1 Corintios 7:31 - Li Santil hu

³¹ Me̱qꞌue e̱chꞌo̱l chirix li cꞌaꞌru cuan e̱re saꞌ li ruchichꞌochꞌ aꞌin, xban nak chixjunil li cꞌaꞌru cuan saꞌ ruchichꞌochꞌ ta̱osokꞌ.

Q'eqchi Bible

³¹ Eb' li neke'xyal xsahil li ruuchich'och' a'in, jo'kaqeb' li ink'a' neke'xyal xsahil. Xb'aan naq li rilob'aal li ruuchich'och' a'in yal taanume'q.

1 Corintios 7:31 ပူးပေါင်းရင်းမြစ်များ

1 Juan 2:17

Li ruchichꞌochꞌ ta̱osokꞌ joꞌ ajcuiꞌ li ma̱usilal. Abanan li ani naba̱nun re li naraj li Dios, aꞌan cua̱nk chi junelic.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

Santiago 4:14

Aban la̱ex incꞌaꞌ nequenau cꞌaꞌru te̱cꞌul cuulaj caꞌbej xban nak li kayuꞌam chanchan li chok. Junpa̱t ajcuiꞌ nacuan ut junpa̱t chic ac ma̱cꞌaꞌ chic.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

1 Pedro 1:24

Saꞌ li Santil Hu tzꞌi̱banbil retalil chi joꞌcaꞌin: Lix yuꞌam li cristian saꞌ ruchichꞌochꞌ, aꞌan chanchan li pim. Nachakic ut na-osoꞌ. Ut lix lokꞌal chanchan ratzꞌum li pim. Nachakic natꞌaneꞌ ut na-osoꞌ.

1 Corintios 9:18

¿Cꞌaꞌru inkꞌajca̱munquil yo̱quin chixcꞌulbal? Caꞌaj cuiꞌ li sahil chꞌo̱lejil naxqꞌue cue li Dios xban nak ninjultica resil li colba-ib chi ma̱cꞌaꞌ intojbal. La̱in ta̱ru̱k raj tincꞌul intojbal e̱riqꞌuin abanan incꞌaꞌ nacuaj.

Eclesiastés 11:2

Ta̱jecꞌ li cꞌaꞌru cuan a̱cue reheb li ma̱cꞌaꞌ cuan reheb, xban nak incꞌaꞌ nacanau jokꞌe ta̱cha̱lk raylal saꞌ a̱be̱n la̱at nak cuancat saꞌ ruchichꞌochꞌ.

Eclesiastés 1:4

Cuan li toj yo̱queb chi yoꞌla̱c ut cuan yo̱queb chi ca̱mc. Abanan li ruchichꞌochꞌ incꞌaꞌ najala.

Salmos 73:20

Chanchan jun li matcꞌ li nanumeꞌ saꞌ junpa̱t nak tatrakok a̱tin la̱at saꞌ xbe̱neb ut ta̱qꞌueheb chi osocꞌ.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

1 Corintios 7:29

Ex inherma̱n, li bar cuan nacuaj xyebal, aꞌan aꞌin: Yo̱queb chi numecꞌ li cutan saꞌ junpa̱t. Joꞌcan nak la̱ex li cuan e̱rixakil ma̱cuaꞌ caꞌaj cuiꞌ le̱ rixakil te̱cꞌoxla. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ.

1 Corintios 7:30

Usta sa saꞌ kachꞌo̱l, usta ra saꞌ kachꞌo̱l, usta cuan kabiomal usta ma̱cꞌaꞌ, chikaqꞌuehak ban kachꞌo̱l chi cꞌanjelac chiru li Ka̱cuaꞌ Dios.

Hebreos 12:27

Nak naxye “jun sut chic” naraj naxye nak tixsach li ruchichꞌochꞌ, li choxa, ut chixjunil li cꞌaꞌak re ru yi̱banbil. Aꞌut li incꞌaꞌ yi̱banbil, joꞌ li musikꞌanbil xban li Dios, aꞌan ta̱cana̱k chi junelic.