1 Juan 2:2 - Li Santil hu

² Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

Q'eqchi Bible

² A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

1 Juan 2:2 ပူးပေါင်းရင်းမြစ်များ

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

San Juan 4:42

Ut queꞌxye re li ixk: —Anakcuan nakapa̱b, moco xban ta li cꞌaꞌru xaye ke. La̱o xkabi chi tzꞌakal li cꞌaꞌru xye ut nakanau nak aꞌan tzꞌakal li Cristo laj Colol re li cuanqueb saꞌ ruchichꞌochꞌ, chanqueb.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

San Juan 12:32

Ut nak tinqꞌuehekꞌ la̱in chiru cruz, nabaleb teꞌpa̱ba̱nk cue, chan.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Levítico 16:10

Ut li chiba̱t jun li ta̱rachꞌab, laj Aarón tixkꞌaxtesi chi yoꞌyo chiru li Ka̱cuaꞌ ut chirix aꞌan tixtakla saꞌ li chaki chꞌochꞌ re xtojbal rix lix ma̱queb li tenamit.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

1 Juan 3:5

La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

San Lucas 14:22

Co̱ li mo̱s ut quixba̱nu joꞌ quiyeheꞌ re. Nak quisukꞌi chak quixye re lix patrón: —Ka̱cuaꞌ, xinba̱nu joꞌ xaye cue ut toj cuan nabal li naꞌajej, chan.