1 Corintios 8:9 - Li Santil hu

⁹ Naru te̱tzaca li mayejanbil tzacae̱mk. Abanan cheqꞌuehak retal nak incꞌaꞌ te̱luctasi xchꞌo̱l li toj kꞌuneb xchꞌo̱l saꞌ lix pa̱ba̱leb xban nak nequetzaca aꞌan. Cheqꞌuehak retal nak incꞌaꞌ ta̱oc cuiꞌchic chi ma̱cobc e̱ban la̱ex.

Q'eqchi Bible

⁹ Ab'anan chek'ehaq reetal: meeluktesi xch'ooleb' li toj q'uneb' sa' li paab'ank xb'aan naq neketzeka a'in.

1 Corintios 8:9 ပူးပေါင်းရင်းမြစ်များ

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

1 Pedro 2:16

Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

1 Corintios 10:24

Me̱sicꞌ li us caꞌaj cuiꞌ chokꞌ e̱re la̱ex. Chesicꞌ aj ban cuiꞌ li us chokꞌ reheb le̱ ras e̱ri̱tzꞌin.

1 Corintios 10:32

Me̱ba̱nu li cꞌaꞌak re ru napoꞌoc xchꞌo̱leb le̱ ras e̱ri̱tzꞌin usta aj judío, usta ma̱cuaꞌeb aj judío. Chi moco te̱ba̱nu li cꞌaꞌru ta̱poꞌok xchꞌo̱l le̱ rech aj pa̱banelil.

1 Corintios 9:22

Nak cuanquin saꞌ xya̱nkeb li toj kꞌuneb xchꞌo̱l saꞌ lix pa̱ba̱l, nincubsi cuib chiruheb re nak teꞌcacuu̱k xchꞌo̱l saꞌ xpa̱ba̱leb inban la̱in. Naraj naxye nak ninjuntakꞌe̱ta cuib riqꞌuin chixjunileb re nak naru tinchꞌolob xya̱lal chiruheb. Ninba̱nu chi joꞌcan re nak teꞌcolekꞌ.

1 Corintios 8:12

Cui e̱ban la̱ex nak yo̱queb chi lucta̱c xchꞌo̱leb le̱ rech aj pa̱banelil li toj kꞌuneb xchꞌo̱l saꞌ lix pa̱ba̱l, yo̱quex chi ma̱cobc chiruheb aꞌan. Ut yo̱quex ajcuiꞌ chi ma̱cobc chiru li Cristo.

1 Corintios 8:10

La̱ex nequenau lix ya̱lal aꞌin. Nequenau nak moco ma̱c ta xtzacanquil li tzacae̱mk mayejanbil. Abanan cui junak aj pa̱banel toj kꞌun xchꞌo̱l saꞌ xpa̱ba̱l ta̱ilok e̱re nak cꞌojcꞌo̱quex saꞌ me̱x chi cuaꞌac cuan cuiꞌ li yi̱banbil dios, ma̱re aꞌan tixtzaca li mayejanbil chiruheb li yi̱banbil dios ut tixcꞌoxla nak xmux ru lix pa̱ba̱l.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

2 Corintios 11:21

¿Ma xuta̱nal ta biꞌ chokꞌ cue nak incꞌaꞌ naru ninba̱nu e̱re joꞌ nequeꞌxba̱nu eb aꞌan? Anakcuan tina̱tinak e̱riqꞌuin joꞌ nequeꞌxba̱nu li ma̱cꞌaꞌeb xnaꞌleb ut tinye e̱re aꞌin: Cui cuan li nequeꞌxnimobresi rib riqꞌuin lix yehom xba̱nuhom, ta̱ru̱k raj ajcuiꞌ tinnimobresi cuib la̱in.

1 Corintios 10:29

Incꞌaꞌ yo̱quin chixyebal aꞌin chirix la̱ cꞌaꞌux la̱at. Yo̱quin chi a̱tinac re nak incꞌaꞌ ta̱chꞌina̱nk xchꞌo̱l li jun chic a̱ban la̱at. Ma̱re junak e̱re ta̱chakꞌok ut tixye cue, ¿cꞌaꞌut nak incꞌaꞌ tinba̱nu li naru tinba̱nu yal xban nak jalan chic naxye nak incꞌaꞌ us xba̱nunquil?

