1 Corintios 7:5 - Li Santil hu

⁵ Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Q'eqchi Bible

⁵ Meeram li wank cherib'il eerib'; naru teekuy eerib' wi xek'uub' a'an sa' wiib'al, yal chiru jarub'aq kutan, re naq teek'e eech'ool chi tijok. Ab'anan moqon teelaq'ab' wi' chik eerib' re naq mexraale laj tza sa' xk'ab'a' naq ch'a'aj xkuyb'al eerib'.

1 Corintios 7:5 ပူးပေါင်းရင်းမြစ်များ

Éxodo 19:15

Laj Moisés quixye reheb: —Checauresi e̱rib re li rox cutan. Eb li cui̱nk incꞌaꞌ teꞌcua̱nk riqꞌuin rixakileb, chan.

Joel 2:16

Chꞌutubomak lix tenamit li Dios re nak teꞌxxo̱to xma̱queb ut teꞌsantobresi̱k. Cheꞌxchꞌutub ribeb li che̱quel cristian ut eb li toj sa̱jeb joꞌqueb ajcuiꞌ li toj nequeꞌtuꞌuc. Ut teꞌe̱lk ajcuiꞌ saꞌ li rochocheb li toj xeꞌsumla re nak teꞌxchꞌutub rib chixjunileb.

San Mateo 19:11

Ut li Jesús quixye reheb: —Moco chixjunileb ta nequeꞌxcꞌul xchꞌo̱l li a̱tin aꞌin, caꞌaj cuiꞌ li ani qꞌuebil re xban li Dios re xtaubal ru lix ya̱lal aꞌin.

1 Ts 3:5

Joꞌcan nak xintakla laj Timoteo e̱riqꞌuin xban nak incꞌaꞌ chic xincuy roybeninquil resil chanru cuanquex saꞌ le̱ pa̱ba̱l. Ma̱re anchal xex-a̱le̱c xban laj tza ut li kacꞌanjel ma̱re chicana̱k chi ma̱cꞌaꞌ rajbal.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Zacarías 7:3

Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.

Éxodo 21:10

Ut cui li cui̱nk aꞌan tixcꞌam jalan chic ixk chokꞌ rixakil, tento nak tixqꞌue rakꞌ ut tixqꞌue xcua li rixakil li quixcꞌam xbe̱n cua, ut tento ajcuiꞌ nak ta̱cua̱nk riqꞌuin.

1 Corintios 7:4

Li ixakilbej moco aꞌan ta yal re saꞌ xbe̱n xjunes rib; aban chic lix be̱lom yal re saꞌ xbe̱n. Joꞌcan ajcuiꞌ li be̱lomej. Moco aꞌan ta yal re saꞌ xbe̱n xjunes rib; aꞌ ban chic li rixakil yal re saꞌ xbe̱n.

San Mateo 17:21

Caꞌaj cuiꞌ riqꞌuin ayu̱n ut riqꞌuin tijoc naru risinquil li ma̱us aj musikꞌej xcomoneb aꞌan, chan.