1 Juan 1:1 - Li Santil hu

¹ Nintzꞌi̱bac e̱riqꞌuin chirix li Dios Cꞌajolbej li cuan chalen chak saꞌ xticlajic li ruchichꞌochꞌ. La̱o quikil riqꞌuin xnakꞌ ku ut coa̱tinac riqꞌuin. Quikil ru aꞌan chi tzꞌakal ut xkachꞌeꞌ riqꞌuin kukꞌ. Aꞌan aꞌin li A̱tin naqꞌuehoc yuꞌam.

Q'eqchi Bible

¹ Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

1 Juan 1:1 ပူးပေါင်းရင်းမြစ်များ

San Juan 20:27

Tojoꞌnak quixye re laj Tomás: —Il chi us li cuukꞌ. Chꞌic li ruꞌuj la̱ cuukꞌ arin saꞌ xnaꞌaj li claux. Ut chꞌic la̱ cuukꞌ saꞌ xcꞌatk lin saꞌ. Chatpa̱ba̱nk. ¿Cꞌaꞌut nak incꞌaꞌ xapa̱b nak xincuacli cuiꞌchic chi yoꞌyo?—

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

San Juan 5:26

Li Yucuaꞌbej cuan xcuanquil chi qꞌuehoc junelic yuꞌam ut aꞌan ajcuiꞌ quiqꞌuehoc cue la̱in li Cꞌajolbej lin cuanquil chi qꞌuehoc junelic yuꞌam.

San Lucas 24:39

La̱in li Jesús. Ilomak li cuok ut li cuukꞌ. Chꞌeꞌomakin re nak te̱qꞌue retal nak la̱in tzꞌakal. Junak musikꞌej, aꞌan ma̱cꞌaꞌ xbakel, chi moco cuan xtibel. Ilomak. La̱in cuan inbakel ut cuan intibel, chan reheb.

San Juan 8:58

Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

Apocalipsis 1:8

Quixye li Ka̱cuaꞌ Dios: —La̱in quinyoꞌobtesin re chixjunil ut la̱in tinsachok re chixjunil. La̱in li Alfa ut li Omega. Ut kꞌaxal nim incuanquil, chan li nimajcual Dios.

San Juan 19:35

La̱in quin-iloc re chi tzꞌakal li cꞌaꞌru quicꞌulman ut li cꞌaꞌru yo̱quin xyebal e̱re tzꞌakal ya̱l. Yo̱quin chixyebal e̱re aꞌin re nak te̱pa̱b nak tzꞌakal ya̱l nak quicꞌulman chi joꞌcan.

Hechos 1:3

Nak ac xrahobtesi̱c ut ac xcamsi̱c, quicuacli cuiꞌchic chi yoꞌyo ut quixcꞌutbesi cuiꞌchic rib chiruheb. Caꞌcꞌa̱l cutan quicuan saꞌ ruchichꞌochꞌ ut nabal sut quixcꞌutbesi rib chiruheb re nak teꞌxnau chi tzꞌakal nak quicuacli cuiꞌchic chi yoꞌyo. Quixchꞌolob xya̱lal chiruheb chanru nak ta̱cua̱nk xnimal xcuanquilal li Dios saꞌ xbe̱neb li tenamit.

Apocalipsis 19:13

Cuan quicꞌ chiru li rakꞌ ut lix cꞌabaꞌ aꞌan “Ra̱tin li Dios”.

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

San Lucas 1:2

Li queꞌcꞌutuc chak chiku, aꞌan eb li tzꞌakal queꞌiloc chak re riqꞌuin xnakꞌeb ru chanru quicꞌulman chalen nak quixtiquib chak lix cꞌanjel ut queꞌxchꞌolob lix ya̱lal.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

Isaías 41:4

¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

1 Juan 5:7

Saꞌ choxa cuanqueb li oxibeb li nequeꞌchꞌoloban lix ya̱lal. Aꞌaneb aꞌin: li Dios Acuabej, li Dios Cꞌajolbej ut li Dios Santil Musikꞌej. Li oxib aꞌin junajeb chi ribil.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.