1 Juan 2:5 - Li Santil hu

⁵ Li ani napa̱ban re li ra̱tin li Dios, relic chi ya̱l nak naxra li Dios chi tzꞌakal. Riqꞌuin aꞌan nakanau nak la̱o reho chic li Dios.

Q'eqchi Bible

⁵ A'ut li naxpaab' li Raatin, relik chi yaal naq li xraab'al li Yos tz'aqlojenaq re ru rik'in. A'an naqanaw wi' naq wanko rik'in.

1 Juan 2:5 ပူးပေါင်းရင်းမြစ်များ

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Lucas 11:28

Li Jesús quichakꞌoc ut quixye: —Kꞌaxal cuiꞌchic us chokꞌ reheb li nequeꞌabin re li ra̱tin li Dios ut nequeꞌxba̱nu li cꞌaꞌru naxye.—

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

Salmos 119:2

Us xak reheb li nequeꞌxpa̱b li Dios chi anchal xchꞌo̱leb ut nequeꞌxqꞌue saꞌ xchꞌo̱leb lix chakꞌrab.

Apocalipsis 14:12

Joꞌcan nak cauhakeb taxak xchꞌo̱leb li ralal xcꞌajol li Dios, eb li nequeꞌba̱nun re lix chakꞌrab li Dios ut nequeꞌpa̱ban saꞌ xcꞌabaꞌ li Jesucristo. Incꞌaꞌ taxak ta̱chꞌina̱nk xchꞌo̱leb saꞌ xpa̱ba̱leb.

1 Juan 5:2

Cui nakara li Dios, nakapa̱b lix chakꞌrab. Riqꞌuin aꞌan nakanau nak nakara li Dios joꞌ ajcuiꞌ eb li ralal xcꞌajol.

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

Ezequiel 36:27

Ut la̱in tinqꞌue e̱re lin musikꞌ. Texinqꞌue chixpa̱banquil lin chakꞌrab ut te̱ba̱nu li cꞌaꞌru ninye. Te̱ba̱nu li cꞌaꞌru texintakla cuiꞌ.

1 Juan 4:18

Ma̱cꞌaꞌ kaxiu cui nakara li Dios chi tzꞌakal. Li tzꞌakal rahoc narisi li xiu. Li ani naxucuac, naxxucua lix tojbal rix lix ma̱c, ut li naxucuac toj ma̱jiꞌ natzꞌakloc ru li rahoc riqꞌuin.

Salmos 119:146

Nintijoc cha̱cuu. China̱col taxak ut tinba̱nu taxak li cꞌaꞌru naxye la̱ chakꞌrab.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Romanos 8:1

Anakcuan ut ma̱cꞌaꞌ chic li tojba ma̱c saꞌ xbe̱neb li nequeꞌpa̱ban re li Cristo, li incꞌaꞌ chic nequeꞌxba̱nu li nequeꞌxrahi ru lix chꞌo̱leb. Nequeꞌxba̱nu ban li naraj li Santil Musikꞌej.

Santiago 2:22

¿Ma incꞌaꞌ nacaqꞌue retal nak laj Abraham quixba̱nu li us ut riqꞌuin aꞌan quicꞌutun lix pa̱ba̱l? Ut riqꞌuin li quixba̱nu quitzꞌakloc ru lix pa̱ba̱l.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

San Juan 6:56

Li ani naxtzaca lin tibel ut narucꞌ lin quiqꞌuel, li jun aꞌan cuan chi sum a̱tin cuiqꞌuin ut la̱in cuanquin chi sum a̱tin riqꞌuin aꞌan.

Eclesiastés 8:5

Li ani naxba̱nu li natakla̱c cuiꞌ xban li rey, ma̱cꞌaꞌ tixcꞌul. Ut li ani cuan xnaꞌleb naxnau jokꞌe ut chanru nak tixba̱nu li natakla̱c cuiꞌ.

Salmos 106:3

Us xak reheb li nequeꞌcuan saꞌ ti̱quilal, li junelic nequeꞌxba̱nu li us.

Proverbios 8:32

Joꞌcan ut, ex cualal incꞌajol, cherabihak li cꞌaꞌru ninye e̱re. Us xak e̱re cui te̱ba̱nu li cꞌaꞌru ninye.

Salmos 119:4

At Ka̱cuaꞌ, la̱at caye nak tento takaba̱nu chi tzꞌakal re ru li cꞌaꞌru naxye saꞌ la̱ chakꞌrab.

Proverbios 28:7

Li alalbej li naxba̱nu li naxye lix chakꞌrab li Dios, aꞌan naxnau cꞌoxlac. Abanan li ani nacuulac chiru cua̱nc saꞌ xya̱nkeb li nequeꞌnumcuaꞌac nequeꞌnum-ucꞌac, aꞌan naxcꞌut xxuta̱n lix yucuaꞌ.

Salmos 105:45

Li Dios quixba̱nu chi joꞌcan re nak eb laj Israel teꞌxqꞌue xcuanquil lix chakꞌrab ut teꞌxba̱nu li cꞌaꞌru naxye. Lokꞌoninbil taxak ru li nimajcual Dios.

1 Juan 4:17

Riqꞌuin aꞌin ta̱tzꞌaklok ru li rahoc kiqꞌuin la̱o re nak cauhak kachꞌo̱l saꞌ xcutanquil li rakba a̱tin. Chanru xnaꞌleb li Ka̱cuaꞌ Jesucristo, joꞌcanak ajcuiꞌ li kanaꞌleb la̱o nak cua̱nko arin saꞌ ruchichꞌochꞌ.

2 Juan 1:6

Cui nakara kib chi kibil kib, nakapa̱b li kachakꞌrabinquil xban li Dios. Chalen chak saꞌ xticlajic, li Dios quixye ke nak tento takara kib chi kibil kib.