1 Corintios 7:9 - Li Santil hu

⁹ Ut cui incꞌaꞌ naru nequeꞌxcuy rib, sumla̱keb. Kꞌaxal us nak ta̱sumla̱k junak chiru nak yo̱k chixra̱bal ru junak re nak ta̱cua̱nk riqꞌuin chi incꞌaꞌ sumsu̱queb.

Q'eqchi Bible

⁹ Ab'an wi ink'a' neke'xkuy rib', sumlaaqeb'. Jwal us naq te'sumlaaq chiru naq te'atawanq.

1 Corintios 7:9 ပူးပေါင်းရင်းမြစ်များ

1 Timoteo 5:14

Joꞌcan nak nacuaj nak li xma̱lcaꞌan li toj sa̱jeb teꞌsumla̱k cuiꞌchic. Cheꞌcua̱nk ralal xcꞌajol ut cheꞌxjolomi lix jun cablal re nak incꞌaꞌ tohobekꞌ la̱o aj pa̱banel xbaneb li xicꞌ nequeꞌiloc ke.

1 Corintios 7:2

Abanan us cui ta̱sumla̱k re nak incꞌaꞌ ta̱ma̱cobk. Teꞌsumla̱k re nak li cui̱nk teꞌcua̱nk rixakil chi xju̱nkaleb ut li ixk teꞌcua̱nk xbe̱lom chi xju̱nkaleb.

1 Timoteo 5:11

Abanan, li xma̱lcaꞌan li toj sa̱jeb incꞌaꞌ ta̱tzꞌi̱ba̱k xcꞌabaꞌeb saꞌ xya̱nkeb li nequeꞌxcꞌul xtenkꞌanquil xban nak ma̱re teꞌxra cuiꞌchic ru li sumla̱c ut ma̱re anchal incꞌaꞌ chic teꞌxqꞌue xchꞌo̱l chi cꞌanjelac chiru li Cristo.

1 Corintios 7:28

Abanan cui texsumla̱k moco ma̱c ta aꞌan. Ut joꞌcaneb ajcuiꞌ li sa̱j ixk. Moco ma̱c ta cui teꞌsumla̱k. Abanan kꞌaxal cuiꞌchic nabal li raylal saꞌ xbe̱neb li sumsu̱queb. La̱in incꞌaꞌ raj nacuaj nak te̱cꞌul li raylal.

1 Corintios 7:39

Li ixk li sumsu tento nak ta̱cua̱nk riqꞌuin lix be̱lom aꞌ yal joꞌ najtil yoꞌyo̱k lix be̱lom. Ut cui nacam lix be̱lom aꞌan chic yal re ani aj iqꞌuin ta̱sumla̱k. Abanan cui naraj sumla̱c, tento nak riqꞌuin junak aj pa̱banel ta̱sumla̱k.

1 Corintios 7:36

Cui junak yucuaꞌbej naxcꞌoxla nak us ta̱sumla̱k lix rabin xban nak ac cuan xchihab, us nak tixba̱nu li naxcꞌoxla xba̱nunquil. Tixsumub lix rabin. Moco ma̱c ta cui ta̱sumla̱k.

Hechos 19:36

Li kadios incꞌaꞌ ta̱ru̱k xsachbal ru. Joꞌcan nak me̱qꞌue e̱joskꞌil. Cꞌoxlahomak rix chi us li cꞌaꞌru te̱ba̱nu.

1 Ts 4:4

Eb laj pa̱banel tento nak teꞌsumla̱k saꞌ xya̱lal ut cheꞌxnauhak cua̱nc saꞌ ti̱quilal chi ribileb rib ut teꞌxqꞌue xlokꞌal chi ribileb rib.