1 Corintios 9:23 - Li Santil hu

²³ Chixjunil aꞌin nalajinba̱nu re nak naru tinchꞌolob xya̱lal li colba-ib chiruheb li cuas cui̱tzꞌin ut re nak tintzꞌako̱nk ajcuiꞌ la̱in riqꞌuin li naxyechiꞌi li Dios.

Q'eqchi Bible

²³ Ut chixjunil a'in nalajinb'aanu sa' xk'ab'a' li Chaab'il Esilal, re naq toxintz'aqonq rik'in li xyeechi'om.

1 Corintios 9:23 ပူးပေါင်းရင်းမြစ်များ

2 Timoteo 2:10

Joꞌcan nak nincuy xnumsinquil chixjunil li raylal li nincꞌul saꞌ xcꞌabaꞌeb li sicꞌbileb ru xban li Dios re nak eb aꞌan naru teꞌxtau li lokꞌlaj colba-ib li naxqꞌue li Jesucristo ut teꞌxtau ajcuiꞌ lix lokꞌal chi junelic.

San Marcos 8:35

Li ani ta̱tzꞌekta̱na̱nk cue re xcolbal lix yuꞌam arin saꞌ ruchichꞌochꞌ, tixtzꞌek li junelic yuꞌam. Aꞌut li naxsach lix yuꞌam saꞌ incꞌabaꞌ la̱in malaj ut saꞌ xcꞌabaꞌ li evangelio, aꞌan ta̱re̱chani li junelic yuꞌam.

1 Juan 1:3

Nakachꞌolob xya̱lal che̱ru chirix li cꞌaꞌru quikil ut li cꞌaꞌru quikabi re nak tocua̱nk chi sum a̱tin chi kibil kib. Ut tocua̱nk ajcuiꞌ chi sum a̱tin riqꞌuin li Acuabej Dios ut riqꞌuin li Jesucristo, li Ralal.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Gálatas 2:5

Abanan la̱o ma̱ jokꞌe kaba̱nu li cꞌaꞌru queꞌxye ke xban nak la̱o incꞌaꞌ quikaj nak teꞌxpoꞌ ru li evangelio, li tzꞌakal ya̱l li ac xerabi.

Hebreos 3:1

Ex herma̱n, la̱ex sicꞌbil e̱ru xban li Dios chokꞌ ralal xcꞌajol. Cheqꞌuehak e̱chꞌo̱l chixcꞌoxlanquil li Jesucristo. Aꞌan li quitakla̱c chak xban li Dios chi cꞌanjelac joꞌ xyucuaꞌil aj tij saꞌ li kapa̱ba̱l.

2 Timoteo 2:6

Laj cꞌalom li nacꞌanjelac chi cau tento nak aꞌan li xbe̱n li ta̱tzꞌak ru li racui̱mk.

2 Corintios 2:4

Nak xintzꞌi̱bac e̱riqꞌuin xinyotꞌeꞌ ut xinya̱bac xban nak xrahoꞌ saꞌ inchꞌo̱l. Incꞌaꞌ xintzꞌi̱bac e̱riqꞌuin re xqꞌuebal xrahil e̱chꞌo̱l. Re ban nak te̱nau nak kꞌaxal raro̱quex inban.

1 Corintios 9:12

Cui la̱ex nequetenkꞌa li jun chꞌol chic li kech aj cꞌanjelil, ¿ma tojaꞌ ta chic la̱o incꞌaꞌ toe̱tenkꞌa? La̱o incꞌaꞌ xkatzꞌa̱ma e̱re nak toe̱tenkꞌa. Xkacuy ban xnumsinquileb li cutan yal chi joꞌcan xban nak la̱o incꞌaꞌ xkaj nak ta̱chꞌina̱nk e̱chꞌo̱l chirabinquil li resil li Cristo.

1 Pedro 5:1

Ut anakcuan tinye cuib oxibak li a̱tin reheb laj cꞌamol be saꞌ e̱ya̱nk la̱ex aj pa̱banel. La̱in ajcuiꞌ e̱rochben chi cꞌamoc be ut quicuil tzꞌakal nak li Cristo quixcꞌul raylal. La̱in tintzꞌako̱nk ajcuiꞌ joꞌ nak la̱ex textzꞌako̱nk saꞌ lix nimal xlokꞌal li ta̱cꞌutbesi̱k.

Romanos 11:17

Texinjuntakꞌe̱ta riqꞌuin li cheꞌ olivo. Eb laj judío chanchan li cha̱bil cheꞌ aubil ut chꞌolaninbil chi us. Aban cuan li rukꞌ qui-isi̱c ut aꞌan retalil eb laj judío li queꞌtzꞌekta̱nan re li Cristo. Ut la̱ex li ma̱cuaꞌex aj judío chanchanex li rukꞌ li cheꞌ li moco aubil ta. Yal xjunes quimok chak. Ut anakcuan yo̱quex chi tzꞌako̱nc riqꞌuin li usilal li quiyechiꞌi̱c re laj Abraham xban li Dios.

1 Corintios 9:22

Nak cuanquin saꞌ xya̱nkeb li toj kꞌuneb xchꞌo̱l saꞌ lix pa̱ba̱l, nincubsi cuib chiruheb re nak teꞌcacuu̱k xchꞌo̱l saꞌ xpa̱ba̱leb inban la̱in. Naraj naxye nak ninjuntakꞌe̱ta cuib riqꞌuin chixjunileb re nak naru tinchꞌolob xya̱lal chiruheb. Ninba̱nu chi joꞌcan re nak teꞌcolekꞌ.

1 Corintios 9:24

Nequexinjuntakꞌe̱ta riqꞌuineb li nequeꞌxyal xkꞌe chi a̱linac. ¿Ma incꞌaꞌ ta biꞌ nequenau nak eb li nequeꞌa̱linac chixjunileb nequeꞌxyal xkꞌe chi a̱linac? Abanan jun ajcuiꞌ naxcꞌul xma̱tan. Joꞌcan ut la̱ex cheqꞌuehak e̱chꞌo̱l chi pa̱ba̱nc re nak te̱cꞌul e̱ma̱tan riqꞌuin li Dios.