1 Juan 3:11 - Li Santil hu

¹¹ Chalen chak saꞌ xticlajic le̱ pa̱ba̱l xerabi li chakꞌrab nak chikarahak kib chi kibil kib.

Q'eqchi Bible

¹¹ Xb'aan naq a'an a'in li esilal xerab'i laa'ex chalen chaq sa' xtiklajik: naq chiqara qib' chiqib'il qib'.

1 Juan 3:11 ပူးပေါင်းရင်းမြစ်များ

San Juan 15:12

Aꞌan aꞌin li chakꞌrab li ninqꞌue e̱re nak cherahak e̱rib che̱ribil e̱rib joꞌ nak nequexinra la̱in.

2 Juan 1:5

Ut anakcuan nintzꞌa̱ma cha̱cuu nak chikarahak taxak kib chi kibil kib. Li chakꞌrab aꞌin moco acꞌ ta. Abanan qꞌuebil chak ke chalen chak saꞌ xticlajic li kapa̱ba̱l.

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

1 Juan 4:21

Aꞌin li chakꞌrab quixqꞌue ke li Jesucristo: Li ani naxra li Dios, tento ajcuiꞌ nak tixra lix herma̱n.

1 Pedro 4:8

Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

1 Juan 1:5

Aꞌan aꞌin li a̱tin quikabi riqꞌuin li Jesucristo. Ut aꞌan li nakachꞌolob xya̱lal che̱ru. Li Dios, aꞌan li cutan saken. Riqꞌuin li Dios ma̱cꞌaꞌ kꞌojyi̱n. Ti̱c ban xchꞌo̱l li Dios. Relic chi ya̱l nak ma̱cꞌaꞌ ma̱usilal riqꞌuin.

1 Ts 4:9

Incꞌaꞌ tento nak tintzꞌi̱bak e̱riqꞌuin chirix chanru nak te̱ra e̱rib che̱ribil e̱rib xban nak ac cꞌutbil ajcuiꞌ che̱ru xban li Dios nak tento te̱ra e̱rib che̱ribil e̱rib.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

Gálatas 6:2

Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo.

San Juan 13:4

Nak yo̱queb chi cuaꞌac, li Jesús quicuacli. Quirisi lix tꞌicr li cuan saꞌ xbe̱n li rakꞌ. Quixchap jun chic li tꞌicr ut quixbacꞌ chi xsaꞌ.

1 Juan 4:11

Ex herma̱n, xban nak kꞌaxal nocoxra li Dios, tento ajcuiꞌ nak takara kib chi kibil kib la̱o.