Romanos 15:1

La̱o, li ac cau kachꞌo̱l saꞌ li kapa̱ba̱l, chikacuyeb xma̱c li toj kꞌuneb xchꞌo̱l saꞌ xpa̱ba̱leb ut takatenkꞌaheb saꞌ li chꞌaꞌajquilal. Incꞌaꞌ chikasicꞌ li us caꞌaj cuiꞌ chokꞌ ke la̱o.

Ezequiel 14:3

—At ralal cui̱nk, eb li cui̱nk aꞌin nequeꞌxqꞌue xchꞌo̱l chixlokꞌoninquil li yi̱banbil dios li naqꞌuehoc reheb chi ma̱cobc. ¿Ma ta̱ru̱k ta biꞌ teꞌcha̱lk chixpatzꞌbal cue cꞌaꞌru teꞌxba̱nu?

Isaías 57:14

Ut ta̱abima̱nk nak li Ka̱cuaꞌ tixye: —Chisukꞌi̱k cuiqꞌuin lin tenamit. Yi̱bomak li be ut ti̱cobresihomak ru. Ut isihomak chixjunil li cꞌaꞌru naramoc re lix beheb lin tenamit.—

Isaías 35:3

Cacuubresihomak li rukꞌ li ma̱cꞌaꞌeb xmetzꞌe̱u. Joꞌ ajcuiꞌ li rok li nequeꞌsicsot xban xlubic. Qꞌuehomak xcacuilal xchꞌo̱leb li kꞌuneb xchꞌo̱l. Ut qꞌuehomak xcacuil xchꞌo̱l li nequeꞌchꞌinan xchꞌo̱l.

Levítico 19:14

Me̱hob li tzꞌaptzꞌo̱queb xic, chi moco te̱qꞌue chixtichbaleb li rok li mutzꞌeb ru. Te̱xucua cuu xban nak la̱in li Ka̱cuaꞌ le̱ Dios.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

Ezequiel 44:12

Xban nak queꞌcꞌanjelac chiruheb li jalanil dios ut queꞌcꞌamoc be chiruheb laj Israel chixba̱nunquil li ma̱usilal, joꞌcan nak la̱in li nimajcual Dios ninye riqꞌuin juramento nak relic chi ya̱l nak teꞌxtoj rix lix ma̱queb.

1 Corintios 10:28

Aꞌut cui junak naxye a̱cue nak li tzacae̱mk aꞌan mayejanbil chiru li yi̱banbil dios, incꞌaꞌ ta̱tzaca aꞌan re nak incꞌaꞌ ta̱chꞌina̱k xchꞌo̱l li xyehoc a̱cue nak mayejanbil tzacae̱mk ut re ajcuiꞌ nak incꞌaꞌ ta̱oc xcꞌaꞌux.

2 Corintios 6:3

La̱o incꞌaꞌ nakaj xba̱nunquil li cꞌaꞌak re ru li ta̱ramok re chiruheb li ani teꞌraj pa̱ba̱nc re nak ma̱ ani ta̱cuechꞌok rix li cꞌanjel li yo̱co chixba̱nunquil.

2 Corintios 11:29

Cui cuan li kꞌun xchꞌo̱l li ma̱cꞌaꞌ xmetzꞌe̱u, kꞌaxal nintokꞌoba ruheb. Cui cuan li nequeꞌchꞌinan xchꞌo̱leb saꞌ lix pa̱ba̱leb, cꞌajoꞌ nak narahoꞌ inchꞌo̱l ut nincꞌoxlac chirixeb.

Colosenses 2:8

Me̱qꞌue e̱rib chi balakꞌi̱c xbaneb li nequeꞌxye nak cuan xnaꞌlebeb. Ma̱cꞌaꞌ na-oc cuiꞌ li cꞌaꞌru nequeꞌxye xban nak lix naꞌlebeb moco riqꞌuin li Cristo ta nachal. Aꞌan yal xnaꞌleb li ruchichꞌochꞌ ut yal xnaꞌlebeb li kaxeꞌ kato̱n.