1 Juan 2:7 - Li Santil hu

⁷ Ex inherma̱n, moco toj acꞌ ta li chakꞌrab yo̱quin chixtzꞌi̱banquil e̱riqꞌuin. Aꞌin aꞌan ajcuiꞌ li chakꞌrab li quiqꞌueheꞌ chak e̱re junxil. Ac e̱rabiom chak chalen nak xepa̱b li Cristo.

Q'eqchi Bible

⁷ Ex inrahom, ink'a' nintz'iib'a eerik'in jun ak' chaq'rab', jun b'an najteril chaq'rab' li wank eerik'in chalen chaq sa' xtiklajik. Li najteril chaq'rab' a'an li Aatin li xerab'i.

1 Juan 2:7 ပူးပေါင်းရင်းမြစ်များ

Levítico 19:18

Me̱qꞌue re̱kaj li ra xi̱cꞌ riqꞌuin raylal. Ut me̱qꞌue saꞌ e̱chꞌo̱l li raylal ta̱uxk e̱re. Te̱ra ban le̱ ras e̱ri̱tzꞌin joꞌ nak nequera e̱rib. La̱in li Ka̱cuaꞌ xinyehoc re aꞌin.

1 Juan 3:11

Chalen chak saꞌ xticlajic le̱ pa̱ba̱l xerabi li chakꞌrab nak chikarahak kib chi kibil kib.

1 Juan 3:23

Ut aꞌan aꞌin lix chakꞌrab quixqꞌue ke li Dios, nak chopa̱ba̱nk saꞌ xcꞌabaꞌ li Jesucristo li Ralal li Dios ut takara kib chi kibil kib, joꞌ coxchakꞌrabi cuiꞌ.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Levítico 19:34

Te̱ba̱nu reheb joꞌ nequeba̱nu reheb le̱ rech tenamitil. Cheraheb joꞌ nak nequera e̱rib la̱ex. Chijulticokꞌ e̱re nak la̱ex jalan le̱ tenamit nak quexcuan chak Egipto. La̱in li Ka̱cuaꞌ le̱ Dios xinyehoc re aꞌin.

1 Juan 2:24

Li cꞌaꞌru xetzol chak chalen saꞌ xticlajic le̱ pa̱ba̱l chicua̱nk saꞌ le̱ chꞌo̱l. Cui te̱cꞌu̱la saꞌ le̱ chꞌo̱l li cꞌaꞌru xerabi chak chalen saꞌ xticlajic le̱ pa̱ba̱l, cua̱nkex riqꞌuin li Cꞌajolbej ut riqꞌuin li Acuabej Dios.

San Mateo 5:43

E̱rabiom resil nak te̱ra li ani narahoc e̱re ut xicꞌ te̱ril li xicꞌ na-iloc e̱re.

Hechos 17:19

Joꞌcan nak queꞌxcꞌam laj Pablo saꞌ li naꞌajej li nequeꞌxchꞌutub cuiꞌ ribeb li kꞌaxal cuanqueb xnaꞌleb. Areópago xcꞌabaꞌ li naꞌajej aꞌan. Ut queꞌxye re: —¿Ma ta̱ru̱k ta̱ye ke cꞌaꞌru xya̱lal li acꞌ tijleb aꞌin li yo̱cat chixyebal?

San Juan 13:34

Jun li acꞌ chakꞌrab tinqꞌue e̱re anakcuan nak cherahak e̱rib che̱ribil e̱rib. Joꞌ nak nequexinra la̱in, joꞌcan ajcuiꞌ nak te̱ra e̱rib la̱ex che̱ribil e̱rib.

Hebreos 6:9

Ex inherma̱n, usta xkaye chi joꞌcan, ninnau nak la̱ex moco joꞌcanex ta chic anakcuan. Cha̱bil chic le̱ naꞌleb xban nak colbilex.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

1 Juan 3:21

Cui incꞌaꞌ nakecꞌa saꞌ kachꞌo̱l nak incꞌaꞌ us yo̱co, incꞌaꞌ nocoxucuac chiru li Dios.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

1 Juan 4:11

Ex herma̱n, xban nak kꞌaxal nocoxra li Dios, tento ajcuiꞌ nak takara kib chi kibil kib la̱o.

1 Juan 4:21

Aꞌin li chakꞌrab quixqꞌue ke li Jesucristo: Li ani naxra li Dios, tento ajcuiꞌ nak tixra lix herma̱n.