1 Juan 2:29 - Li Santil hu

²⁹ La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

Q'eqchi Bible

²⁹ Wi nekenaw chi us naq li Jesus tiik xch'ool, chetawaq ajwi' ru naq chixjunil li nab'aanunk re li tiikilal, a'an yo'lajenaq rik'in li Yos.

1 Juan 2:29 ပူးပေါင်းရင်းမြစ်များ

1 Juan 3:7

Ex herma̱n, ma̱ ani chibalakꞌi̱nk e̱re. Li ani naba̱nun re li ti̱quilal, aꞌan ti̱c xchꞌo̱l joꞌ li Cristo ti̱c xchꞌo̱l.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

San Juan 1:13

Queꞌoc chokꞌ ralal xcꞌajol li Dios xban nak joꞌcan quiraj li Dios. Moco yal xcꞌaꞌux cui̱nk ta. Moco joꞌ ta nak nayoꞌla junak cristian arin saꞌ ruchichꞌochꞌ. Yoꞌlajenakeb ban chic saꞌ musikꞌej ut ralal xcꞌajoleb chic li Dios.

1 Juan 4:7

Ex inherma̱n, chikara kib chi kibil kib xban nak li rahoc riqꞌuin li Dios nachal. Li ani narahoc, aꞌan ralal li Dios ut naxba̱nu li naraj li Dios.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

1 Juan 5:4

Li yoꞌlajenak saꞌ musikꞌej riqꞌuin li Dios cuan xcuanquil re xcuybal xnumsinquil li ma̱usilal li cuan saꞌ ruchichꞌochꞌ. Cuan kacuanquilal chixnumsinquil xban nak nakapa̱b saꞌ xcꞌabaꞌ li Jesucristo.

Hechos 10:35

Li ani naxxucua ru li Dios ut naxba̱nu li ti̱quilal aꞌ yal bar xtenamit, li jun aꞌan naraheꞌ xban li Dios.

2 Pedro 1:4

Saꞌ xcꞌabaꞌ lix nimal xlokꞌal ut xcuanquilal li Dios quixyechiꞌi kama̱tan kꞌaxal lokꞌ ut nim xcuanquil. Li Dios quixyechiꞌi ke lix cuanquilal re toe̱lk saꞌ li ma̱usilal li cuan saꞌ ruchichꞌochꞌ ut quixyechiꞌi ajcuiꞌ ke lix cuanquilal re nak takacanab xrahinquil ru li ma̱c, ut re ajcuiꞌ nak totzꞌako̱nk riqꞌuin lix ti̱quilal li Dios.

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Hechos 22:14

Ut quixye cuiꞌchic cue, “Li Dios li queꞌxlokꞌoni chak li kaxeꞌto̱nil yucuaꞌ, aꞌan quisicꞌoc chak a̱cuu re nak ta̱nau ut ta̱ba̱nu li cꞌaꞌru naraj aꞌan. Aꞌan naraj nak ta̱cuil ru li jun li Ti̱c Xchꞌo̱l ut ta̱cuabi li cꞌaꞌru tixye a̱cue.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

3 Juan 1:11

At inherma̱n, ma̱tzol a̱cuib riqꞌuin li incꞌaꞌ us. Aꞌ ban li us ta̱ba̱nu. Li ani naba̱nun re li us, aꞌan ralal xcꞌajol li Dios. Ut li ani naxba̱nu li incꞌaꞌ us, toj ma̱jiꞌ naxpa̱b li Dios.

1 Juan 5:18

Nakanau nak li ani napa̱ban re li Dios incꞌaꞌ chic yo̱k chi ma̱cobc xban nak li Ralal li Dios na-iloc re. Ut laj tza ma̱cꞌaꞌ chic xcuanquil saꞌ xbe̱n laj pa̱banel.

1 Juan 3:5

La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

1 Pedro 1:23

La̱ex yoꞌlajenakex chic xcaꞌ cua chi acꞌ chic le̱ yuꞌam. Li yuꞌam aꞌin ma̱cuaꞌ xqꞌuehom le̱ naꞌ e̱yucuaꞌ. Li yuꞌam aꞌan na-osoꞌ. Abanan li acꞌ yuꞌam natauman riqꞌuin xpa̱banquil ra̱tin li Dios. Yoꞌyo ut cuan chi junelic.

Hebreos 7:2

Ut li joꞌ qꞌuial quire̱chani chak laj Abraham saꞌ li ple̱t riqꞌuineb li rey, quixqꞌue li junju̱nk saꞌ xlaje̱tkil re laj Melquisedec. Li cꞌabaꞌej Melquisedec naraj naxye “rey re li ti̱quilal”. Ut li cꞌabaꞌej Salem naraj naxye “tuktu̱quil usilal”. Joꞌcan nak laj Melquisedec, aꞌan rey re li ti̱quilal ut rey re li tuktu̱quil usilal.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Hechos 3:14

La̱ex incꞌaꞌ queraj xcolbal rix li santil cui̱nk aꞌin, li ti̱c xchꞌo̱l. Aꞌ chic laj camsinel queqꞌue chi achꞌaba̱c.

San Juan 7:18

Cui junak naxchꞌolob xya̱lal li naxcꞌoxla xjunes, li jun aꞌan naraj nak ta̱qꞌuehekꞌ xlokꞌal xbaneb li nequeꞌabin re. Abanan li ani naraj nak ta̱qꞌuehekꞌ xlokꞌal li quitaklan chak re, li jun aꞌan ti̱c xchꞌo̱l ut ma̱cꞌaꞌ balakꞌic riqꞌuin.