1 Juan 2:28 - Li Santil hu

²⁸ Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

Q'eqchi Bible

²⁸ Ut anaqwan, ex inkok'al, chexwanq rik'in li Kriist chi junelik re naq, jo'q'e tixk'ut rib', chiwanq xkawub' qach'ool ut ink'a' tooxutaanaq chiru, sa' li xk'ulunik.

1 Juan 2:28 ပူးပေါင်းရင်းမြစ်များ

1 Juan 4:17

Riqꞌuin aꞌin ta̱tzꞌaklok ru li rahoc kiqꞌuin la̱o re nak cauhak kachꞌo̱l saꞌ xcutanquil li rakba a̱tin. Chanru xnaꞌleb li Ka̱cuaꞌ Jesucristo, joꞌcanak ajcuiꞌ li kanaꞌleb la̱o nak cua̱nko arin saꞌ ruchichꞌochꞌ.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

1 Juan 3:21

Cui incꞌaꞌ nakecꞌa saꞌ kachꞌo̱l nak incꞌaꞌ us yo̱co, incꞌaꞌ nocoxucuac chiru li Dios.

Colosenses 3:4

Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

Malaquías 3:2

¿Ani ta cuiꞌ tixcuy rilbal lix cꞌulunic li Ka̱cuaꞌ? Ut, ¿ani ta cuiꞌ ta̱ru̱k tixxakab rib nak ta̱cꞌulu̱nk xban nak aꞌan joꞌ jun li xam li na-isin xtzꞌajnil li oro, ut joꞌ li xabo̱n li nasakobresin re li tꞌicr?

1 Juan 5:14

Ut aꞌin li cau cuiꞌ kachꞌo̱l chirix li Dios. Nakanau nak li cꞌaꞌak re ru nakatzꞌa̱ma re, cui nakatzꞌa̱ma joꞌ naraj li Dios, aꞌan nocorabi.

1 Pedro 5:4

Li Jesucristo aꞌan tzꞌakal laj ilol ke. Cui nakachꞌolaniheb chi us li kꞌaxtesinbileb ke, li Jesucristo tixqꞌue kakꞌajca̱munquil nak tol-e̱lk cuiꞌchic. Li kakꞌajca̱munquil aꞌan incꞌaꞌ nalaj incꞌaꞌ na-osoꞌ. Ut totzꞌako̱nk ajcuiꞌ riqꞌuin lix nimal xlokꞌal.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

1 Corintios 1:7

Ac xema̱tani li usilal li naxqꞌue li Santil Musikꞌej ut ma̱cꞌaꞌ chic nequeroybeni. Caꞌaj chic lix cꞌulunic li Ka̱cuaꞌ Jesucristo nequeroybeni.

Romanos 9:33

Tzꞌi̱banbil saꞌ li Santil Hu li quixye li Dios: Qꞌuehomak retal xban nak la̱in tinqꞌue jun li pec aran Sión. Nabaleb li tenamit teꞌxtich rokeb chiru ut teꞌtꞌanekꞌ. Abanan li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

1 Timoteo 6:14

Ut la̱ taklanquil, aꞌan aꞌin: chaba̱nu chixjunil li taklanbilat cuiꞌ xban li Ka̱cuaꞌ. Ti̱cak la̱ chꞌo̱l ut ma̱cꞌaꞌak a̱kꞌusbal toj retal ta̱cꞌulu̱nk cuiꞌchic li Ka̱cuaꞌ Jesucristo.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

1 Corintios 15:23

Ut nak teꞌcuacli̱k cuiꞌchic chi yoꞌyo eb li camenak, moco jun cuaclijiqueb ta nak teꞌcuacli̱k chak. Li xbe̱n li quicuacli chak chi yoꞌyo, aꞌan li Jesucristo. Ut mokon nak tol-e̱lk cuiꞌchic li Jesucristo, teꞌcuacli̱k chak eb li queꞌpa̱ban re.

Malaquías 4:5

Relic chi ya̱l la̱in tintakla li profeta Elías e̱riqꞌuin nak toj ma̱jiꞌ nacuulac xkꞌehil nak tinrakok a̱tin. Li cutan aꞌan kꞌaxal lokꞌ, abanan kꞌaxal xiu xiu ajcuiꞌ.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 16:28

Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj tineꞌril chi cha̱lc la̱in li Cꞌajolbej riqꞌuin incuanquilal, chan li Jesús.

San Lucas 17:30

Joꞌcan ajcuiꞌ ta̱cꞌulma̱nk nak tincꞌulu̱nk cuiꞌchic la̱in li Cꞌajolbej. Ma̱cꞌaꞌak saꞌ xchꞌo̱leb li tenamit.

Efesios 3:12

Xban nak ac xkapa̱b li Cristo, junajo chic riqꞌuin. Joꞌcan nak nakanau chi tzꞌakal nak naru chic tocua̱nk chi sum a̱tin riqꞌuin li Dios.