1 Corintios 9:1 - Li Santil hu

¹ ¿Ma incꞌaꞌ ta biꞌ naru tinba̱nu li cꞌaꞌru nacuaj la̱in? ¿Ma incꞌaꞌ ta biꞌ la̱in apóstol? La̱in quicuil ru li Ka̱cuaꞌ Jesucristo. Ut saꞌ incꞌabaꞌ la̱in nak xexpa̱ban xban nak la̱in xinyehoc e̱re resil li colba-ib.

Q'eqchi Bible

¹ Chek'am eere wik'in. Ma ink'a' tab'i' naru tinb'aanu li k'aru nawaj laa'in? Ma ink'a' tab'i' laa'in apóstol? Ma ink'a' tab'i' wilom ru li Jesus li Qaawa'? Ma ink'a' tab'i' laa'ex ru link'anjel sa' xk'ab'a' li Qaawa'?

1 Corintios 9:1 ပူးပေါင်းရင်းမြစ်များ

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

Hechos 23:11

Chiru li kꞌojyi̱n aꞌan li Ka̱cuaꞌ quixcꞌut rib chiru laj Pablo ut quixye re: —Cauhak a̱chꞌo̱l, at Pablo. Joꞌ nak xachꞌolob li ya̱l chicuix arin Jerusalén, joꞌcan ajcuiꞌ nak toxa̱chꞌolob li ya̱l chicuix aran Roma, chan.

Hechos 9:3

Yo̱ chi xic ut nak ac cuulac re saꞌ li tenamit Damasco, saꞌ junpa̱t quisuteꞌ xban jun chanchan xam quichal saꞌ choxa.

1 Corintios 9:19

La̱in moco taklanbilin ta xban cui̱nk, abanan ninqꞌue cuib chi cꞌanjelac chiruheb chixjunileb re nak teꞌxpa̱b li Cristo inban la̱in.

2 Timoteo 1:11

Li Dios quixakaban cue chi cꞌanjelac chokꞌ apóstol ut chokꞌ aj tzolol reheb li ma̱cuaꞌeb aj judío re nak tinye resil li colba-ib reheb.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Gálatas 1:1

La̱in laj Pablo. La̱in x-apóstol li Jesucristo. Moco taklanbilin ta xban cui̱nk, chi moco saꞌ xcꞌabaꞌ junak cui̱nk. Taklanbilin ban xban li Jesucristo ut xban li Acuabej Dios, li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak.

1 Ts 2:6

Chi moco xkasicꞌ ta kalokꞌal riqꞌuineb li cristian, chi moco e̱riqꞌuin chi moco riqꞌuineb jalan, usta xru raj xkaye e̱re nak te̱qꞌue kalokꞌal xban nak la̱o x-apóstol li Jesucristo.

2 Corintios 11:5

Eb aꞌan nequeꞌxye nak apostoleb ut nequeꞌxnimobresi rib ut nequeꞌxye nak kꞌaxal cha̱bileb. ¿Ma cubenak ta biꞌ incuanquil la̱in chiruheb aꞌan?

1 Corintios 1:1

La̱in laj Pablo. Sicꞌbil chak cuu xban li Dios re nak tincꞌanjelak chokꞌ x-apóstol li Jesucristo xban nak joꞌcan quiraj li Dios. Cuochben laj Sóstenes li cuech aj pa̱banelil.

Romanos 11:13

Anakcuan tina̱tinak e̱riqꞌuin la̱ex li ma̱cuaꞌex aj judío. La̱in taklanbilin xban li Dios chixyebal resil li colba-ib e̱re. Ut ninqꞌue xlokꞌal lin cꞌanjel.

Romanos 1:5

Saꞌ xcꞌabaꞌ li Ka̱cuaꞌ Jesucristo qꞌuebilin chokꞌ apóstol xban li Dios re xchꞌolobanquil xya̱lal chiruheb li tenamit yalak bar re nak teꞌxpa̱b li Jesucristo ut teꞌxba̱nu li cꞌaꞌru naraj.

Hechos 14:14

Nak queꞌxqꞌue retal li cꞌaꞌru yo̱queb li tenamit, laj Pablo ut laj Bernabé queꞌxpej li rakꞌeb retalil nak incꞌaꞌ quicuulac chiruheb li cꞌaꞌru yo̱queb chixba̱nunquil li tenamit. Ut queꞌco̱eb saꞌ a̱nil saꞌ xya̱nkeb li tenamit ut queꞌxye chi cau xya̱b xcuxeb:

Hechos 14:4

Queꞌxjach ribeb li tenamit. Cuanqueb li queꞌoquen chirixeb laj judío ut cuanqueb li queꞌoquen chirixeb li apóstol.

Hechos 13:2

Nak yo̱queb chi tijoc chiru li Dios ut chi ayunic, li Santil Musikꞌej quixye reheb: —Qꞌuehomakeb xjuneseb laj Saulo ut laj Bernabé re nak teꞌxba̱nu li cꞌanjel aꞌin li sicꞌbileb cuiꞌ ru inban, chan.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.

1 Corintios 10:29

Incꞌaꞌ yo̱quin chixyebal aꞌin chirix la̱ cꞌaꞌux la̱at. Yo̱quin chi a̱tinac re nak incꞌaꞌ ta̱chꞌina̱nk xchꞌo̱l li jun chic a̱ban la̱at. Ma̱re junak e̱re ta̱chakꞌok ut tixye cue, ¿cꞌaꞌut nak incꞌaꞌ tinba̱nu li naru tinba̱nu yal xban nak jalan chic naxye nak incꞌaꞌ us xba̱nunquil?

1 Corintios 10:30

Ut cui la̱in nintioxin chirix li cꞌaꞌru nintzaca, ¿cꞌaꞌut nak ta̱cuechꞌi̱k rix li cꞌaꞌru tintzaca? chaꞌak.

1 Corintios 11:16

Ut cui cuan junak e̱re naraj cuechꞌi̱nc chirix aꞌin, la̱in tinye re aꞌan nak la̱o li apóstol joꞌ ajcuiꞌ eb laj pa̱banel cꞌaynako chixba̱nunquil chi joꞌcan yalak bar.

2 Corintios 10:7

La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.