1 Corintios 9:7 - Li Santil hu

⁷ Junak soldado, ¿ma incꞌaꞌ ta biꞌ tixcꞌul lix tojbal? Ut junak aj acuinel, ¿ma incꞌaꞌ ta biꞌ tixtzaca li ru li racui̱mk? Ut junak aj qꞌuiresinel cuacax, ¿ma incꞌaꞌ ta biꞌ ta̱rucꞌ re lix leche lix cuacax?

Q'eqchi Bible

⁷ Ani nawank chi soldaadil ut yal tixk'achi'i rib' xjunes? Ani na'awok jun siiraq chi uub' chi ink'a' ta tixyal xsahil ru li rawimq? Ani nab'eresink ketomq chi ink'a' ta tixyal xsahil li xketomq?

1 Corintios 9:7 ပူးပေါင်းရင်းမြစ်များ

Proverbios 27:18

Li ani naxchꞌolani lix to̱nal lix higo tixtzaca li ru. Ut li ani naril chi us li cꞌaꞌru re lix patrón, aꞌan ta̱qꞌuehekꞌ xlokꞌal.

Deuteronomio 20:6

¿Ma cuan junak saꞌ e̱ya̱nk xrau lix uvas ut toj ma̱jiꞌ naxyal xsahil? Cui cuan, li jun aꞌan ta̱sukꞌi̱k saꞌ rochoch re nak tixyal xsahil xban nak ma̱re ta̱camsi̱k saꞌ li ple̱t ut ma̱re jalan chic ta̱yalok xsahil.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Cantares 8:12

Us nak laj Salomón tixcꞌul li jun mil chi tumin plata. Ut us ajcuiꞌ chokꞌ reheb li nequeꞌiloc re li racui̱mk nak teꞌxcꞌul li cuib ciento chi tumin. Abanan la̱in cuan ajcuiꞌ li cuacui̱mk uvas. Ut aꞌan, la̱in nin-iloc re.

Proverbios 27:27

Ut eb la̱ chiba̱t nabal li leche teꞌxqꞌue re ta̱chꞌolani a̱cuib la̱at, joꞌ ajcuiꞌ la̱ cualal a̱cꞌajol, joꞌqueb ajcuiꞌ chixjunileb li nequeꞌtrabajic saꞌ la̱ cuochoch.

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

2 Timoteo 4:7

Xinyal inkꞌe chixba̱nunquil li cha̱bil cꞌanjel. Xinqꞌue inchꞌo̱l chixba̱nunquil chi tzꞌakal li tenebanbil saꞌ inbe̱n xba̱nunquil ut chi anchal inchꞌo̱l xinpa̱ban.

1 Timoteo 6:12

Yal a̱kꞌe chi qꞌui̱c saꞌ la̱ pa̱ba̱l ut qꞌue a̱chꞌo̱l chire̱chaninquil li junelic yuꞌam, li bokbilat cuiꞌ xban li Dios. La̱at xaye ut xacꞌutbesi chi tzꞌakal la̱ pa̱ba̱l chiruheb nabal.

Isaías 7:22

abanan tzꞌakalak ajcuiꞌ li leche li ta̱xocma̱nk re nak tixtzaca li mantequilla. Relic chi ya̱l nak li joꞌ qꞌuial chic li teꞌcolekꞌ teꞌxtzaca li mantequilla ut li xyaꞌal cab.

Deuteronomio 18:8

Juntakꞌe̱t xqꞌuial li cꞌaꞌru teꞌxcꞌul riqꞌuin li nequeꞌxcꞌul li jun chꞌol chic laj levita, usta cuan cꞌaꞌru xeꞌre̱chani riqꞌuin lix yucuaꞌeb.