1 Juan 1:3 - Li Santil hu

³ Nakachꞌolob xya̱lal che̱ru chirix li cꞌaꞌru quikil ut li cꞌaꞌru quikabi re nak tocua̱nk chi sum a̱tin chi kibil kib. Ut tocua̱nk ajcuiꞌ chi sum a̱tin riqꞌuin li Acuabej Dios ut riqꞌuin li Jesucristo, li Ralal.

Q'eqchi Bible

³ a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

1 Juan 1:3 ပူးပေါင်းရင်းမြစ်များ

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

Filipenses 2:1

Anakcuan nacuaj xpatzꞌbal e̱re: ¿Ma cuan xya̱lal chokꞌ e̱re la̱ex nak xepa̱b li Cristo? ¿Ma cꞌojcꞌo e̱chꞌo̱l xban nak raro̱quex xban li Cristo? ¿Ma junaj ru le̱ chꞌo̱l che̱junilex xban li Santil Musikꞌej li cuan e̱riqꞌuin? ¿Ma nequera e̱rib chi ribil e̱rib? ¿Ma nequeruxta̱na e̱ru chi ribil e̱rib?

2 Corintios 13:14

Chicua̱nk taxak e̱riqꞌuin li rusilal li Ka̱cuaꞌ Jesucristo, ut chicua̱nk taxak e̱riqꞌuin li rahoc ib li naxqꞌue li Ka̱cuaꞌ Dios, ut aꞌ taxak li Santil Musikꞌej chicua̱nk e̱riqꞌuin. Joꞌcan taxak.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

1 Juan 1:1

Nintzꞌi̱bac e̱riqꞌuin chirix li Dios Cꞌajolbej li cuan chalen chak saꞌ xticlajic li ruchichꞌochꞌ. La̱o quikil riqꞌuin xnakꞌ ku ut coa̱tinac riqꞌuin. Quikil ru aꞌan chi tzꞌakal ut xkachꞌeꞌ riqꞌuin kukꞌ. Aꞌan aꞌin li A̱tin naqꞌuehoc yuꞌam.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Filipenses 3:10

Xincanab xba̱nunquil chixjunil li quinba̱nu chak junxil re nak tincua̱nk chi sum a̱tin riqꞌuin li Cristo. Nacuaj xcꞌulbal lix cuanquilal li Dios li quicuaclesin cuiꞌchic re li Cristo chi yoꞌyo saꞌ xya̱nkeb li camenak. Nacuaj tintzꞌako̱nk riqꞌuin li raylal li quixcꞌul ut nacuaj nak tinba̱nu joꞌ quixba̱nu li Cristo nak quixqꞌue rib chi ca̱mc.

1 Pedro 5:1

Ut anakcuan tinye cuib oxibak li a̱tin reheb laj cꞌamol be saꞌ e̱ya̱nk la̱ex aj pa̱banel. La̱in ajcuiꞌ e̱rochben chi cꞌamoc be ut quicuil tzꞌakal nak li Cristo quixcꞌul raylal. La̱in tintzꞌako̱nk ajcuiꞌ joꞌ nak la̱ex textzꞌako̱nk saꞌ lix nimal xlokꞌal li ta̱cꞌutbesi̱k.

Hebreos 3:1

Ex herma̱n, la̱ex sicꞌbil e̱ru xban li Dios chokꞌ ralal xcꞌajol. Cheqꞌuehak e̱chꞌo̱l chixcꞌoxlanquil li Jesucristo. Aꞌan li quitakla̱c chak xban li Dios chi cꞌanjelac joꞌ xyucuaꞌil aj tij saꞌ li kapa̱ba̱l.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

1 Juan 1:5

Aꞌan aꞌin li a̱tin quikabi riqꞌuin li Jesucristo. Ut aꞌan li nakachꞌolob xya̱lal che̱ru. Li Dios, aꞌan li cutan saken. Riqꞌuin li Dios ma̱cꞌaꞌ kꞌojyi̱n. Ti̱c ban xchꞌo̱l li Dios. Relic chi ya̱l nak ma̱cꞌaꞌ ma̱usilal riqꞌuin.

Hebreos 2:12

Quixye chi joꞌcaꞌin: At inYucuaꞌ, tinchꞌolob a̱cuesilal chiruheb lin herma̱n. Saꞌ xya̱nkeb li chꞌutchꞌu̱queb tinbicha la̱ lokꞌal. (Sal. 22:22)

1 Timoteo 6:2

Moco xban ta nak rech aj pa̱baneleb lix patrón nak incꞌaꞌ teꞌxqꞌue saꞌ xnakꞌeb ru. Tento aj ban cuiꞌ nak teꞌxqꞌue xchꞌo̱l chi trabajic xban nak rech aj pa̱banelil li nequeꞌcꞌuluc re li cha̱bil cꞌanjel nequeꞌxba̱nu ut xban nak raro̱queb ajcuiꞌ xban li Dios. At Timoteo, aꞌan aꞌin li ta̱chꞌolob xya̱lal chiruheb laj pa̱banel.

