1 Corintios 8:12 - Li Santil hu

¹² Cui e̱ban la̱ex nak yo̱queb chi lucta̱c xchꞌo̱leb le̱ rech aj pa̱banelil li toj kꞌuneb xchꞌo̱l saꞌ lix pa̱ba̱l, yo̱quex chi ma̱cobc chiruheb aꞌan. Ut yo̱quex ajcuiꞌ chi ma̱cobc chiru li Cristo.

Q'eqchi Bible

¹² Nekexmaakob'k chiruheb' leeras eeriitz'in li ink'a' kaweb' sa' li paab'ank, nekeluktesi xch'ooleb' ut chi jo'kan yookex chi maakob'k chiru li Kriist.

1 Corintios 8:12 ပူးပေါင်းရင်းမြစ်များ

San Mateo 18:6

Ut li ani ta̱poꞌok xchꞌo̱leb li toj kꞌuneb xchꞌo̱l li nequeꞌpa̱ban cue, kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chixcux.

San Mateo 25:45

Ut la̱in li Rey tinchakꞌok ut tinye reheb: “Relic chi ya̱l tinye e̱re, xban nak incꞌaꞌ quetenkꞌaheb li nequeꞌpa̱ban cue li ma̱cꞌaꞌeb xcuanquil, incꞌaꞌ ajcuiꞌ quine̱tenkꞌa la̱in,” chaꞌkin reheb.

1 Corintios 12:12

Li jun chi tzꞌejcualej tzꞌakal re ru. Cuan rok rukꞌ. Cuan chixjunil. Usta jalan jala̱nk lix chaꞌal cuan, abanan jun ajcuiꞌ chi tzꞌejcualej nak cuan. Joꞌcan ajcuiꞌ la̱o aj pa̱banel. Nabalo, abanan junajo chi tzꞌejcualej riqꞌuin li Cristo.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

San Mateo 18:21

Ut laj Pedro quia̱tinac ut quixye re li Jesús: —Ka̱cuaꞌ, ¿jarub sut ta̱ru̱k tincuy xma̱c li ta̱ma̱cobk chicuu? ¿Ma tento nak cuukub sut tincuy xma̱c?—

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

1 Samuel 24:11

At inrey, il li tꞌicr li cuan saꞌ cuukꞌ. Aꞌan jun peda̱s la̱ cuakꞌ li xinset nak cuancat saꞌ li ochoch pec re xcꞌutbal cha̱cuu nak xru raj xatincamsi. Joꞌcan nak ta̱qꞌue retal nak la̱in incꞌaꞌ tinba̱nu raylal a̱cue. Chi moco tatintzꞌekta̱na. La̱at ban ta̱cuaj incamsinquil.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

Génesis 42:22

Ut laj Rubén quixye reheb: —¿Ma incꞌaꞌ ta biꞌ quinye e̱re nak incꞌaꞌ te̱ba̱nu raylal re laj José li ki̱tzꞌin? Ut la̱ex incꞌaꞌ xex-abin chicuu. Ut anakcuan tento nak ta̱cua̱nk re̱kaj lix camic. Aꞌan na li cꞌaꞌru yo̱co chixtojbal anakcuan riqꞌuin li xkaba̱nu chak junxil, chan laj Rubén.

Génesis 20:9

Ut laj Abimelec quixbok laj Abraham ut quixye re: —Cꞌoxla cꞌaꞌru xaba̱nu cue. ¿Cꞌaꞌru inma̱c cha̱cuu nak xaqꞌue li raylal aꞌin saꞌ inbe̱n joꞌ ajcuiꞌ saꞌ xbe̱neb lin tenamit? Incꞌaꞌ us xaba̱nu cue.

San Marcos 9:42

—Li ani ta̱poꞌok xchꞌo̱leb li toj kꞌuneb xchꞌo̱l, us raj xcutbal saꞌ li palau chi bacꞌbo junak nimla pec chi xcux.

San Lucas 17:2

Kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chi xcux chiru nak tixpoꞌ xchꞌo̱l junak li toj kꞌun xchꞌo̱l saꞌ lix pa̱ba̱l.

Romanos 14:20

Ma̱poꞌ xcꞌanjel li Dios riqꞌuin li cꞌaꞌak re ru nacatzaca. Ya̱l nak chixjunil naru xtzacanquil. Abanan cui la̱ herma̱n nachꞌinan xchꞌo̱l riqꞌuin li nacatzaca, incꞌaꞌ us li yo̱cat chixba̱nunquil.