1 Corintios 9:10 - Li Santil hu

¹⁰ ¿Ma ma̱cuaꞌ ta biꞌ chikix la̱o aj cꞌanjel chiru li Dios yo̱ chi a̱tinac? ¿Ma incꞌaꞌ ta biꞌ ta̱ru̱k takacꞌul katojbal la̱o aj cꞌanjel chiru li Dios? Li ani na-au naroybeni ru li racui̱mk ut joꞌcan ajcuiꞌ laj kꞌolonel naroybeni ajcuiꞌ nak ta̱tzꞌak ru li acui̱mk.

Q'eqchi Bible

¹⁰ Malaj ut tz'aqal chiqix laa'o yo chi aatinak? Relik chi yaal, cho'q qe laa'o naq tz'iib'anb'il chaq, xb'aan naq ani nab'ekok ch'och' re awk, tento twanq royb'enihom naq yo chi b'ekok; ut li yo chi risinkil rix li triiw, naroyb'eni naq taatz'aq b'ayaq.

1 Corintios 9:10 ပူးပေါင်းရင်းမြစ်များ

2 Timoteo 2:6

Laj cꞌalom li nacꞌanjelac chi cau tento nak aꞌan li xbe̱n li ta̱tzꞌak ru li racui̱mk.

Romanos 15:4

Chixjunil li cꞌaꞌak re ru quitzꞌi̱ba̱c chak najter saꞌ li Santil Hu, re katzolbal nak quitzꞌi̱ba̱c chak. Nocoxtenkꞌa re nak incꞌaꞌ ta̱chꞌina̱nk li kachꞌo̱l ut naxcꞌojob li kachꞌo̱l re nak takacuy roybeninquil nak ta̱tzꞌaklok ru li kacolbal.

2 Corintios 4:15

Chixjunil li raylal nakacꞌul, aꞌan re e̱ra̱bal la̱ex re nak te̱cꞌul li rusilal li Dios. Cui nabaleb teꞌcꞌuluk re li rusilal li Dios, nabaleb ajcuiꞌ teꞌbantioxi̱nk chiru li Dios ut teꞌxqꞌue xlokꞌal.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

San Mateo 24:22

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbal ruheb li cutan aꞌan, ma̱ ani raj ta̱cana̱k chi yoꞌyo saꞌ ruchichꞌochꞌ. Joꞌcan nak li Ka̱cuaꞌ tixse̱ba xrakbal ruheb li cutan aꞌan saꞌ xcꞌabaꞌeb li sicꞌbileb ru.

Números 18:31

La̱ex joꞌ eb ajcuiꞌ li cuanqueb saꞌ le̱ rochoch naru te̱tzaca yalak bar li na-elaꞌan xban nak aꞌan xtojbal li cꞌanjel li nequeba̱nu saꞌ li tabernáculo.