1 Corintios 7:39 - Li Santil hu

³⁹ Li ixk li sumsu tento nak ta̱cua̱nk riqꞌuin lix be̱lom aꞌ yal joꞌ najtil yoꞌyo̱k lix be̱lom. Ut cui nacam lix be̱lom aꞌan chic yal re ani aj iqꞌuin ta̱sumla̱k. Abanan cui naraj sumla̱c, tento nak riqꞌuin junak aj pa̱banel ta̱sumla̱k.

Q'eqchi Bible

³⁹ Li ixq, b'ak'b'o rik'in li xb'eelom a' yaal jo' najtil tyo'yooq li winq; ut wi taakamq li winq, ach'ab'anb'il chik li ixq chi sumlaak rik'in jalan chik li tixk'ul wi' xch'ool, ab'an ka'ajwi' jo' naraj li Qaawa'.

1 Corintios 7:39 ပူးပေါင်းရင်းမြစ်များ

1 Corintios 7:10

Anakcuan tinye reheb li ac sumsu̱queb nak li ixakilbej incꞌaꞌ naru tixjach rib riqꞌuin lix be̱lom. Li chakꞌrab aꞌin ma̱cuaꞌ la̱in xinyehoc re injunes. Qꞌuebil ban xban li Ka̱cuaꞌ.

1 Corintios 7:15

Cui li be̱lomej ma̱cuaꞌ aj pa̱banel ut incꞌaꞌ chic naraj cua̱nc riqꞌuin li rixakil xban nak aj pa̱banel chic li ixk, naru teꞌxjach rib. Ut cui li ixakilbej ma̱cuaꞌ aj pa̱banel ut incꞌaꞌ chic naraj cua̱nc riqꞌuin lix be̱lom xban nak li cui̱nk aj pa̱banel chic, naru ajcuiꞌ teꞌxjach rib. Chi joꞌcan ta̱cana̱k laj pa̱banel chi ma̱cꞌaꞌ chic ta̱chꞌiꞌchꞌiꞌi̱nk re xban nak li Dios naraj nak tocua̱nk saꞌ xya̱lal.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

1 Corintios 7:38

Joꞌcan nak li ani naxsumub lix rabin, cha̱bil naxba̱nu. Ut li incꞌaꞌ naxsumub lix rabin, kꞌaxal cuiꞌchic us naxba̱nu.