1 Juan 1:9 - Li Santil hu

⁹ Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

Q'eqchi Bible

⁹ Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

1 Juan 1:9 ပူးပေါင်းရင်းမြစ်များ

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Jeremías 33:8

La̱in tincuisi lix ma̱usilaleb. Tincuy li ma̱c li queꞌxba̱nu chicuu ut tincuy ajcuiꞌ xma̱queb nak queꞌxkꞌetkꞌeti ribeb chicuu.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Nehemías 1:6

Nintzꞌa̱ma cha̱cuu nak ta̱cuabi taxak ut chaqꞌue taxak retal li cꞌaꞌru yo̱quin chixtzꞌa̱manquil cha̱cuu, la̱in aj cꞌanjel cha̱cuu. Chi kꞌek chi cutan yo̱quin chixtzꞌa̱manquil xcuybaleb xma̱c eb li ralal xcꞌajol laj Israel laj cꞌanjeleb cha̱cuu. Ya̱l nak xoma̱cob cha̱cuu, la̱in joꞌqueb ajcuiꞌ chixjunileb li ralal xcꞌajol lin yucuaꞌ.

Ezequiel 37:23

Incꞌaꞌ chic teꞌxmux ribeb xlokꞌoninquileb li jalanil dios, chi moco teꞌxkꞌetkꞌeti ribeb chicuu, chi moco teꞌxba̱nu chic li ma̱usilal. La̱in tincoleb chiru li ma̱usilal aꞌan ut tincuisi lix ma̱queb. Aꞌanakeb lin tenamit ut la̱inak lix Dioseb.

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

Hechos 19:18

Ut nabaleb li queꞌpa̱ban queꞌchal ut queꞌxxo̱to lix ma̱queb chiru li Dios chiruheb chixjunileb li cuanqueb aran.

San Marcos 1:5

Nabaleb laj Judea ut nabaleb ajcuiꞌ laj Jerusalén queꞌcuulac cuan cuiꞌ laj Juan chirabinquil li cꞌaꞌru yo̱ chixyebal. Queꞌxxo̱to xma̱c chiru li Dios ut laj Juan quixcubsi xhaꞌeb saꞌ li nimaꞌ Jordán.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Salmos 19:12

Cuan nak nocoma̱cob chi incꞌaꞌ nakaqꞌue retal. Joꞌcan nak nintzꞌa̱ma cha̱cuu nak ta̱cuy li ma̱c li ninba̱nu chi incꞌaꞌ ninqꞌue retal.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

Lamentaciones 3:23

Cuulaj cuulaj nocorosobtesi. Acꞌ chic li kosobtesinquil xban nak kꞌaxal nim li rusilal saꞌ kabe̱n.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

1 Reyes 8:47

Abanan nak chapcho̱keb xbaneb li jalaneb xtenamit, ma̱re ta̱julticokꞌ reheb nak incꞌaꞌ us xeꞌxba̱nu ut teꞌxjal xcꞌaꞌuxeb. Ut ma̱re teꞌtijok chak saꞌ li tenamit bar cua̱nkeb cuiꞌ chak ut teꞌxye: “Xoma̱cob. Incꞌaꞌ us xkaba̱nu. Xkaba̱nu li ma̱usilal,” chaꞌkeb.

Apocalipsis 15:3

Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Hebreos 11:11

Xban lix pa̱ba̱leb, laj Abraham ut lix Sara quicuan jun lix cꞌulaꞌal saꞌ xti̱xilaleb, usta lix Sara aꞌan jun ixk incꞌaꞌ naqꞌuiresin. Aban queꞌxnau nak teꞌxcꞌul li cꞌaꞌru quiyechiꞌi̱c reheb xban li Dios.

San Mateo 3:6

Queꞌxxo̱to xma̱queb ut laj Juan naxcubsiheb xhaꞌ saꞌ li nimaꞌ Jordán.

Isaías 45:21

A̱tinankex re xcolbal rixeb le̱ yi̱banbil dios. Chepatzꞌak saꞌ comonil. ¿Ani li quiyehoc chak re najter kꞌe cutan li cꞌaꞌru talajcꞌulma̱nk? ¿Ma ma̱cuaꞌ ta biꞌ la̱in li Ka̱cuaꞌ, li nimajcual Dios? La̱in li nincoloc reheb lin tenamit. Ma̱ jun chic Dios cuan chicuu la̱in. Caꞌaj cuiꞌ la̱in li tzꞌakal Dios.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

Romanos 3:26

Ut anakcuan saꞌ eb li cutan aꞌin, nacꞌutun lix ti̱quilal xchꞌo̱l li Dios riqꞌuin nak naxti̱cobresi xchꞌo̱l li ani napa̱ban saꞌ xcꞌabaꞌ li Jesucristo.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Éxodo 34:7

La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

1 Reyes 8:30

Chacuabihak taxak lin tij. Ut chacuabihak taxak lix tijeb laj Israel nak teꞌtijok saꞌ li naꞌajej aꞌin. Chacuabihak taxak li katij saꞌ li naꞌajej aꞌin li tatcua̱nk cuiꞌ. Toj saꞌ choxa taxak ta̱cuabi li katij ut ta̱cuy ta̱sach li kama̱c.

Jeremías 3:13

Caꞌaj cuiꞌ te̱qꞌue retal nak xexma̱cob chicuu la̱in li Ka̱cuaꞌ le̱ Dios ut te̱patzꞌ e̱cuybal. Xekꞌet li cua̱tin. Xelokꞌoniheb li jalanil dios rubeleb li ni̱nki cheꞌ. Ut incꞌaꞌ xeba̱nu li cꞌaꞌru xinye e̱re, chan li Dios.

San Juan 17:25

At inYucuaꞌ, la̱at ti̱c a̱chꞌo̱l. Eb li incꞌaꞌ nequeꞌpa̱ban incꞌaꞌ nequeꞌxnau a̱cuu. Abanan la̱in ninnau a̱cuu ut eb lin tzolom nequeꞌxnau chic nak la̱at xattaklan chak cue.

San Lucas 22:57

Abanan laj Pedro quiticꞌtiꞌic ut quixye: —At ixk, la̱in incꞌaꞌ ninnau ru ani li nacaye, chan.