic riqꞌuin li rixakil. Li rixakil quicuan jun chic lix cꞌulaꞌal. Aj Set quixqꞌue chokꞌ xcꞌabaꞌ. Li ixk quixye: —Li Dios quixqꞌue jun chic lin cꞌulaꞌal chokꞌ re̱kaj laj Abel li quixcamsi laj Caín, chan.

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

San Lucas 11:51

Ya̱l nak la̱ex textojok rix lix camiqueb aꞌan. Ta̱ticla̱k riqꞌuin lix camic laj Abel ut toj riqꞌuin lix camic laj Zacarías li quicamsi̱c chiru neba̱l chixcꞌatk li templo ut li artal.

San Mateo 23:35

Xban le̱ ma̱usilal aꞌan, ta̱tꞌanekꞌ saꞌ e̱be̱n lix camiqueb li cha̱bileb xnaꞌleb riqꞌuin xcamic laj Abel li ti̱c xchꞌo̱l ut toj riqꞌuin xcamic li ralal laj Berequías, laj Zacarías xcꞌabaꞌ, li quecamsi chiru neba̱l chixcꞌatk li rochoch li Dios ut li artal.

Proverbios 29:10

Eb laj camsinel ras ri̱tzꞌin xicꞌ nequeꞌril li ti̱queb xchꞌo̱l. Abanan eb li ti̱queb xchꞌo̱l nequeꞌxsicꞌ xya̱lal chanru nak teꞌcua̱nk saꞌ xya̱lal riqꞌuineb.

1 Pedro 4:4

Aꞌut anakcuan eb li ma̱jiꞌ nequeꞌpa̱ban nequeꞌsach xchꞌo̱leb che̱rilbal. Nequeꞌxqꞌue retal nak ma̱cuaꞌex chic jun saꞌ xya̱nkeb chixba̱nunquil li ma̱usilal. Ut xban aꞌan nequexhobeꞌ.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Salmos 38:20

La̱in ninba̱nu usilal reheb. Abanan eb aꞌan ma̱usilal nequeꞌxba̱nu cue. Xicꞌ niquineꞌril xban nak ninba̱nu li us.

Salmos 37:12

Li incꞌaꞌ us xnaꞌleb xicꞌ nequeꞌril li ti̱queb xchꞌo̱l ut nequeꞌxcꞌu̱b ru chanru nak teꞌxba̱nu ma̱usilal reheb.

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

San Juan 10:32

Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

San Mateo 27:23

Ut li acuabej quixye reheb: —¿Cꞌaꞌut? ¿Cꞌaꞌru tzꞌakal xma̱c e̱re?— Ut eb aꞌan kꞌaxal cau cuiꞌchic queꞌxjap re chixyebal: —¡Chiqꞌuehekꞌ chiru cruz!—

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

Apocalipsis 17:6

Ut quicuil li ixk chanchan ta̱cala̱k xban xquiqꞌueleb li ralal xcꞌajol li Dios li queꞌcamsi̱c xban. Ut queꞌcamsi̱c ajcuiꞌ nabaleb li cristian li queꞌxchꞌolob resil li Cristo. Nak quicuil aꞌan, sachso inchꞌo̱l quincana.

1 Ts 2:14

Ut la̱ex herma̱n xecꞌul ajcuiꞌ li raylal joꞌ queꞌxcꞌul li ralal xcꞌajol li Dios li nequeꞌpa̱ban saꞌ xcꞌabaꞌ li Jesucristo li cuanqueb Judea. Xexrahobtesi̱c xban le̱ rech tenamitil joꞌ queꞌxcꞌul eb aꞌan xbaneb laj judío, li rech tenamitil.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

Proverbios 27:4

Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

San Mateo 5:37

Joꞌcaꞌin ban te̱ba̱nu. Cui te̱ye nak ya̱l, junes ya̱l te̱ye. Ut cui te̱ye nak incꞌaꞌ, junes incꞌaꞌ te̱ye. Cui te̱qꞌue xtzꞌakob li a̱tin aꞌan, li naꞌleb aꞌan riqꞌuin laj tza nachal.

San Juan 8:40

Abanan la̱ex te̱raj incamsinquil xban nak la̱in xinye e̱re lix ya̱lal joꞌ quicꞌutbesi̱c chicuu xban li Dios Acuabej. Laj Abraham incꞌaꞌ quixba̱nu joꞌ yo̱quex la̱ex.

San Juan 8:41

Incꞌaꞌ yo̱quex chixba̱nunquil li quixye laj Abraham. Yo̱quex ban chixba̱nunquil li naxye le̱ yucuaꞌ, chan li Jesús. Eb aꞌan queꞌchakꞌoc ut queꞌxye re: —Moco la̱o ta ralal xcꞌajol laj coꞌbe̱t. Jun ajcuiꞌ li kayucuaꞌ cuan. Aꞌan li Dios, chanqueb.