1 Juan 3:10 - Li Santil hu

¹⁰ Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

Q'eqchi Bible

¹⁰ Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

1 Juan 3:10 ပူးပေါင်းရင်းမြစ်များ

1 Juan 4:8

Ut li incꞌaꞌ narahoc ma̱cuaꞌ ralal li Dios xban nak li rahoc riqꞌuin li Dios nachal.

3 Juan 1:11

At inherma̱n, ma̱tzol a̱cuib riqꞌuin li incꞌaꞌ us. Aꞌ ban li us ta̱ba̱nu. Li ani naba̱nun re li us, aꞌan ralal xcꞌajol li Dios. Ut li ani naxba̱nu li incꞌaꞌ us, toj ma̱jiꞌ naxpa̱b li Dios.

1 Juan 4:21

Aꞌin li chakꞌrab quixqꞌue ke li Jesucristo: Li ani naxra li Dios, tento ajcuiꞌ nak tixra lix herma̱n.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

San Juan 8:47

Cui ta la̱ex ralal xcꞌajol li Dios, nequepa̱b raj li cꞌaꞌru naxye. Abanan la̱ex ma̱cuaꞌex ralal xcꞌajol li Dios. Joꞌcan nak incꞌaꞌ nequeraj rabinquil li cꞌaꞌru naxye, chan li Jesús.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

1 Juan 4:6

Abanan la̱o ralal xcꞌajol li Dios. Ut eb li nequeꞌpa̱ban re li Dios nocoeꞌrabi. Ut eb li incꞌaꞌ nequeꞌpa̱ban re li Dios incꞌaꞌ nequeꞌraj kabinquil. Riqꞌuin aꞌan nacꞌutun ani cuan li Santil Musikꞌej riqꞌuin ut ani cuan xmusikꞌ laj balakꞌ riqꞌuin.

Efesios 5:1

La̱ex chic li ralal xcꞌajol li Dios ut raro̱quex xban. Joꞌcan nak chetzolak e̱rib riqꞌuin li Dios re nak te̱ba̱nu joꞌ naraj aꞌan.

1 Juan 5:2

Cui nakara li Dios, nakapa̱b lix chakꞌrab. Riqꞌuin aꞌan nakanau nak nakara li Dios joꞌ ajcuiꞌ eb li ralal xcꞌajol.

1 Juan 2:29

La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

Hechos 13:10

Ut quixye re: —La̱at chanchanat laj tza. La̱at aj ticꞌtiꞌ. Xicꞌ nacacuil li ti̱quilal. Junes balakꞌic ut ma̱usilal nacaba̱nu. La̱at nacapoꞌ ru li rusilal li Ka̱cuaꞌ.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

San Juan 1:12

Abanan chixjunileb li queꞌcꞌuluc re ut queꞌpa̱ban re nak aꞌan taklanbil chak xban li Dios, aꞌaneb li quixcꞌuleb chokꞌ ralal xcꞌajol li Dios.

San Juan 11:52

Ut ma̱cuaꞌ caꞌaj cuiꞌ saꞌ xcꞌabaꞌeb aꞌan nak ta̱ca̱mk li Jesús. Re aj ban cuiꞌ nak junajakeb chic ru chixjunileb li ralal xcꞌajol li cuanqueb saꞌ chixjunil li ruchichꞌochꞌ.

Romanos 13:8

Ma̱ ani aj iqꞌuin chicua̱nk e̱cꞌas. Ut cherahak e̱rib chi ribil e̱rib xban nak li ani naxra li ras ri̱tzꞌin naxba̱nu li cꞌaꞌru naxye li chakꞌrab.

Colosenses 3:14

Li kꞌaxal lokꞌ xba̱nunquil chiru chixjunil li cꞌaꞌak re ru aꞌin, aꞌan li rahoc ib xban nak riqꞌuin aꞌan junajak li kacꞌaꞌux ut tzꞌakalak re ru li takaba̱nu.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

1 Juan 3:1

Cheqꞌuehak retal nak li Acuabej Dios cꞌajoꞌ nocoxra. Nocoxqꞌue chokꞌ ralal xcꞌajol. Relic chi ya̱l nak la̱o ralal xcꞌajol. Joꞌcan nak li ma̱jiꞌ nequeꞌpa̱ban incꞌaꞌ nequeꞌxtau ru li kanaꞌleb xban nak ma̱jiꞌ nequeꞌxnau xya̱lal xpa̱banquil li Dios.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.