1 Corintios 8:13 - Li Santil hu

¹³ Joꞌcan nak cui li nintzaca naxqꞌue chi ma̱cobc li cuech aj pa̱banelil, ma̱ jokꞌe chic tintiu li mayejanbil tib xban nak incꞌaꞌ nacuaj nak teꞌma̱cobk inban la̱in.

Q'eqchi Bible

¹³ Jo'kan utan, wi li tzekemq taaluktesinq xch'ool li was wiitz'in, maajoq'e tintzekanq tib' chiruheb', re naq ink'a' tinluktesi xch'ool li was wiitz'in.

1 Corintios 8:13 ပူးပေါင်းရင်းမြစ်များ

Romanos 14:21

Li us xba̱nunquil, aꞌan aꞌin: cui nachꞌinan xchꞌo̱l la̱ herma̱n xban nak nacattiꞌoc tib ut nacat-ucꞌac vino, mattiꞌoc tib ut mat-ucꞌac vino. Incꞌaꞌ ta̱ba̱nu li cꞌaꞌak re ru ta̱chꞌina̱nk cuiꞌ xchꞌo̱l la̱ herma̱n re nak incꞌaꞌ ta̱ma̱cobk a̱ban.

2 Corintios 11:29

Cui cuan li kꞌun xchꞌo̱l li ma̱cꞌaꞌ xmetzꞌe̱u, kꞌaxal nintokꞌoba ruheb. Cui cuan li nequeꞌchꞌinan xchꞌo̱leb saꞌ lix pa̱ba̱leb, cꞌajoꞌ nak narahoꞌ inchꞌo̱l ut nincꞌoxlac chirixeb.

2 Corintios 6:3

La̱o incꞌaꞌ nakaj xba̱nunquil li cꞌaꞌak re ru li ta̱ramok re chiruheb li ani teꞌraj pa̱ba̱nc re nak ma̱ ani ta̱cuechꞌok rix li cꞌanjel li yo̱co chixba̱nunquil.

1 Corintios 13:5

Li ani narahoc incꞌaꞌ nahoboc. Incꞌaꞌ naxsicꞌ xcha̱bilal xjunes rib. Li ani narahoc incꞌaꞌ najoskꞌoꞌ ut incꞌaꞌ naxqꞌue saꞌ xchꞌo̱l li cꞌaꞌru naxcꞌul.

1 Corintios 6:12

Cuan li nequeꞌyehoc: La̱in naru tinba̱nu chixjunil li cꞌaꞌru tincuaj xba̱nunquil. Ya̱l nak naru xba̱nunquil chixjunil abanan moco chixjunil ta us xba̱nunquil. La̱in naru ninba̱nu chixjunil li nacuaj, abanan incꞌaꞌ tinba̱nu cui nacuecꞌa nak junes aꞌan ta̱xic inchꞌo̱l chirix.

1 Corintios 10:33

Joꞌcan nak la̱in ninyal inkꞌe chixba̱nunquil li us re xtenkꞌanquil chixjunileb. La̱in incꞌaꞌ yo̱quin chixsicꞌbal li us chokꞌ cue la̱in injunes. Yo̱quin ban chixsicꞌbal li us chokꞌ reheb chixjunileb re nak ta̱ru̱k teꞌcolekꞌ.

1 Corintios 9:12

Cui la̱ex nequetenkꞌa li jun chꞌol chic li kech aj cꞌanjelil, ¿ma tojaꞌ ta chic la̱o incꞌaꞌ toe̱tenkꞌa? La̱o incꞌaꞌ xkatzꞌa̱ma e̱re nak toe̱tenkꞌa. Xkacuy ban xnumsinquileb li cutan yal chi joꞌcan xban nak la̱o incꞌaꞌ xkaj nak ta̱chꞌina̱nk e̱chꞌo̱l chirabinquil li resil li Cristo.

San Mateo 17:27

Usta incꞌaꞌ raj tento tintoj la̱in, abanan re nak meꞌxpoꞌ xchꞌo̱leb kaban, la̱in tintoj. Ayu saꞌ a̱nil ut cut la̱ chapleb car saꞌ li palau. Ut li xbe̱n li car li ta̱chap chak, ta̱te lix tzꞌu̱mal re. Aran ta̱tau jun li tumin. Ta̱cꞌam ut riqꞌuin aꞌan ta̱toj li cue ut ta̱toj ajcuiꞌ la̱ cue, chan.

Hechos 15:20

Li tento takaba̱nu, aꞌan tzꞌi̱bac riqꞌuineb ut xyebal reheb nak incꞌaꞌ teꞌxmux rib riqꞌuin xtzacanquil li tzacae̱mk mayejanbil chiruheb li yi̱banbil dios. Incꞌaꞌ teꞌcoꞌbe̱tak teꞌyumbe̱tak. Ut incꞌaꞌ teꞌxtiu xtibel li yatzꞌbil xul chi moco teꞌxtzaca li quicꞌ.

Romanos 14:13

Chikacanabak xcuechꞌinquil kib chi kibil kib ut chikaba̱nu li us re nak li kech aj pa̱banelil incꞌaꞌ teꞌchꞌina̱nk xchꞌo̱leb saꞌ lix pa̱ba̱leb chi moco teꞌoc cuiꞌchic chi ma̱cobc kaban.

1 Corintios 10:32

Me̱ba̱nu li cꞌaꞌak re ru napoꞌoc xchꞌo̱leb le̱ ras e̱ri̱tzꞌin usta aj judío, usta ma̱cuaꞌeb aj judío. Chi moco te̱ba̱nu li cꞌaꞌru ta̱poꞌok xchꞌo̱l le̱ rech aj pa̱banelil.