Filipenses 1:7

Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.

Efesios 3:6

Li xya̱lal li naꞌleb li mukmu nak quicuan chak junxil, aꞌan aꞌin: nak la̱ex li ma̱cuaꞌex aj judío, textzꞌako̱nk li colba-ib li naxqꞌue li Dios kochben la̱o aj judío. La̱ex ralal xcꞌajolex ajcuiꞌ li Dios ut textzꞌako̱nk ajcuiꞌ riqꞌuin li yechiꞌinbil ke xban li Dios xban nak colbilex chic saꞌ xcꞌabaꞌ li Cristo.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

1 Corintios 15:1

Anakcuan ex inherma̱n, tinchꞌolob cuiꞌchic che̱ru li resil li colba-ib. Li resil aꞌan, aꞌan li ac xinye e̱re ut xecꞌu̱luban saꞌ e̱chꞌo̱l ut riqꞌuin aꞌan cau chic e̱chꞌo̱l saꞌ le̱ pa̱ba̱l.

Romanos 15:27

Qui-ala saꞌ xchꞌo̱leb xtenkꞌanquileb ut us ajcuiꞌ nak teꞌxba̱nu xban nak eb aꞌan ma̱cuaꞌeb aj judío ut saꞌ xcꞌabaꞌeb laj judío nak queꞌxcꞌul li colba-ib. Joꞌcan nak us nak teꞌxtenkꞌaheb laj pa̱banel aj judío riqꞌuin xqꞌuebal reheb li cꞌaꞌak re ru nacꞌanjelac chiruheb.

Hechos 13:41

Aꞌan aꞌin li queꞌxtzꞌi̱ba li profeta junxil: Cherabihak, la̱ex li nequextzꞌekta̱nan re li cua̱tin. Chisachk e̱naꞌleb ut chex-osokꞌ ta. La̱in yo̱quin chixba̱nunquil jun li sachba chꞌo̱lej saꞌ eb li cutan aꞌin. Li sachba chꞌo̱lej li yo̱quin chixba̱nunquil incꞌaꞌ raj te̱pa̱b cui yal ani ta junak ta̱serakꞌi̱nk e̱re.— (Hab. 1:5)

Hechos 13:32

Joꞌcan ajcuiꞌ la̱o yo̱co chixchꞌolobanquil che̱ru li cha̱bil esilal aꞌin: nak li Dios quixcuaclesi cuiꞌchic chi yoꞌyo li Jesucristo.

Hechos 2:42

Cauheb xchꞌo̱l chixpa̱banquil li tijleb li quichꞌoloba̱c chiruheb xbaneb li apóstol. Junaj xchꞌo̱leb nak cuanqueb ut saꞌ comonil queꞌtijoc ut queꞌcuaꞌac re xjulticanquil lix camic li Jesucristo.

San Juan 17:25

At inYucuaꞌ, la̱at ti̱c a̱chꞌo̱l. Eb li incꞌaꞌ nequeꞌpa̱ban incꞌaꞌ nequeꞌxnau a̱cuu. Abanan la̱in ninnau a̱cuu ut eb lin tzolom nequeꞌxnau chic nak la̱at xattaklan chak cue.

San Juan 17:11

Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

Salmos 22:22

Tinserakꞌi la̱ cuesilal yalak bar reheb chixjunileb li cuech tenamitil. Tinqꞌue a̱lokꞌal chiruheb li nequeꞌxchꞌutub ribeb cha̱lokꞌoninquil.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Salmos 2:7

Joꞌcaꞌin quixye li Rey li xakabanbil xban li Dios: —La̱in tinye resilal yalak bar li cꞌaꞌru quixye cue li Ka̱cuaꞌ nak quixye cue, “La̱at li tzꞌakal cualal. Anakcuan la̱in xatinqꞌue saꞌ a̱cuanquil.

San Juan 19:35

La̱in quin-iloc re chi tzꞌakal li cꞌaꞌru quicꞌulman ut li cꞌaꞌru yo̱quin xyebal e̱re tzꞌakal ya̱l. Yo̱quin chixyebal e̱re aꞌin re nak te̱pa̱b nak tzꞌakal ya̱l nak quicꞌulman chi joꞌcan.

2 Pedro 1:16

Li cꞌaꞌru yo̱quin chixyebal e̱re chirix lix cuanquilal li Jesucristo ut lix cꞌulunic, ma̱cuaꞌ yal yoꞌobanbil a̱tin. Chꞌolchꞌo nak xkil riqꞌuin xnakꞌ ku lix nimajcual cuanquilal.

Números 10:32

Cui la̱at tatxic chikix, la̱at tattzꞌako̱nk ajcuiꞌ riqꞌuin li usilal li tixba̱nu ke li Dios. La̱o takaba̱nu usilal a̱cue, chan.

Li xHu LAJ JOB 13:1

Chixjunil li cꞌaꞌru yo̱quex chixyebal ac ninnau. Cuilom riqꞌuin xnakꞌ cuu ut ac cuabiom.