1 Corintios 9:20 - Li Santil hu

²⁰ Nak cuanquin saꞌ xya̱nkeb laj judío la̱in ninba̱nu joꞌ nequeꞌxba̱nu laj judío re nak teꞌxpa̱b li Cristo. Cuan li toj nequeꞌxqꞌue xcuanquil lix chakꞌrab laj Moisés. Nak cuanquin saꞌ xya̱nkeb aꞌan, ninba̱nu li naxye lix chakꞌrab laj Moisés re nak teꞌxpa̱b li Cristo inban la̱in.

Q'eqchi Bible

²⁰ Sa' xyanqeb' laj Judiiy xink'e wib' jo' aj judiiy re reechaninkileb' laj Judiiy. Sa' xyanqeb' li wankeb' rub'el xwankil li xChaq'rab' laj Moisés xinwank chanchan wi' wankin rub'el xwankil li Chaq'rab', us ta moko wankin ta rub'el xwankil li Chaq'rab', re reechaninkil li wankeb' rub'el xwankil li Chaq'rab'.

1 Corintios 9:20 ပူးပေါင်းရင်းမြစ်များ

Hechos 16:3

Laj Pablo quiraj xcꞌambal laj Timoteo chirix. Joꞌcan nak quixba̱nu li circuncisión re. Incꞌaꞌ quiraj nak teꞌchꞌina̱nk xchꞌo̱leb laj judío li cuanqueb saꞌ eb li naꞌajej aran xban nak chixjunileb queꞌxnau nak lix yucuaꞌ laj Timoteo ma̱cuaꞌ aj judío.

Gálatas 5:18

Ut cui la̱ex beresinbilex xban li Santil Musikꞌej, moco cuanquex ta chic rubel xcuanquil li najter chakꞌrab.

Gálatas 4:21

La̱ex li toj te̱raj cua̱nc rubel xcuanquil li najter chakꞌrab, ¿cꞌaꞌut nak incꞌaꞌ nequeqꞌue retal li cꞌaꞌru naxye?

Gálatas 4:5

Li Dios quixtakla li Ralal re nak aꞌan ta̱colok reheb li cuanqueb rubel xcuanquil li chakꞌrab. Quixba̱nu aꞌin re nak la̱o naru to-oc chokꞌ ralal xcꞌajol.

Romanos 11:14

Ma̱re chi joꞌcan teꞌyotꞌekꞌ xchꞌo̱leb laj judío li cuech tenamitil ut teꞌxpa̱b li Cristo joꞌ xeba̱nu la̱ex ut teꞌcolekꞌ.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Hechos 18:18

Aꞌut laj Pablo toj quicana aran nabal cutan. Tojoꞌnak quixchakꞌrabiheb laj pa̱banel ut qui-el. Co̱ chiru haꞌ toj Siria rochbeneb lix Priscila ut laj Aquila. Aran saꞌ li tenamit Cencrea quixbes li rismal. Aꞌan retalil nak quixba̱nu li cꞌaꞌru quixyechiꞌi re li Dios.

Gálatas 2:19

Chanchan nak li najter chakꞌrab xqꞌuehoc cue chi ca̱mc xban nak aꞌan xcꞌutuc re chicuu nak la̱in aj ma̱c. Anakcuan camenakin chic chiru lix cuanquil li chakꞌrab re nak yoꞌyo̱kin rubel xcuanquil li Dios.