1 Juan 2:18 - Li Santil hu

¹⁸ Ex inherma̱n, yo̱ chak chi nachꞌoc rosoꞌjiqueb li cutan. Ac xerabi resil nak ta̱cha̱lk jun li xicꞌ na-iloc re li Cristo. Aꞌan li anticristo nayeman re. Ut anakcuan ac cuanqueb nabal li xicꞌ nequeꞌiloc re li Cristo. Joꞌcan nak nakanau nak yo̱ chi cuulac xkꞌehil rosoꞌjiqueb li cutan.

Q'eqchi Bible

¹⁸ Ex inkok'al, ak xtaw xhonal li roso'jikeb' li kutan. Eerab'ihom resil naq chalk re laj Tz'eqtaanahom re li Kriist. Relik chi yaal naq naab'aleb' laj tz'eqtaanahom re li Kriist xe'waklije'k chaq; jo'kan naq naqataw ru naq anaqwan li roso'jikeb' li kutan.

1 Juan 2:18 ပူးပေါင်းရင်းမြစ်များ

1 Juan 4:3

Ut li ani ta̱yehok re nak li Jesucristo incꞌaꞌ quitzꞌejcualoꞌ nak quicꞌulun saꞌ ruchichꞌochꞌ, aꞌan ma̱cꞌaꞌ li Santil Musikꞌej riqꞌuin. Li naꞌleb aꞌan nachal riqꞌuin li xicꞌ na-iloc re li Cristo. Abanan ac e̱rabiom resil chirix nak tol-e̱lk li xicꞌ na-iloc re li Cristo. Ut anakcuan li naꞌleb aꞌan ac yo̱ chi cꞌulu̱nc saꞌ ruchichꞌochꞌ.

2 Juan 1:7

Ninnumsi cuiꞌchic saꞌ e̱xic li naꞌleb aꞌin xban nak nabaleb laj tzolonel aj balakꞌ cuanqueb saꞌ ruchichꞌochꞌ. Eb li cui̱nk aꞌin incꞌaꞌ nequeꞌxchꞌolob lix ya̱lal nak li Jesucristo quitzꞌejcualoꞌ ut tzꞌakal cui̱nk nak quicꞌulun saꞌ ruchichꞌochꞌ. Eb li cui̱nk aꞌin aj balakꞌeb ut xicꞌ nequeꞌril li Jesucristo.

1 Juan 2:22

¿Ani laj ticꞌtiꞌ nak nequecꞌoxla la̱ex? Aꞌan li nayehoc re nak li Jesucristo, ma̱cuaꞌ aꞌan laj Colonel li yechiꞌinbil xban li Dios. Li nayehoc re chi joꞌcan, aꞌan li anticristo li xicꞌ na-iloc re li Cristo. Aꞌan li natzꞌekta̱nan re li Acuabej Dios ut li Cꞌajolbej.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 24:5

Nabal teꞌcha̱lk chi balakꞌi̱nc, ut teꞌxye nak saꞌ incꞌabaꞌ xeꞌchal, abanan moco ya̱l ta. Toleꞌxye, “La̱in li Cristo”, chaꞌkeb. Ut nabal teꞌbalakꞌi̱k xbaneb.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

San Marcos 13:6

Nabal teꞌcha̱lk chi balakꞌi̱nc ut toleꞌxye, “La̱in li Cristo”, chaꞌkeb. Ut nabal teꞌbalakꞌi̱k xbaneb.

2 Pedro 2:1

Queꞌcuan ajcuiꞌ chak profeta aj balakꞌ saꞌ xya̱nkeb laj Israel junxil. Joꞌcan ajcuiꞌ saꞌ e̱ya̱nk la̱ex, teꞌcua̱nk aj tzolonel aj balakꞌ. Chi timil ut saꞌ mukmu teꞌrocsi li balakꞌ aj naꞌleb re xsachbal xpa̱banquil li Dios toj retal teꞌxtzꞌekta̱na li Ka̱cuaꞌ Jesucristo li quicam saꞌ xcꞌabaꞌeb. Ut riqꞌuin li nequeꞌxba̱nu, nequeꞌxsach ribeb chi junaj cua ut yo̱queb chixbokbal raylal saꞌ xbe̱neb.

San Mateo 24:11

Ut nabaleb li profeta aj balakꞌ teꞌcha̱lk ut nabaleb teꞌbalakꞌi̱k xbaneb.

San Judas 1:18

Eb li apóstol queꞌxye e̱re nak ta̱nachꞌok chak rosoꞌjiqueb li cutan teꞌcha̱lk eb laj balakꞌ aj majecuanel. Aꞌ li ma̱c li naxrahi ru lix tzꞌejcualeb, aꞌan li nequeꞌxba̱nu.

2 Pedro 3:3

Xbe̱n cua chetauhak xya̱lal aꞌin: Nak ta̱nachꞌok chak rosoꞌjiqueb li cutan, cuan li teꞌcha̱lk chi hoboc riqꞌuin yibru a̱tin. Teꞌxhob xcuanquil li Dios ut teꞌxba̱nu li yibru naꞌleb li nequeꞌxcꞌoxla.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

1 Pedro 1:20

Relic chi ya̱l nak toj ma̱jiꞌ nayoꞌobtesi̱c chak li ruchichꞌochꞌ ac chꞌolchꞌo chiru li Dios nak li Cristo sicꞌbil ru ut xakabanbil re ta̱ca̱mk. Ut anakcuan xcuulac xkꞌehil nak li Cristo xcꞌutbesi rib xban e̱ra̱bal la̱ex.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

San Juan 21:5

Quixye li Jesús reheb: —Ex cualal incꞌajol, ¿ma xechap li car? chan. Eb aꞌan queꞌchakꞌoc ut queꞌxye: —Ma̱ jun xkachap.—

Romanos 13:11

Chikaba̱nu chixjunil aꞌin xban nak nakanau nak yo̱ chak chi nachꞌoc xkꞌehil nak ta̱tzꞌaklok ru li kacolbal nak tol-e̱lk cuiꞌchic li Jesucristo. Yoꞌon taxak cua̱nko xban nak yo̱ chak chi nachꞌoc lix cꞌulunic chiru nak copa̱ban chak la̱o.

Romanos 13:12

Chanchan nak yo̱ chi numecꞌ li kꞌojyi̱n ut yo̱ chi sake̱uc. Chikacanabak xba̱nunquil li incꞌaꞌ us li nequeꞌxba̱nu li toj cuanqueb saꞌ xkꞌojyi̱nal ru li ma̱c. Chikacolak kib chiru li incꞌaꞌ us riqꞌuin xcuanquil li Jesucristo.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.