1 Corintios 9:3 - Li Santil hu

³ Riqꞌuin li a̱tin aꞌin nequebinsume li nequeꞌyehoc re nak ma̱cuaꞌin apóstol.

Q'eqchi Bible

³ A'an a'in li xkolb'al wib' chiruheb' li neke'jitok we.

1 Corintios 9:3 ပူးပေါင်းရင်းမြစ်များ

2 Timoteo 4:16

Nak quinbokeꞌ xbe̱n cua riqꞌuin laj rakol a̱tin, ma̱ ani quia̱tinac chicuix. Quineꞌxcanab injunes chixjunileb. Miqꞌueheꞌ ta li ma̱c aꞌin saꞌ xbe̱neb.

Filipenses 1:17

Aban li jun chꞌol chic nequeꞌxye resil li Cristo yal xban nak cuan cꞌaꞌru nequeꞌxra ut moco chi anchal ta xchꞌo̱leb nequeꞌxba̱nu. Nequeꞌxba̱nu chi joꞌcan yal re xqꞌuebal xrahil inchꞌo̱l nak cuanquin chi pre̱xil.

Filipenses 1:7

Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.

2 Corintios 13:10

Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

2 Corintios 13:5

Qꞌuehomak retal le̱ yuꞌam. ¿Ma tzꞌakal re ru le̱ yuꞌam? ¿Ma chi anchal e̱chꞌo̱l nequexpa̱ban? ¿Ma incꞌaꞌ ta biꞌ nequenau chi tzꞌakal nak li Cristo cuan e̱riqꞌuin? ¿Malaj ut toj ma̱jiꞌ nequexpa̱ban?

2 Corintios 13:3

Riqꞌuin aꞌin te̱nau nak nina̱tinac riqꞌuin li cuanquil qꞌuebil cue xban li Cristo. Moco ma̱cꞌaꞌ ta xcuanquil li Cristo re e̱kꞌusbal. Kꞌaxal nim ban xcuanquil che̱kꞌusbal.

1 Corintios 14:37

Ma̱re cuan saꞌ e̱ya̱nk li naxcꞌoxla nak aꞌan profeta malaj naxcꞌoxla nak cuan jun chic xma̱tan qꞌuebil re xban li Santil Musikꞌej. Cui joꞌcan naxcꞌoxla, chixnauhak nak li yo̱quin chixtzꞌi̱banquil saꞌ li hu aꞌin, aꞌan ajcuiꞌ li chakꞌrab qꞌuebil cue xban li Dios.

Hechos 25:16

Abanan la̱in quinye reheb nak eb laj Roma moco cꞌaynakeb ta chixtenebanquil ca̱mc saꞌ xbe̱n junak cui̱nk yal chi joꞌcan. Tento nak cua̱nk chiruheb laj jitol re, re nak tixcol rib aꞌ yal cꞌaꞌru ta̱jitekꞌ cuiꞌ.

Hechos 22:1

—Ex cuas cui̱tzꞌin, ut la̱ex li nequexcꞌamoc be saꞌ xya̱nkeb laj judío. Abihomak li tinye e̱re anakcuan re xcolbal cuib, chan.

San Lucas 12:11

Nak texcꞌamekꞌ chiruheb li nequeꞌtaklan saꞌ li cab li nequeꞌxchꞌutub cuiꞌ ribeb laj judío, malaj ut chiruheb laj rakol a̱tin ut chiruheb li cuanqueb saꞌ xcuanquil, incꞌaꞌ yo̱kex chixcꞌoxlanquil li cꞌaꞌru texsume̱nk cuiꞌ malaj ut li cꞌaꞌru te̱ye,

1 Corintios 9:2

Ma̱re cuan li incꞌaꞌ nequeꞌqꞌuehoc incuanquil nak la̱in apóstol. Abanan relic chi ya̱l nak la̱in apóstol xban nak la̱in xinyehoc e̱re resil li colba-ib. Joꞌcan nak xepa̱b li Cristo.

1 Corintios 9:4

¿Ma incꞌaꞌ ta biꞌ raj tento ajcuiꞌ nak tine̱tenkꞌa la̱in riqꞌuin lin tzacae̱mk?