1 Juan 2:19 - Li Santil hu

¹⁹ Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

Q'eqchi Bible

¹⁹ Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

1 Juan 2:19 ပူးပေါင်းရင်းမြစ်များ

Hechos 20:30

Ut saꞌ e̱ya̱nk ajcuiꞌ la̱ex cua̱nkeb li teꞌoc chixyebal cꞌaꞌak re ru incꞌaꞌ ya̱l re xkꞌunbesinquileb laj pa̱banel re teꞌxic chirixeb.

1 Corintios 11:19

Nak nacuan li cuechꞌi̱nc ib saꞌ e̱ya̱nk, riqꞌuin aꞌan nacꞌutun ani li tzꞌakal aj pa̱banel ut ani incꞌaꞌ.

San Judas 1:19

Eb li cui̱nk aꞌin, aꞌaneb li nequeꞌyoꞌoban jachoc ib. Nequeꞌxrahi ru lix ma̱usilal li ruchichꞌochꞌ ut li Santil Musikꞌej ma̱cꞌaꞌ riqꞌuineb.

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Hechos 15:24

Xkabi resil nak cuanqueb li xeꞌel arin saꞌ kaya̱nk ut xeꞌco̱eb aran saꞌ le̱ tenamit che̱chꞌiꞌchꞌiꞌinquil ut chixpoꞌbal e̱chꞌo̱l riqꞌuin li cꞌaꞌru nequeꞌxye. Abanan moco la̱o ta xotaklan reheb.

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

Deuteronomio 13:13

nak cuanqueb cui̱nk incꞌaꞌ useb xnaꞌleb yo̱keb chixcꞌambal xbe li tenamit chixlokꞌoninquil li jalan Dios li incꞌaꞌ xelokꞌoni la̱ex.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

Hebreos 10:39

Aban, la̱o ma̱cuaꞌo xcomoneb li nequeꞌxcanab xpa̱banquil li Dios. Eb aꞌan teꞌxic saꞌ xbalba. La̱o nakapa̱b li Dios ut tocolekꞌ.

2 Timoteo 2:10

Joꞌcan nak nincuy xnumsinquil chixjunil li raylal li nincꞌul saꞌ xcꞌabaꞌeb li sicꞌbileb ru xban li Dios re nak eb aꞌan naru teꞌxtau li lokꞌlaj colba-ib li naxqꞌue li Jesucristo ut teꞌxtau ajcuiꞌ lix lokꞌal chi junelic.

Romanos 9:6

Li Dios quixqꞌue li quixyechiꞌi reheb laj Israel. Aban moco chixjunileb ta queꞌxcꞌul li yechiꞌinbil xban li Dios xban nak moco chixjunileb ta tzꞌakaleb aj Israel. Aban incꞌaꞌ ninye nak li Dios incꞌaꞌ quixqꞌue li quixyechiꞌi reheb laj Israel.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Salmos 37:28

Li Ka̱cuaꞌ nacuulac chiru li ti̱quilal. Incꞌaꞌ naxtzꞌekta̱naheb li ralal xcꞌajol. Naxcoleb ban chi junelic. Abanan li ralal xcꞌajoleb li incꞌaꞌ useb xnaꞌleb, aꞌan teꞌsachekꞌ.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

2 Timoteo 3:9

Aban incꞌaꞌ ajcuiꞌ us ta̱e̱lk chiruheb xban nak chꞌolchꞌo̱k chiruheb chixjunileb nak xmajelil xnaꞌlebeb teꞌxba̱nu cuiꞌ, joꞌ queꞌxcꞌul laj Janes ut laj Jambres nak queꞌxcuechꞌi rix laj Moisés.

San Juan 15:2

Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

2 Juan 1:7

Ninnumsi cuiꞌchic saꞌ e̱xic li naꞌleb aꞌin xban nak nabaleb laj tzolonel aj balakꞌ cuanqueb saꞌ ruchichꞌochꞌ. Eb li cui̱nk aꞌin incꞌaꞌ nequeꞌxchꞌolob lix ya̱lal nak li Jesucristo quitzꞌejcualoꞌ ut tzꞌakal cui̱nk nak quicꞌulun saꞌ ruchichꞌochꞌ. Eb li cui̱nk aꞌin aj balakꞌeb ut xicꞌ nequeꞌril li Jesucristo.