1 Corintios 7:32 - Li Santil hu

³² Nacuaj raj nak ma̱cꞌaꞌ cꞌaꞌru ta̱xic cuiꞌ e̱chꞌo̱l. Li cui̱nk li ma̱cꞌaꞌ rixakil naxqꞌue xchꞌo̱l chi cꞌanjelac chiru li Ka̱cuaꞌ Dios ut chixba̱nunquil li bar cuan naraj li Ka̱cuaꞌ Dios.

Q'eqchi Bible

³² Nawaj raj naq maak'a' taaxik wi' eech'ool. Li ink'a' sumsu naxik xch'ool chirix li k'a' re ru re li Qaawa', jo' chanru taawulaq chiru li Qaawa'.

1 Corintios 7:32 ပူးပေါင်းရင်းမြစ်များ

1 Timoteo 5:5

Li xma̱lcaꞌan li jun a̱tal, caꞌaj chic riqꞌuin li Dios nayoꞌonin. Naxnumsi li cutan ut li kꞌojyi̱n chi tijoc ut naxtzꞌa̱ma chiru li Dios nak ta̱tenkꞌa̱k.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Salmos 55:22

Chacanabak saꞌ rukꞌ li Dios chixjunil li raylal nacacꞌul ut aꞌan ta̱tenkꞌa̱nk a̱cue. Li Dios incꞌaꞌ naxcanab li ti̱c xchꞌo̱l xjunes saꞌ li raylal.

San Mateo 13:22

Ut li iyaj li quinak saꞌ xya̱nk li qꞌuix, aꞌaneb li nequeꞌabin re li ra̱tin li Dios. Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios chiruheb.

San Marcos 4:19

Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios reheb.

San Juan 10:13

Li tojbil mo̱s nae̱lelic xban nak yal mo̱s. Aꞌan incꞌaꞌ naxqꞌue xchꞌo̱l chixcolbaleb li carner.

1 Corintios 7:33

Ut li cui̱nk cuan rixakil tento nak tixqꞌue xchꞌo̱l chi cꞌanjelac re nak ta̱cua̱nk cꞌaꞌru reheb ut tixqꞌue xchꞌo̱l chixba̱nunquil li naraj li rixakil re nak sahak saꞌ xchꞌo̱l. Joꞌcan nak cuib ru lix cꞌaꞌux xban nak naxcꞌoxla li Ka̱cuaꞌ Dios ut naxcꞌoxla li rixakil.