1 Corintios 7:25 - Li Santil hu

²⁵ La̱in tinye e̱re li nincꞌoxla chirixeb li sa̱j ixk ut li sa̱j cui̱nk. Usta ma̱cuaꞌ ra̱tin li Ka̱cuaꞌ, us cui tex-abi̱nk chicuu xban nak riqꞌuin xnimal ruxta̱n li Ka̱cuaꞌ naxqꞌue innaꞌleb chixyebal e̱re lix ya̱lal.

Q'eqchi Bible

²⁵ Chirixeb' li ink'a' sumsuukeb' maak'a' inchaq'rab'inkil xb'aan li Qaawa', ab'anan ninye li nink'oxla jo' winq aj paab'ajel sa' xk'ab'a' xnimal ruxtaan li Qaawa'.

1 Corintios 7:25 ပူးပေါင်းရင်းမြစ်များ

1 Corintios 7:6

La̱in yal e̱naꞌleb yo̱quin chixqꞌuebal. Moco yo̱quin ta chixyebal e̱re nak tento te̱ba̱nu. La̱ex yal e̱re chanru te̱raj te̱ba̱nu.

1 Corintios 4:2

Li ani sicꞌbil ru chixchꞌolobanquil lix ya̱lal tento nak ti̱cak xchꞌo̱l.

1 Corintios 7:40

Abanan nincꞌoxla la̱in nak kꞌaxal us raj nak li xma̱lcaꞌan ta̱cana̱k xjunes ut incꞌaꞌ chic ta̱sumla̱k. Li naꞌleb aꞌin li xinye e̱re, aꞌan qꞌuebil cue xban li Santil Musikꞌej.

1 Corintios 7:12

La̱in nacuaj xqꞌuebal caꞌchꞌinak chic le̱ naꞌleb. Aꞌin ma̱cuaꞌ xyehom li Ka̱cuaꞌ, aban la̱in ninnau nak us xba̱nunquil. Cui junak cui̱nk naxpa̱b li Dios ut li rixakil toj ma̱jiꞌ napa̱ban ut naxcꞌul xchꞌo̱l li ixk cua̱nc riqꞌuin, li cui̱nk aꞌan incꞌaꞌ naru tixcanab chi moco tixjach rib riqꞌuin li rixakil.

2 Corintios 11:17

Li cꞌaꞌru yo̱quin chixyebal anakcuan moco qꞌuebil ta cue xban li Ka̱cuaꞌ. Abanan tinye xban nak la̱ex incꞌaꞌ nequetau xya̱lal. Yo̱quin chi a̱tinac anakcuan joꞌ nequeꞌxba̱nu li cui̱nk li nequeꞌxnimobresi rib.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

1 Corintios 7:34

Joꞌcan ajcuiꞌ li ixk li cuan xbe̱lom. Cuib ru lix cꞌaꞌux xban nak naxcꞌoxla li Ka̱cuaꞌ Dios ut tento ajcuiꞌ nak tixcꞌoxla lix cꞌanjel saꞌ rochoch ut naxba̱nu cꞌaꞌru naraj lix be̱lom. Ut li ixk li ma̱cꞌaꞌ xbe̱lom naxqꞌue xchꞌo̱l chi cꞌanjelac chiru li Ka̱cuaꞌ Dios ut naxba̱nu joꞌ naraj li Dios.

1 Corintios 7:28

Abanan cui texsumla̱k moco ma̱c ta aꞌan. Ut joꞌcaneb ajcuiꞌ li sa̱j ixk. Moco ma̱c ta cui teꞌsumla̱k. Abanan kꞌaxal cuiꞌchic nabal li raylal saꞌ xbe̱neb li sumsu̱queb. La̱in incꞌaꞌ raj nacuaj nak te̱cꞌul li raylal.

1 Corintios 7:10

Anakcuan tinye reheb li ac sumsu̱queb nak li ixakilbej incꞌaꞌ naru tixjach rib riqꞌuin lix be̱lom. Li chakꞌrab aꞌin ma̱cuaꞌ la̱in xinyehoc re injunes. Qꞌuebil ban xban li Ka̱cuaꞌ.

Salmos 78:63

Queꞌcamsi̱c li sa̱j cui̱nk saꞌ li ple̱t ut eb li tukꞌ ixk queꞌcana chi ma̱ ani chic teꞌsumla̱k cuiꞌ.