1 Juan 2:13 - Li Santil hu

¹³ Nintzꞌi̱bac ajcuiꞌ e̱riqꞌuin, la̱ex yucuaꞌbej, xban nak ac xepa̱b li Dios Cꞌajolbej li cuan chalen chak najter nak toj ma̱jiꞌ naxyoꞌobtesi chak li ruchichꞌochꞌ. Nintzꞌi̱bac e̱riqꞌuin la̱ex li toj sa̱jex xban nak xecuy xnumsinquil li a̱le̱c li naxqꞌue laj tza. Ut nintzꞌi̱bac ajcuiꞌ e̱riqꞌuin la̱ex cocꞌal xban nak ac xepa̱b li Acuabej Dios.

Q'eqchi Bible

¹³ Nintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Nintz'iib'ak eerik'in, ex saaj al, xb'aan naq xeq'ax ru li maa'us.

1 Juan 2:13 ပူးပေါင်းရင်းမြစ်များ

San Juan 14:7

Li ani naxnau cuu la̱in naxnau ajcuiꞌ ru lin Yucuaꞌ. Chalen anakcuan nequenau chic ru lin Yucuaꞌ ut xeril ru, chan li Jesús.

1 Juan 2:14

Xintzꞌi̱bac e̱riqꞌuin la̱ex yucuaꞌbej, xban nak ac xepa̱b li Dios Cꞌajolbej li cuan chalen chak najter nak toj ma̱jiꞌ naxyoꞌobtesi chak li ruchichꞌochꞌ. Xintzꞌi̱bac e̱riqꞌuin la̱ex li toj sa̱jex, xban nak cau e̱rib ut li ra̱tin li Dios nacana chi junelic e̱riqꞌuin ut xecuy xnumsinquil li a̱le̱c li naxqꞌue laj tza.

1 Juan 4:4

Ex inherma̱n, la̱ex rehex chic li Dios. La̱ex xecuy ut xenau xcolbal e̱rib chiruheb laj balakꞌ. Xecuy xban nak li Santil Musikꞌej cuan e̱riqꞌuin ut kꞌaxal nim xcuanquil aꞌan chiru laj tza li cuan riqꞌuineb laj balakꞌ.

1 Juan 1:1

Nintzꞌi̱bac e̱riqꞌuin chirix li Dios Cꞌajolbej li cuan chalen chak saꞌ xticlajic li ruchichꞌochꞌ. La̱o quikil riqꞌuin xnakꞌ ku ut coa̱tinac riqꞌuin. Quikil ru aꞌan chi tzꞌakal ut xkachꞌeꞌ riqꞌuin kukꞌ. Aꞌan aꞌin li A̱tin naqꞌuehoc yuꞌam.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

1 Juan 5:18

Nakanau nak li ani napa̱ban re li Dios incꞌaꞌ chic yo̱k chi ma̱cobc xban nak li Ralal li Dios na-iloc re. Ut laj tza ma̱cꞌaꞌ chic xcuanquil saꞌ xbe̱n laj pa̱banel.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

1 Juan 2:12

Nintzꞌi̱bac e̱riqꞌuin, ex herma̱n, xban nak cuybil sachbil chic le̱ ma̱c xban li Dios saꞌ xcꞌabaꞌ li Jesucristo.

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

Tito 2:6

Ut chaqꞌueheb ajcuiꞌ xnaꞌlebeb li sa̱j cui̱nk re nak teꞌxcꞌoxla chi us li cꞌaꞌru teꞌxba̱nu re nak teꞌcua̱nk saꞌ ti̱quilal.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

San Juan 16:3

Teꞌxba̱nu li raylal aꞌin e̱re xban nak incꞌaꞌ nequeꞌxnau ru lin Yucuaꞌ chi moco nequeꞌxnau cuu la̱in.

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Juan 8:19

Eb laj fariseo queꞌchakꞌoc ut queꞌxye re: —¿Ani la̱ yucuaꞌ? chanqueb re. Li Jesús quixye reheb: —La̱ex incꞌaꞌ nequenau ani lin Yucuaꞌ xban nak incꞌaꞌ nequenau cuu la̱in. Cui ta nequenau cuu la̱in, nequenau aj raj cuiꞌ ru lin Yucuaꞌ, chan reheb.

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

Proverbios 20:29

Eb li toj sa̱jeb cuanqueb xlokꞌal xban nak cuan xmetzꞌe̱uheb. Abanan li ac che̱queb cuanqueb xlokꞌal xban nak cuanqueb xnaꞌleb.

Salmos 91:14

Li Ka̱cuaꞌ tixye: —La̱in tincol aꞌan xban nak kꞌaxal ninxra. La̱in tinqꞌue xlokꞌal xban nak aꞌan naxnau nak la̱in li Ka̱cuaꞌ.

Salmos 90:2

Chalen chak najter kꞌe cutan nak toj ma̱jiꞌ nacayi̱beb li tzu̱l ut li ruchichꞌochꞌ, ac la̱at ajcuiꞌ chak Dios.

1 Timoteo 5:1

Ma̱kꞌuseb li che̱quel cui̱nk saꞌ joskꞌil. Qꞌueheb ban xnaꞌleb joꞌ la̱ yucuaꞌ cha̱cuu nak ta̱cuileb. Ut chaqꞌueheb ajcuiꞌ xnaꞌleb li sa̱j cui̱nk joꞌqueb a̱cui̱tzꞌin cha̱cuu nak ta̱cuileb.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Joel 2:28

Ut nak ac xnumeꞌ chixjunil li cꞌaꞌak re ru aꞌin, la̱in tinqꞌue lin musikꞌ chi cua̱nc riqꞌuineb chixjunileb li tenamit. Ut eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

Salmos 148:12

Cheꞌxnima taxak ru li Dios chixjunileb li sa̱j cui̱nk ut eb li sa̱j ixk, joꞌqueb ajcuiꞌ li ti̱xil cristian ut eb li cocꞌal.

San Mateo 5:37

Joꞌcaꞌin ban te̱ba̱nu. Cui te̱ye nak ya̱l, junes ya̱l te̱ye. Ut cui te̱ye nak incꞌaꞌ, junes incꞌaꞌ te̱ye. Cui te̱qꞌue xtzꞌakob li a̱tin aꞌan, li naꞌleb aꞌan riqꞌuin laj tza nachal.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Apocalipsis 12:11

Eb li kech aj pa̱banelil xeꞌnumta saꞌ xbe̱n laj tza saꞌ xcꞌabaꞌ lix quiqꞌuel li Jun li chanchan carner ut xban nak queꞌxchꞌolob xya̱lal nak aꞌan laj Colol reheb. Incꞌaꞌ queꞌxra xyuꞌameb, toj retal queꞌxcꞌul ca̱mc.