1 Juan 2:11 - Li Santil hu

¹¹ Li ani xicꞌ naril lix herma̱n, aꞌan toj yo̱ ajcuiꞌ chi be̱c saꞌ xkꞌojyi̱nal ru li ma̱c. Ut incꞌaꞌ naxnau bar yo̱ chi xic xban nak li ma̱c naramoc re lix ya̱lal chiru.

Q'eqchi Bible

¹¹ A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

1 Juan 2:11 ပူးပေါင်းရင်းမြစ်များ

San Juan 12:35

Quichakꞌoc li Jesús ut quixye reheb: —La̱in li cutan saken. Xinchal chixchꞌolobanquil lix ya̱lal che̱ru. Toj tincua̱nk chic caꞌchꞌinak saꞌ e̱ya̱nk. Joꞌcan nak qꞌuehomak e̱chꞌo̱l chinpa̱banquil nak toj cuanquin saꞌ e̱ya̱nk re nak incꞌaꞌ texcua̱nk saꞌ xkꞌojyi̱nal ru li ma̱c. Li ani nacuan saꞌ xkꞌojyi̱nal ru li ma̱c incꞌaꞌ naxnau bar yo̱ chi xic.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Apocalipsis 3:17

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

1 Juan 1:6

Cui nakaye nak cuanco chi sum a̱tin riqꞌuin li Dios ut cui toj nakaba̱nu li incꞌaꞌ us, yo̱co chi ticꞌtiꞌic. Ut incꞌaꞌ nakatzol kib chixba̱nunquil li ya̱l.

1 Juan 2:9

Li ani naxye nak xcutanobresi̱c lix naꞌleb xban li Cristo, ut xicꞌ naril lix herma̱n aꞌan toj cuan ajcuiꞌ saꞌ xkꞌojyi̱nal ru li ma̱c.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

San Juan 12:40

Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

2 Corintios 3:14

Xban xcacuilal xchꞌo̱leb incꞌaꞌ queꞌxtau ru nak lix lokꞌal li najter chakꞌrab ta̱e̱lk. Ut chalen anakcuan incꞌaꞌ ajcuiꞌ nequeꞌxtau ru. Chanchan nak li tꞌicr aꞌan toj yo̱ chi ramoc chiruheb lix ya̱lal nak nequeꞌrabi li najter chakꞌrab. Ut li tꞌicr aꞌan na-el caꞌaj cuiꞌ riqꞌuin xpa̱banquil li Cristo.

Proverbios 4:19

Abanan eb li incꞌaꞌ useb xnaꞌleb cuanqueb saꞌ xkꞌojyi̱nal ru li ma̱c xban li ma̱usilal nequeꞌxba̱nu. Moco teꞌxnau ta cꞌaꞌru ta̱cha̱lk saꞌ xbe̱neb.

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

Eclesiastés 2:14

Li ani cuan xnaꞌleb naxnau cꞌaꞌru ta̱cha̱lk saꞌ xbe̱n. Ut li ma̱cꞌaꞌ xnaꞌleb incꞌaꞌ naxnau cꞌaꞌru ta̱cha̱lk saꞌ xbe̱n. Abanan juntakꞌe̱t tixcꞌul li cuan xnaꞌleb riqꞌuin li ma̱cꞌaꞌ xnaꞌleb.

2 Pedro 1:9

Li ani incꞌaꞌ naxba̱nu li cꞌaꞌak re ru aꞌin, aꞌan chanchan jun li mutzꞌ malaj chanchan jun li incꞌaꞌ na-iloc chi tzꞌakal. Li jun aꞌan incꞌaꞌ naxqꞌue saꞌ xchꞌo̱l nak ac colbil chic chiru li ma̱c li quixba̱nu junxil.

1 Juan 2:10

Li ani naxra lix herma̱n, aꞌan cutanobresinbil lix naꞌleb xban li Cristo. Ut ma̱ ani nachꞌinan xchꞌo̱l xban.

1 Juan 3:15

Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.

1 Juan 4:20

Cui junak naxye nak naxra li Dios ut xicꞌ naril lix herma̱n, aꞌan aj ticꞌtiꞌ. Li ani incꞌaꞌ naxra lix herma̱n li naril ru, ¿chan ta cuiꞌ ru nak tixra li Dios li moco naril ta ru?