1 Juan 1:5 - Li Santil hu

⁵ Aꞌan aꞌin li a̱tin quikabi riqꞌuin li Jesucristo. Ut aꞌan li nakachꞌolob xya̱lal che̱ru. Li Dios, aꞌan li cutan saken. Riqꞌuin li Dios ma̱cꞌaꞌ kꞌojyi̱n. Ti̱c ban xchꞌo̱l li Dios. Relic chi ya̱l nak ma̱cꞌaꞌ ma̱usilal riqꞌuin.

Q'eqchi Bible

⁵ Ut a'an a'in li esil xqab'i rik'in li Jesus ut naqaye eere: li Yos a'an saqenk ut maak'a' li aak'ab' rik'in.

1 Juan 1:5 ပူးပေါင်းရင်းမြစ်များ

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Isaías 60:19

Incꞌaꞌ chic tento nak li sakꞌe ta̱cutanobresi̱nk e̱re chi cutan chi moco li po chi kꞌek xban nak la̱in li Ka̱cuaꞌ tincutanobresi̱nk e̱re junelic ut la̱in li Dios tinqꞌue e̱lokꞌal.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

San Juan 1:9

Aꞌan li tzꞌakal cutan saken li quicꞌulun saꞌ ruchichꞌochꞌ chixcutanobresinquil xcꞌaꞌuxeb chixjunileb li cristian.

San Juan 1:4

Li Cristo, aꞌan li naqꞌuehoc junelic yuꞌam. Ut li yuꞌam li naxqꞌue naxcutanobresi lix cꞌaꞌuxeb li cristian.

San Juan 9:5

Nak toj cua̱nkin saꞌ ruchichꞌochꞌ, la̱in tincutanobresi lix cꞌaꞌuxeb li cuanqueb saꞌ ruchichꞌochꞌ, chan.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Salmos 36:9

La̱at nacatqꞌuehoc li kayuꞌam chi junelic. Ut la̱at nacatcutanobresin re li kacꞌaꞌux.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

1 Juan 3:11

Chalen chak saꞌ xticlajic le̱ pa̱ba̱l xerabi li chakꞌrab nak chikarahak kib chi kibil kib.

1 Corintios 11:23

Ac xincꞌut che̱ru lix ya̱lal li cuaꞌac re xjulticanquil lix camic li Jesucristo. Aꞌan ajcuiꞌ li quixcꞌut chicuu li Ka̱cuaꞌ. Saꞌ ajcuiꞌ li kꞌojyi̱n nak toj ma̱jiꞌ quikꞌaxtesi̱c li Ka̱cuaꞌ Jesucristo quixchap li caxlan cua.

Salmos 139:12

Cha̱cuu la̱at ma̱cꞌaꞌ kꞌojyi̱n. Chixjunil cutan saken cha̱cuu. Juntakꞌe̱t li kꞌojyi̱n ut li cutan cha̱cuu la̱at.

Isaías 2:5

Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

Daniel 2:22

Aꞌan naxcꞌutbesi chiku li incꞌaꞌ nakatau ru ut li chꞌaꞌaj xtaubal ru. Aꞌan naxnau chixjunil li cꞌaꞌak re ru incꞌaꞌ nakanau la̱o. Chixjunil cutan saken chiru aꞌan.

San Juan 1:19

Eb laj judío li cuanqueb Jerusalén queꞌxtaklaheb laj tij ut eb laj levita chixpatzꞌbal re laj Juan, ut queꞌxye re: —¿Anihat la̱at? ¿Ma la̱at li Cristo li taklanbil chak xban li Dios? chanqueb re.