1 Juan 2:24 - Li Santil hu

²⁴ Li cꞌaꞌru xetzol chak chalen saꞌ xticlajic le̱ pa̱ba̱l chicua̱nk saꞌ le̱ chꞌo̱l. Cui te̱cꞌu̱la saꞌ le̱ chꞌo̱l li cꞌaꞌru xerabi chak chalen saꞌ xticlajic le̱ pa̱ba̱l, cua̱nkex riqꞌuin li Cꞌajolbej ut riqꞌuin li Acuabej Dios.

Q'eqchi Bible

²⁴ Jo'kan naq chiwanq sa' leech'ool li k'aru eerab'ihom chalen chaq sa' xtiklajik. Wi wank sa' leech'ool li eerab'ihom chalen chaq sa' xtiklajik, texwanq ajwi' chi junelik rik'in li K'ajolb'ej ut li Yuwa'b'ej.

1 Juan 2:24 ပူးပေါင်းရင်းမြစ်များ

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

1 Juan 4:13

Nakanau nak cuanco riqꞌuin li Dios ut li Dios cuan kiqꞌuin xban nak li Dios quixqꞌue ke li Santil Musikꞌej.

1 Juan 4:16

La̱o nakapa̱b nak li Dios, aꞌan aj rahonel ut nakanau nak ya̱l aꞌan. Li rahoc nachal riqꞌuin li Dios. Li ani narahoc, aꞌan cuan riqꞌuin li Dios ut li Dios cuan riqꞌuin aꞌan.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

1 Juan 2:7

Ex inherma̱n, moco toj acꞌ ta li chakꞌrab yo̱quin chixtzꞌi̱banquil e̱riqꞌuin. Aꞌin aꞌan ajcuiꞌ li chakꞌrab li quiqꞌueheꞌ chak e̱re junxil. Ac e̱rabiom chak chalen nak xepa̱b li Cristo.

1 Juan 1:3

Nakachꞌolob xya̱lal che̱ru chirix li cꞌaꞌru quikil ut li cꞌaꞌru quikabi re nak tocua̱nk chi sum a̱tin chi kibil kib. Ut tocua̱nk ajcuiꞌ chi sum a̱tin riqꞌuin li Acuabej Dios ut riqꞌuin li Jesucristo, li Ralal.

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

Apocalipsis 3:11

La̱in chi se̱b tincha̱lk. Tincuulak e̱riqꞌuin. Joꞌcan nak cauhak taxak e̱chꞌo̱l saꞌ le̱ pa̱ba̱l ut me̱canab inpa̱banquil re nak te̱cꞌul le̱ kꞌajca̱munquil li tinqꞌue ut re ajcuiꞌ nak incꞌaꞌ ta̱qꞌuehekꞌ re jalan.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Filipenses 4:15

Ex inherma̱n, li cuanquex Filipos, ac nequenau nak junxil nak xintiquib xyebal resil li colba-ib, eb li herma̱n li cuanqueb saꞌ jalan naꞌajej incꞌaꞌ xineꞌxtenkꞌa. Caꞌaj cuiꞌ la̱ex xextenkꞌan cue re xkꞌaxbal li cutan nak xin-el Macedonia.

3 Juan 1:3

Cꞌajoꞌ nak nasahoꞌ saꞌ inchꞌo̱l nak nequeꞌcꞌulun li herma̱n cuiqꞌuin ut nacuabi resil nak ti̱c a̱chꞌo̱l. Ut ninnau nak yo̱cat chixba̱nunquil lix ya̱lal.

2 Juan 1:2

Nequexkara xban nak junaj li nakapa̱b ut lix ya̱lal aꞌan ta̱cua̱nk kiqꞌuin chi junelic.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

San Juan 8:25

Ut eb aꞌan queꞌxye re: —Ye ke. ¿Anihat tzꞌakal la̱at? chanqueb. Li Jesús quixye reheb: —Chalen saꞌ xticlajic quinye chak e̱re anihin la̱in.

San Lucas 1:2

Li queꞌcꞌutuc chak chiku, aꞌan eb li tzꞌakal queꞌiloc chak re riqꞌuin xnakꞌeb ru chanru quicꞌulman chalen nak quixtiquib chak lix cꞌanjel ut queꞌxchꞌolob lix ya̱lal.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

San Lucas 9:44

—Cherabihak chi us li tinye e̱re. Tento nak la̱in li Cꞌajolbej tinkꞌaxtesi̱k saꞌ rukꞌeb li cui̱nk li xicꞌ nequeꞌiloc cue, chan li Jesús.

San Juan 6:56

Li ani naxtzaca lin tibel ut narucꞌ lin quiqꞌuel, li jun aꞌan cuan chi sum a̱tin cuiqꞌuin ut la̱in cuanquin chi sum a̱tin riqꞌuin aꞌan.

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

1 Juan 4:15

Li ani nachꞌoloban re nak li Jesús, aꞌan li Ralal li Dios, aꞌan cuan riqꞌuin li Dios, ut li Dios cuan riqꞌuin aꞌan.

2 Juan 1:9

Cui ani junak naxqꞌue xtzꞌakob li quixchꞌolob li Jesucristo, li jun aꞌan ma̱cꞌaꞌ li Dios riqꞌuin. Abanan cui nakapa̱b li cꞌaꞌru quixchꞌolob li Jesucristo, li Dios Acuabej cua̱nk kiqꞌuin ut cua̱nk ajcuiꞌ kiqꞌuin li Jesucristo li Cꞌajolbej.