1 Juan 2:9 - Li Santil hu

⁹ Li ani naxye nak xcutanobresi̱c lix naꞌleb xban li Cristo, ut xicꞌ naril lix herma̱n aꞌan toj cuan ajcuiꞌ saꞌ xkꞌojyi̱nal ru li ma̱c.

Q'eqchi Bible

⁹ Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

1 Juan 2:9 ပူးပေါင်းရင်းမြစ်များ

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?

1 Juan 2:11

Li ani xicꞌ naril lix herma̱n, aꞌan toj yo̱ ajcuiꞌ chi be̱c saꞌ xkꞌojyi̱nal ru li ma̱c. Ut incꞌaꞌ naxnau bar yo̱ chi xic xban nak li ma̱c naramoc re lix ya̱lal chiru.

Salmos 82:5

La̱ex incꞌaꞌ nequetau xya̱lal. Incꞌaꞌ us yo̱quex. Chanchan cuanquex saꞌ kꞌojyi̱n xban nak incꞌaꞌ nequetau xya̱lal. Chixjunileb li cuanqueb saꞌ ruchichꞌochꞌ nequeꞌxucuac xban nak la̱ex incꞌaꞌ nequexrakoc a̱tin saꞌ xya̱lal.

2 Pedro 1:9

Li ani incꞌaꞌ naxba̱nu li cꞌaꞌak re ru aꞌin, aꞌan chanchan jun li mutzꞌ malaj chanchan jun li incꞌaꞌ na-iloc chi tzꞌakal. Li jun aꞌan incꞌaꞌ naxqꞌue saꞌ xchꞌo̱l nak ac colbil chic chiru li ma̱c li quixba̱nu junxil.

1 Juan 2:4

Li ani naxye, “la̱in rehin li Dios”, ut cui incꞌaꞌ naxba̱nu li cꞌaꞌru naraj li Dios, aꞌan aj ticꞌtiꞌ. Moco ya̱l ta ru li yo̱ chixba̱nunquil.

1 Juan 1:6

Cui nakaye nak cuanco chi sum a̱tin riqꞌuin li Dios ut cui toj nakaba̱nu li incꞌaꞌ us, yo̱co chi ticꞌtiꞌic. Ut incꞌaꞌ nakatzol kib chixba̱nunquil li ya̱l.

San Juan 9:41

Li Jesús quixye reheb: —Chanchanex mutzꞌ. Cui ta la̱ex incꞌaꞌ nequenau xya̱lal, ma̱cꞌaꞌ raj e̱ma̱c. Abanan cuan e̱ma̱c xban nak nequeye nak nequenau xya̱lal, chan li Jesús.

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.