1 Juan 2:27 - Li Santil hu

²⁷ Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

Q'eqchi Bible

²⁷ Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Juan 2:27 ပူးပေါင်းရင်းမြစ်များ

San Juan 14:26

Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

San Juan 16:13

Abanan nak ta̱cha̱lk li Santil Musikꞌej, aꞌan tixcꞌut che̱ru chixjunil lix ya̱lal. Incꞌaꞌ ta̱a̱tinak yal xjunes. Tixye ban e̱re chixjunil li cꞌaꞌru ta̱rabi riqꞌuin li Dios ut tixchꞌolob che̱ru li cꞌaꞌru ta̱cha̱lk mokon.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

2 Juan 1:2

Nequexkara xban nak junaj li nakapa̱b ut lix ya̱lal aꞌan ta̱cua̱nk kiqꞌuin chi junelic.

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

1 Juan 2:28

Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

1 Pedro 1:23

La̱ex yoꞌlajenakex chic xcaꞌ cua chi acꞌ chic le̱ yuꞌam. Li yuꞌam aꞌin ma̱cuaꞌ xqꞌuehom le̱ naꞌ e̱yucuaꞌ. Li yuꞌam aꞌan na-osoꞌ. Abanan li acꞌ yuꞌam natauman riqꞌuin xpa̱banquil ra̱tin li Dios. Yoꞌyo ut cuan chi junelic.

Colosenses 2:6

La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.

San Juan 14:17

Ut aꞌan ajcuiꞌ li Santil Musikꞌej li ta̱cꞌutuk re lix ya̱lal che̱ru chirix li Dios. Li incꞌaꞌ niquineꞌxpa̱b incꞌaꞌ naru nacuan li Santil Musikꞌej riqꞌuineb xban nak incꞌaꞌ nequeꞌxnau ani aꞌan, chi moco nequeꞌxqꞌue retal li cꞌaꞌru naxba̱nu li Santil Musikꞌej. Abanan la̱ex nequenau ani aꞌan xban nak aꞌan cuan saꞌ e̱ya̱nk anakcuan ut ta̱cua̱nk e̱riqꞌuin chi junelic.

Efesios 4:21

La̱ex xerabi li quixye li Cristo ut xetzol lix ya̱lal li quixcꞌut che̱ru.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

Proverbios 28:5

Eb li incꞌaꞌ useb xnaꞌleb incꞌaꞌ nequeꞌxtau ru cꞌaꞌru li ti̱quilal. Abanan eb li nequeꞌxpa̱b li Ka̱cuaꞌ nequeꞌxtau ru cꞌaꞌru li ti̱quilal.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

San Juan 6:45

Tzꞌi̱banbil retalil chi joꞌcaꞌin saꞌ li Santil Hu xbaneb li profeta: Li Dios tixcꞌut lix ya̱lal chiruheb chixjunileb. Joꞌcan nak chixjunileb li nequeꞌabin re ut nequeꞌxtau ru li cꞌaꞌru naxye li Dios, eb aꞌan tineꞌxpa̱b ajcuiꞌ la̱in.

San Juan 14:16

La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

1 Corintios 2:12

Li Dios quixqꞌue ke jun li Musikꞌej. Ma̱cuaꞌ yal xmusikꞌ cui̱nk li cuan kiqꞌuin. Aꞌ lix Santil Musikꞌ li Dios, aꞌan li cuan kiqꞌuin. Li Dios quixqꞌue ke li Santil Musikꞌej re nak takatau ru li cꞌaꞌru naxqꞌue ke riqꞌuin xnimal rusilal.

2 Corintios 1:21

Saꞌ xcꞌabaꞌ li Jesucristo, li Dios naxqꞌue xcacuilal kachꞌo̱l saꞌ li kapa̱ba̱l la̱o joꞌ ajcuiꞌ la̱ex. Ut aꞌan ajcuiꞌ quisicꞌoc chak ku re nak tocꞌanjelak chiru.

1 Ts 4:9

Incꞌaꞌ tento nak tintzꞌi̱bak e̱riqꞌuin chirix chanru nak te̱ra e̱rib che̱ribil e̱rib xban nak ac cꞌutbil ajcuiꞌ che̱ru xban li Dios nak tento te̱ra e̱rib che̱ribil e̱rib.

Levítico 7:35

Chalen saꞌ li cutan nak queꞌxakaba̱c laj Aarón ut eb li ralal chi cꞌanjelac chokꞌ aj tij, li Ka̱cuaꞌ quixye nak eb aꞌan teꞌtzꞌak li tib nak nequeꞌxcꞌat li mayej chiru li Ka̱cuaꞌ.

Números 7:43

Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.